ಕೇಂದ್ರ ಸರ್ಕಾರದ ವಿಮೆ ಸೌಲಭ್ಯ ಸದ್ಬಳಕೆಯಾಗಲಿ

ವಿಜಯವಾಣಿ ಸುದ್ದಿಜಾಲ ಮುಳಬಾಗಿಲು

ಕೇಂದ್ರ ಸರ್ಕಾರದ ಪ್ರಧಾನ ಮಂತ್ರಿ ಜೀವನ ಜ್ಯೋತಿ ವಿಮೆ ಯೋಜನೆ ಹಾಗೂ ಪ್ರಧಾನ ಮಂತ್ರಿ ಸುರಕ್ಷಾ ಭೀಮಾ ಯೋಜನೆಯನ್ನು ಸದ್ಬಳಸಿಕೊಳ್ಳುವಂತೆ ಜಿಲ್ಲಾ ಮಾರ್ಗದರ್ಶಿ ಬ್ಯಾಂಕ್​ ವ್ಯವಸ್ಥಾಪಕ ಕೆ. ಸುಬ್ಬ ನಾಯಕ್​ ತಿಳಿಸಿದರು.

ನಗರದ ಆರ್ಥಿಕ ಸಾಕ್ಷರತಾ ಕೇಂದ್ರದಲ್ಲಿ ಬುಧವಾರ ಜಿಲ್ಲಾ ಮಾರ್ಗದರ್ಶಿ ಬ್ಯಾಂಕ್​ನಿಂದ ಹಮ್ಮಿಕೊಂಡಿದ್ದ ಸಾಮಾಜಿಕ ಭದ್ರತಾ ಯೋಜನಾ ಶ್ಯಾಚುರೇಷನ್​ ಅಭಿಯಾನದಲ್ಲಿ ಮಾತನಾಡಿದರು.

ಪಿಎಂಜೆಜೆಪಿವೈ ಯೋಜನೆಯಡಿ ಗ್ರಾಹಕರು ವಾರ್ಷಿಕ 436 ರೂ. ವಿಮೆ ಪಾವತಿಸಿದರೆ ಯಾವುದೇ ರೀತಿಯ ಸಾವು ಸಂಭವಿಸಿದರೆ 2 ಲಕ್ಷ ರೂ. ಹಾಗೂ ಪಿಎಂ ಸುರಾ ಭೀಮಾ ಯೋಜನೆಯಡಿ 20 ರೂ. ಪಾವತಿಸುವ ಮೂಲಕ ಅಪಘಾತಗಳು ಒಳಗೊಂಡಂತೆ ವಿದ್ಯುತ್​ ಅವಘಡ, ಹಾವು ಕಚ್ಚಿ, ಹೃದಯಘಾತ, ಕಾಡುಪ್ರಾಣಿಗಳ ದಾಳಿ ಮತ್ತಿತರ ಅಪಘಾತ ಸಂಬಂಧಿಸಿದ ಸಾವುಗಳು ಸಂಭವಿಸಿದಾಗ 2 ಲಕ್ಷ ರೂ. ವಿಮೆ ಪಡೆಯಬಹುದು ಎಂದರು.

ಜ್ವರದಿಂದ ಬಳಲುತ್ತಿದ್ದ ತಾಲೂಕಿನ ಮಡಿವಾಳದ ಎನ್​. ಎಂ.ಮಂಜುನಾಥ್​ ಮಾ.28ರಂದು ನಿಧನರಾಗಿದ್ದರಿಂದ ಅವರ ತಾಯಿ ಸೀತಮ್ಮ (70)ಗೆ ಇನ್ಶೂರೆನ್ಸ್​ ಮೊತ್ತ 2 ಲಕ್ಷ ರೂ. ಚೆಕ್​ಅನ್ನು ವಿತರಿಸಿ, 8 ದಿನಗಳಲ್ಲಿ ಯೂನಿಯನ್​ ಬ್ಯಾಂಕ್​ ಮುಳಬಾಗಿಲು ಶಾಖೆಯಿಂದ ಹಣ ನೀಡಲಾಗಿದೆ ಎಂದರು. ಆರ್ಥಿಕ ಸುರಕ್ಷತಾ ಸಲಹೆಗಾರ್ತಿ ಅಂಬಿಕಾ ಮಂಜುನಾಥ್​ ಮಾತನಾಡಿ, ಬ್ಯಾಂಕಿನಲ್ಲಿ ಖಾತೆ ತೆರೆದಿರುವ ಪ್ರತಿಯೊಬ್ಬ ಬ್ಯಾಂಕಿನಲ್ಲಿ ವಿಮೆ ಮಾಡಿಸಬೇಕೆಂದು ಮಾಹಿತಿ ನೀಡಿ ಪಿಎಂಜೆಜೆಪಿವೈ, ಪಿಎಂಎಸ್​ಪಿವೈನ ಪ್ರಮುಖ್ಯತೆಯ ಬಗ್ಗೆ ತಿಳಿಸಿ ಮುಳಬಾಗಿಲು ತಾಲೂಕಿನ ಜನ ಸಾಮಾನ್ಯರು ಇದರ ಸದುಪಯೋಗ ಪಡೆದುಕೊಳ್ಳಬೇಕು. 18 ರಿಂದ 50 ಹಾಗೂ 18 ರಿಂದ 70 ವಯಸ್ಸಿನ ಪ್ರತಿಯೊಬ್ಬರು ನೋಂದಣಿ ಮಾಡಿಕೊಳ್ಳಬೇಕು ಎಂದು ತಿಳಿಸಿದರು.

ಸೆ.30 ಒಳಗೆ ಜಿಲ್ಲಾದ್ಯಂತ ಎಲ್ಲ ಬ್ಯಾಂಕ್​ನ ಗ್ರಾಹಕರು ಈ ವಿಮೆಯ ಸೌಲಭ್ಯವನ್ನು ಪಡೆದುಕೊಳ್ಳಬೇಕು ಎಂದು ಯೂನಿಯನ್​ ಬ್ಯಾಂಕ್​ ಅಸ್ಟಿಟೆಂಟ್​ ಮ್ಯಾನೆಜರ್​ ಮಂಜುನಾಥ್​ ತಿಳಿಸಿದರು. ಈ ವಿಮೆಯ ಫಲಾನುಭವಿಗಳಾದ ಸೀತಮ್ಮ ಮತ್ತು ಮಕ್ಕಳಾದ ಜಯಲಕ್ಚಷ್ಮಮ್ಮ ಹಾಗೂ ಎಲ್​ ಮತ್ತು ಫೈನಾನ್ಸ್​ ಹಾಗೂ ಆಕ್ಸೀಸ್​ ಲೈವಿಲ್ಲಿ ವುಡ್ಸ್​ ಸಹಯೋಗದ ಡಿಜಿಟಲ್​ ಸಖಿ ತಾಲೂಕು ಸಂಯೋಜಕರು ಎಸ್​. ಶ್ವೆತಾ, ಡಿಜಿಟಲ್​ ಸಖಿ ಸರಸ್ವತಿ ಇದ್ದರು.