ಕನಕಗಿರಿ ಶ್ರೀ ಕನಕಾಚಲ ದೇವಸ್ಥಾನದ ಹುಂಡಿ ಹಣ ಎಣಿಕೆ ಮಾಡುತ್ತಿರುವ ಕಂದಾಯ ಸಿಬ್ಬಂದಿ. ಶಿರಸ್ತೇದಾರರಾದ ಅನಿತಾ ಇಂಡಿ, ಸುನೀಲ್, ಪೇದೆ ದೇವರಾಜ್ ಇತರರಿದ್ದರು.
- ತಹಸೀಲ್ದಾರ್ ವಿಶ್ವನಾಥ ಮುರುಡಿ ನೇತೃತ್ವದಲ್ಲಿ ಎಣಿಕೆ
- 6 ಹುಂಡಿಗಳಲ್ಲಿ 50 ದಿನಗಳಲ್ಲಿ ಸಂಗ್ರಹ
ಕನಕಗಿರಿ: ಪಟ್ಟಣದ ಐತಿಹಾಸಿಕ ಶ್ರೀ ಕನಕಾಚಲ ದೇವಸ್ಥಾನದ ಹುಂಡಿಗಳನ್ನು ಮಂಗಳವಾರ ತಹಸೀಲ್ದಾರ್ ವಿಶ್ವನಾಥ ಮುರುಡಿ ನೇತೃತ್ವದಲ್ಲಿ ತೆರೆದು ಹಣ ಎಣಿಕೆ ಮಾಡಲಾಯಿತು. ಜಾತ್ರೆ ಬಳಿಕ ಅಂದರೆ ಕಳೆದ ಮಾ.26ರಂದು ಕಾಣಿಕೆ ಪೆಟ್ಟಿಗೆ ಹಣ ಎಣಿಕೆ ಮಾಡಲಾಗಿತ್ತು.
ನಂತರ 6 ಹುಂಡಿಗಳಲ್ಲಿ 50 ದಿನಗಳಲ್ಲಿ 4.52 ಲಕ್ಷ ರೂ. ಸಂಗ್ರಹವಾಗಿದ್ದು, ದೇವಸ್ಥಾನದ ಖಾತೆಗೆ ಜಮಾ ಮಾಡಲಾಗಿದೆ ಎಂದು ದೇವಸ್ಥಾನ ವ್ಯವಸ್ಥಾಪಕ ಸಿದ್ದಲಿಂಗಯ್ಯಸ್ವಾಮಿ ತಿಳಿಸಿದ್ದಾರೆ. ಶಿರಸ್ತೇದಾರರಾದ ಅನಿತಾ ಇಂಡಿ, ಸುನೀಲ್, ಸಿಬ್ಬಂದಿ ಅಮರೇಶ ಬಾವಿಕಟ್ಟಿ, ಪ್ರಮುಖರಾದ ಸುದರ್ಶನರೆಡ್ಡಿ, ಬಿ.ವಿ.ಜೋಷಿ ಇತರರಿದ್ದರು.