ಶಂಕರ ಮಠದಿಂದ ದೇವಾಲಯದಲ್ಲಿನ ಮೂರ್ತಿಗೆ ವಿಶೇಷ ಪೂಜೆ, ಅಭಿಷೇಕ, ಲಲಿತ ಸಹಸ್ರನಾಮ ಪಾರಾಯಣ, ವಿವಿಧ ಮಹಿಳಾ ಭಜನಾ ಮಂಡಳಿಯಿಂದ ಭಜನಾ ಕಾರ್ಯಕ್ರಮ ನಡೆಯಿತು. ಮಠದ ಧರ್ಮದರ್ಶಿ ನಾರಾಯಣರಾವ್ ವೈದ್ಯ ಮಾತನಾಡಿ, ಏಕತೆ ಬೆಳೆಸುವಲ್ಲಿ ಹಾಗೂ ವಿಶ್ವ ಬಂಧುತ್ವ ಸಾರುವ ಭಾರತದ ಸನಾತನ ಹಿಂದೂ ಧರ್ಮ ಎಲ್ಲರನ್ನು ಒಗ್ಗೂಡಿಸುವ ವಿಶಿಷ್ಟ ಶಕ್ತಿಯಾಗಿದೆ ಎಂದರು.

ಹಿಂದೂ ಸಮ್ಮೇಳನ ಸಮಿತಿ ಸಂಚಾಲಕರಾದ ಕಂಚಿಕಾರಾಣಿ ರಾಯ್ಕರ್ ಮತ್ತು ಶಕುಂತಲಾ ವೈ.ಕಲ್ಲೂರ್ ಅವರನ್ನು ಸನ್ಮಾನಿಸಲಾಯಿತು. ಅರ್ಚಕರಾದ ಕುಮಾರ್‌ಭಟ್, ಭೀಮಭಟ್, ಶಾರದಾ ಮಹಿಳಾ ಭಜನಾ ಮಂಡಳಿಯ ಶ್ರೀದೇವಿ ಪುರಾಣಿಕ, ವಿದ್ಯಾವತಿ ಇತರರಿದ್ದರು.