ಕೊಪ್ಪಳದಲ್ಲಿ ಗ್ಯಾಸ್​ ಸಿಲಿಂಡರ್​-ಇಂಧನ ಕೊರತೆ ಇಲ್ಲ

ಗೃಹ ಬಳಕೆ ಸಿಲಿಂಡರ್​ ಕೊರತೆ ಇಲ್ಲ. ಹಾಸ್ಟೆಲ್​, ಆಸ್ಪತ್ರೆ, ಅಕ್ಷರ ದಾಸೋಹ ಯೋಜನೆ ಜಾರಿ ಇರುವ ಶಾಲೆಗಳು, ಇಂದಿರಾ ಕ್ಯಾಂಟೀನ್​ಗಳಿಗೆ ಆಸ್ಯತೆ ಮೇರೆಗೆ ಸಿಲಿಂಡರ್​ ಪುರೈಸಲಾಗುತ್ತಿದೆ. ಆದರೆ, ಜನರು ಅನಗತ್ಯ ಗೊಂದಲ ಮಾಡಿಕೊಳ್ಳುತ್ತಿದ್ದಾರೆ. ಬಿಪಿಸಿ 11, ಐಒಸಿ 6 ಹಾಗೂ ಎಚ್​ಪಿಸಿಯ 7 ಗ್ಯಾಸ್​ ಏಜೆನ್ಸಿಗಳು ಸಕ್ರಿಯವಾಗಿವೆ. ಏಕ ಸಿಲಿಂಡರ್​ ಹೊಂದಿದವರು 25 ದಿನಕ್ಕೆ ಒಂದು, ಎರಡು ಸಿಲಿಂಡರ್​ ಹೊಂದಿದವರು 35 ದಿನ, ಉಜ್ವಲ ಯೋಜನೆ ಹೊಂದಿದವರು 45 ದಿನಕ್ಕೆ ಒಂದು ಸಿಲಿಂಡರ್​ ಪಡೆಯಬೇಕು. ಜಿಲ್ಲೆಯಲ್ಲಿ 3,79,839 ಗೃಹ ಬಳಕೆ, 4,229 ವಾಣಿಜ್ಯ ಬಳಕೆ ಸಿಲಿಂಡರ್​ ಸಂಪರ್ಕಗಳಿವೆ. ಕೆಲವರು ಗೃಹ ಬಳಕೆ ಸಿಲಿಂಡರ್​ ವಾಣಿಜ್ಯ ಬಳಕೆಗೆ ಬಳಸುತ್ತಿದ್ದು, 45 ಸಿಲಿಂಡರ್​ ವಶಕ್ಕೆ ಪಡೆಯಲಾಗಿದೆ ಎಂದು ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.

ಜಿಲ್ಲೆಯಲ್ಲಿ 167 ಪೆಟ್ರೋಲ್​ ಬಂಕ್​ಗಳಿವೆ. ನಿತ್ಯ 159 ಕಿಲೋ ಲೀಟರ್​ ಪೆಟ್ರೋಲ್​, 470 ಕಿ.ಲೀ. ಡಿಸೇಲ್​ ಬಳಕೆಯಾಗುತ್ತಿದೆ. ತಿಂಗಳಿಗೆ 4,936 ಕಿ.ಲೀ. ಪೆಟ್ರೋಲ್​, 14,113 ಕಿ.ಲೀ. ಡಿಸೇಲ್​ ಬೇಡಿಕೆ ಇದೆ. ಅಷ್ಟು ಇಂಧನ ಸ್ಟಾಕ್​ ಇದೆ. ಮುಂದಿನ ಎರಡು ತಿಂಗಳಿಗೆ ಬೇಕಾಗುವಷ್ಟು ಇಂಧನ ದಾಸ್ತಾನಿದೆ ಎಂದು ಕೇಂದ್ರ ಇಂಧನ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಜನರು ಹೆಚ್ಚುವರಿ ಇಂಧನ ಸಂಗ್ರಹಿಸುವ ಅಗತ್ಯವಿಲ್ಲ. ಆತಂಕಕ್ಕೆ ಒಳಗಾಗಬೇಕಿಲ್ಲ. ಅನನುಕೂಲವಾದಲ್ಲಿ ಸಹಾಯವಾಣಿ ಸಂಖ್ಯೆ: 08539-221515ಗೆ ಕರೆ ಮಾಡುವಂತೆ ತಿಳಿಸಿದರು.