ಹ್ಯಾಳ್ಯಾದಲ್ಲಿ ಚಾಲುಕ್ಯರ ಕಾಲದ ವೀರಗಲ್ಲು ಪತ್ತೆ

ಕೊಟ್ಟೂರು: ಹ್ಯಾಳ್ಯಾ ಗ್ರಾಮದಲ್ಲಿ ಚಾಲುಕ್ಯರ ಕಾಲದ ಅಪರೂಪದ ತುರುಕಾಳಗದ ವೀರಗಲ್ಲು ಅನ್ನು ಕನ್ನಡ ವಿವಿಯ ಶಾಸನ ಶಾಸ್ತ್ರ ವಿಭಾಗದ ಸಂಶೋಧನಾರ್ಥಿ ಡಿ.ವೀರೇಶ ಪತ್ತೆ ಹಚ್ಚಿದ್ದಾರೆ.

ನೀಲಿಮಿಶ್ರಿತ ಬಳಪದ ಶಿಲೆಯ ವೀರಗಲ್ಲು 3 ಅಡಿ ಎತ್ತರ ಹಾಗೂ 1.5 ಅಡಿ ಅಗಲ ಹೊಂದಿದೆ. ಕೆಳಗಡೆ ಧನುರ್ಧಾರಿ ವೀರನೊಬ್ಬ ಹಸುಗಳ ರಕ್ಷಣೆಗಾಗಿ ಶತ್ರು ಯೋಧರೊಂದಿಗೆ ಹೋರಾಡುತ್ತಿರುವ ಚಿತ್ರವಿದೆ.

ಇದನ್ನೂ ಓದಿ: ಆಸಂಧಿಯಲ್ಲಿ ಗಂಗರ ಕಾಲದ ವೀರಗಲ್ಲು ಪತ್ತೆ

ಉಳಿದ ಅರ್ಧಭಾಗ ನೆಲದಲ್ಲಿ ಹೂತಿದೆ. ಮಧ್ಯೆ ತುರುಕಾಳಗದಲ್ಲಿ ವೀರಮರಣ ಹೊಂದಿದ ಧನುರ್ಧಾರಿ ಯೋಧನನ್ನು ಸುರಂಗನಾರೆಯರು ಹೆಗಲ ಮೇಲೆ ಕೈಹಾಕಿ ಆಕಾಶದಲ್ಲಿ ಹಾರುತ್ತಿರುವ ಚಿತ್ರವಿದೆ.

ಕೊನೆಯ ಹಂತದಲ್ಲಿ ಸ್ವರ್ಗಲೋಕದಲ್ಲಿ ವೀರ, ಶಿವಲಿಂಗ, ನಂದಿ, ಸೂರ್ಯ-ಚಂದ್ರರ ಸಂಕೇತಗಳಿವೆ. ವಾಸ್ತುಶಿಲ್ಪ ಲಕ್ಷಣದ ಆಧಾರದಂತೆ 12ನೇ ಶತಮಾನದ ಕಲ್ಯಾಣ ಚಾಲುಕ್ಯರ ಅವಧಿಯ ತುರುಕಾಳಗದಲ್ಲಿ ಮಡಿದ ಹ್ಯಾಳ್ಯಾ ಗ್ರಾಮದ ವೀರನೊಬ್ಬನ ವೀರಮರಣದ ಸ್ಮಾರಕ ಎಂದು ಡಿ.ವೀರೇಶ ತಿಳಿಸಿದರು.