ಕೂಡ್ಲಿಗಿ: ಸರ್ಕಾರಿ ಸೌಲಭ್ಯ ಪಡೆಯಲು ಕಚೇರಿಗೆ ಅಲೆಯಬಾರದು ಎಂಬ ಉದ್ದೇಶದಿಂದ ಪಿಂಚಣಿ ಅದಾಲತ್ ಹಮ್ಮಿಕೊಳ್ಳಲಾಗಿದೆ ಎಂದು ಉಪ ತಹಸೀಲ್ದಾರ್ ಕೊಟ್ರಮ್ಮ ಹೇಳಿದರು.
ಇದನ್ನೂ ಓದಿ:ರೈಲ್ವೆ ಪಿಂಚಣಿ ಅದಾಲತ್ನಲ್ಲಿ 9 ಪ್ರಕರಣ ವಿಲೇವಾರಿ
ರಾಮದುರ್ಗ ಗ್ರಾಪಂನಲ್ಲಿ ಕಂದಾಯ ಇಲಾಖೆಯಿಂದ ಶನಿವಾರ ಕಂದಾಯ ಮತ್ತು ಪಿಂಚಣಿ ಅದಾಲತ್ನಲ್ಲಿ ಮಾತನಾಡಿದರು. ಪಿಂಚಣಿ ಮಂಜೂರಾಗದಿರುವ ಸಂಧ್ಯಾ ಸುರಕ್ಷಾ, ವೃದ್ಧಾಪ್ಯ ವೇತನ, ಅಂಗವಿಕಲ ವೇತನ ಹಾಗೂ ವಿಧವಾ ವೇತನಕ್ಕೆ ಅರ್ಜಿ ಸಲಿಸಬಹುದು ಎಂದರು.
ಕಂದಾಯ ನಿರೀಕ್ಷಕ ಮುರುಳಿ ಕೃಷ್ಣ ಮಾತನಾಡಿ, ಸಮಾಜದ ಕಟ್ಟ ಕಡೆಯ ವ್ಯಕ್ತಿಗೂ ಸರ್ಕಾರದ ಸೌಲಭ್ಯಗಳು ತಲುಪಬೇಕು. ಈ ನಿಟ್ಟಿನಲ್ಲಿ ಎಲ್ಲರೂ ಕೈ ಜೋಡಿಸಿ ಯೋಜನೆಗಳನ್ನು ಸಾಕಾರಗೊಳಿಸಬೇಕು ಎಂದು ತಿಳಿಸಿದರು.
ರಾಮದುರ್ಗ ಗ್ರಾಪಂ ಅಧ್ಯಕ್ಷ ಒ.ರಾಜಪ್ಪ, ಪಿಡಿಒ ಕೃಷ್ಣ ನಾಯಕ್, ಗ್ರಾಮ ಲೆಕ್ಕಾಧಿಕಾರಿ ಮರುಳಸಿದ್ದಪ್ಪ, ಸಿಬ್ಬಂದಿ ಜಿ.ಬಿ.ಮಹೇಶ, ಸುಂದರಕೃಷ್ಣ , ಬಸವರಾಜ, ಕವಿತಾ, ಶಿವಕುಮಾರ ಇದ್ದರು.