ಕೊಪ್ಪಳದಲ್ಲಿ ವಿವಿಧ ಯುವಕರು ಶುಕ್ರವಾರ ಜೆಡಿಎಸ್ ಸೇರ್ಪಡೆಗೊಂಡರು. ಜೆಡಿಎಸ್ ರಾಜ್ಯ ಕೋರ್ ಕಮಿಟಿ ಸದಸ್ಯ ಸಿ.ವಿ.ಚಂದ್ರಶೇಖರ, ಒಬಿಸಿ ಅಧ್ಯಕ್ಷ ಕರಿಯಪ್ಪ ಹಾಲವರ್ತಿ, ಶಿವಕುಮಾರ ಏಣಗಿ ಇದ್ದರು.
- ಸಿ.ವಿ.ಚಂದ್ರಶೇಖರ ಟೀಕೆ
- ಜೆಡಿಎಸ್ ಸೇರ್ಪಡೆ ಕಾರ್ಯಕ್ರಮ
ಕೊಪ್ಪಳ: ಕ್ಷೇತ್ರದ ಜನರಲ್ಲಿ ಶಾಸಕ ರಾಘವೇಂದ್ರ ಹಿಟ್ನಾಳ ವಿರುದ್ಧ ಜನಾಕ್ರೋಶ ಹೆಚ್ಚಿದೆ. ದಿವ್ಯ ರ್ನಿಲಕ್ಷಕ್ಕೆ ಜನ ಬೇಸತ್ತಿದ್ದು ತಕ್ಕ ಪಾಠ ಕಲಿಸುತ್ತಾರೆಂದು ಜೆಡಿಎಸ್ ರಾಜ್ಯ ಕೋರ್ ಕಮಿಟಿ ಸದಸ್ಯ ಸಿ.ವಿ.ಚಂದ್ರಶೇಖರ ಟೀಕಿಸಿದರು.
ನಗರದ ಜೆಡಿಎಸ್ ಜಿಲ್ಲಾ ಕಚೇರಿಯಲ್ಲಿ ಶುಕ್ರವಾರ ಪಕ್ಷ ಸೇರ್ಪಡೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಹಿಟ್ನಾಳ ಮೂರು ಬಾರಿ ಶಾಸಕರಾದರೂ ಕ್ಷೇತ್ರದ ಅಭಿವೃದ್ಧಿ ಮಾಡಿಲ್ಲ. ಅನುದಾನ ಬಂದಿದೆ ಎಂದು ಭೂಮಿಪೂಜೆ ಮಾಡುತ್ತಾ ಪ್ರಚಾರ ಗಿಟ್ಟಿಸಿಕೊಳ್ಳುತ್ತಿದ್ದಾರೆ. ವಾಸ್ತವದಲ್ಲಿ ರಸ್ತೆ, ಒಳಚರಂಡಿ ವ್ಯವಸ್ಥೆ ಸರಿಯಾಗಿಲ್ಲ. ಮರಳು ದಂಧೆ, ಅಕ್ರಮ ಚಟುವಟಿಕೆಗಳು ಹೆಚ್ಚಿವೆ. ನಗರಾಭಿವೃದ್ಧಿ ಪ್ರಾಧಿಕಾರ, ನಗರಸಭೆಯಲ್ಲಿ ಹಗರಣ ನಡೆಯುತ್ತಿವೆ. ಕೈಗಾರಿಕೆಗಳ ಮಾಲಿನ್ಯದಿಂದ ಜನ ತತ್ತರಿಸಿದ್ದಾರೆ. ವಿಧಾನಸಭೆಯಲ್ಲಿ ಕ್ಷೇತ್ರದ ಸಮಸ್ಯೆ ಪ್ರಸ್ತಾಪಿಸಿದ್ದು ಅತ್ಯಂತ ಕಡಿಮೆ. ಎಲ್ಲ ಸಂಗತಿಗಳು ಜನರ ಗಮನದಲ್ಲಿದ್ದು ತಕ್ಕ ಪಾಠ ಕಲಿಸುವರೆಂದರು.
ಜೆಡಿಎಸ್ ಜಿಲ್ಲಾ ಒಬಿಸಿ ಅಧ್ಯಕ್ಷ ಕರಿಯಪ್ಪ ಹಾಲವರ್ತಿ ಮಾತನಾಡಿ, ತಮ್ಮನ್ನು ಮಂತ್ರಿ ಮಾಡಿಲ್ಲ ಎಂಬ ಕಾರಣಕ್ಕೆ ಸಿದ್ದರಾಮಯ್ಯ ವಿರುದ್ಧ ಪ್ರತಿಭಟಿಸಿ ಹಿಟ್ನಾಳ ವಿರೋಧ ಕಟ್ಟಿಕೊಂಡಿದ್ದಾರೆ. ಯುವಕರು ಶಾಸಕರ ವಿಷಯದಲ್ಲಿ ಭ್ರಮನಿರಸಗೊಂಡಿದ್ದಾರೆ. ಕಾಂಗ್ರೆಸ್ ಬಿಟ್ಟು ಜೆಡಿಎಸ್ ಸೇರುತ್ತಿದ್ದಾರೆ. ಬರುವ ಚುನಾವಣೆಯಲ್ಲಿ ಎನ್ಡಿಎ ಒಕ್ಕೂಟ ಅಭ್ಯರ್ಥಿ ಗೆಲುವು ಸ್ಪಷ್ಟ ಎಂದರು.
ಮಹೇಶ್ ಕುಮಾರ್, ಪ್ರಸಾದ್, ಕಲ್ಲಯ್ಯ, ಮಹಾಂತೇಶ ವಾಲ್ಮೀಕಿ, ಕಾರ್ತಿಕ್ ಗೊಂದಿಹೊಸಹಳ್ಳಿ, ಸಂದೀಪ್ ಕಳ್ಳಿ, ಶಶಾಂಕ ಕೌಲಿ, ಅನಿಲ್ ಮೇದಾರ್, ಕಾಶಿನಾಥ್, ಶಶಾಂಕ, ಮಾರುತಿ ಚುಕ್ಕನಕಲ್, ಗವಿಸಿದ್ದಪ್ಪ ಚುಕ್ಕನಕಲ್, ಪ್ರಶಾಂತ್, ಮದಕರಿ, ಪ್ರದಿಪ್, ಮಾರುತಿ, ಚಂದ್ರಶೇಖರ್, ಸಮೀರ್ ವಾಲಿಕಾರ್, ಬಾಬಾ ಕಲಿಕೇರಿ, ಮೊಹಮ್ಮದ್ ವಾಸಿಂ, ಕಪಾಲಿ, ಮಹೆಬೂಬ್ ಜೆಡಿಎಸ್ ಸೇರಿದರು.
ತಾಲೂಕು ಪ್ರಧಾನ ಕಾರ್ಯದರ್ಶಿ ಶಿವಕುಮಾರ ಏಣಗಿ, ನಗರ ಘಟಕ ಉಪಾಧ್ಯಕ್ಷ ಗಂಗಾಧರ ವಸ್ತ್ರದ ಇತರರಿದ್ದರು.