ಮಹಾದಾಸೋಹದಲ್ಲಿ ಮೈಸೂರು ಪಾಕ ಸವಿ

ದಾಸೋಹಕ್ಕೆ ಅನೇಕ ಭಕ್ತರು ವಿವಿಧ ಖಾದ್ಯ ಅರ್ಪಿಸುತ್ತಿದ್ದಾರೆ. ಸಿಂಧನೂರಿನ ಗೆಳೆಯರ ಬಳಗದವರು ಪ್ರತಿ ವರ್ಷ ಒಂದಿಲ್ಲೊಂದು ಸಿಹಿ ತಿನಿಸು ಮಾಡುತ್ತಿದ್ದಾರೆ. ಈ ವರ್ಷ ಮೈಸೂರು ಪಾಕ ತಯಾರಿಸುತ್ತಿದ್ದು ಶನಿವಾರದಿಂದಲೇ ಪಾಕಶಾಲೆಯಲ್ಲಿ ಸಿಹಿ ಘಮಘಮಿಸುತ್ತಿದೆ. ಬೆಳಗ್ಗೆ 6 ರಿಂದ ರಾತ್ರಿ 11ಗಂಟೆವರೆಗೆ ಬಾಣಸಿಗರು ಪಾಕ ತಯಾರಿಸಿದರು. ಭಾನುವಾರವೂ ಮುಂದುವರೆಯಲಿದೆ. 60ಕ್ವಿಂಟಾಲ್ ಸಕ್ಕರೆ, 5,000 ಲೀಟರ್ ಅಡುಗೆ ಎಣ್ಣೆ, 30ಕ್ವಿಂಟಾಲ್ ಕಡಲೆ ಹಿಟ್ಟು, 5 ಕ್ವಿಂಟಾಲ್ ಮೈದಾ ಹಿಟ್ಟು, 30 ಕ್ವಿಂಟಾಲ್ ತುಪ್ಪ, 50 ಕೆ.ಜಿ.ಯಾಲಕ್ಕಿ ಬಳಕೆ ಮಾಡಲಾಯಿತು.

ಮಠದಂಗಳ ಸಿದ್ಧಗೊಂಡಿದ್ದು ರಥ ಬೀದಿ ಮಹಾರಥೋತ್ಸವಕ್ಕೆ ಕಾಯುತ್ತಿದೆ. ಜಾತ್ರಾ ಅಂಗಡಿಗಳು ನೆಲೆಯೂರಿದ್ದು, ಬೃಹತ್ ಜೋಕಾಲಿಗಳು ಜನರನ್ನು ಆಕರ್ಷಿಸುತ್ತಿವೆ. ಆಟಿಕೆ ಅಂಗಡಿಗಳು, ಬಳೆ, ಆಹಾರ ತಿನಿಸು ಇನ್ನಿತರ ಅಂಗಡಿಗಳು ವ್ಯಾಪಾರಕ್ಕೆ ಸಜ್ಜಾಗಿವೆ. ಕೃಷಿ, ತೋಟಗಾರಿಕೆ ಇಲಾಖೆ ತಮ್ಮ ಇಲಾಖೆ ವಸ್ತು ಪ್ರದರ್ಶನ, ಲ-ಪುಷ್ಪ ಪ್ರದರ್ಶನಕ್ಕೆ ಅಂತಿಮ ತಯಾರಿ ನಡೆಸಿವೆ.