ಕೊಟ್ಟೂರು: ಪಟ್ಟಣದ ಹಿರೇಮಠದ ಶ್ರೀ ಗುರು ಕೊಟ್ಟೂರೇಶ್ವರ ಸ್ವಾಮಿ ದೇವಾಲಯದ ಮುಖ್ಯಬಾಗಿಲಿಗೆ ಬೆಳ್ಳಿ ಕವಚಧಾರಣೆ ಕಾರ್ಯಾರಂಭದ ನಿಮಿತ್ತ ಮಂಗಳವಾರ ಬೆಳ್ಳಿ ಗಟ್ಟಿಗಳಿಗೆ ವಿಶೇಷ ಪೂಜೆ ಸಲ್ಲಿಸಲಾಯಿತು.
ಕವಚ ತಯಾರಿಸಲು ಬೆಳ್ಳಿಗಟ್ಟಿಗಳನ್ನು ಬೆಂಗಳೂರಿನ ಕುಶಲಕರ್ಮಿ ದೊರೆಬಾಬುಗೆ ಹಸ್ತಾಂತರಿಸಲಾಯಿತು. 1.3 ಕೋಟಿ ರೂ. ಮೌಲ್ಯದ 128.35 ಕೆ.ಜಿ ಬೆಳ್ಳಿಯಿಂದ ಬಾಗಿಲಿಗೆ ಕವಚವನ್ನು ಮೂರು ತಿಂಗಳೊಳಗೆ ಅಳವಡಿಸಲಾಗುವುದು ಎಂದು ದೊರೆಬಾಬು ತಿಳಿಸಿದರು.