ಮುನಿರಾಬಾದ್ ಠಾಣೆ ಆವರಣದಲ್ಲಿ ಹಮ್ಮಿಕೊಂಡಿದ್ದ ಅಂತಾರಾಷ್ಟ್ರೀಯ ಯೋಗ ದಿನ ಕಾರ್ಯಕ್ರಮದಲ್ಲಿ ಪಿಎಸ್ಐ ಮಲ್ಲಪ್ಪ ಹಾಗೂ ಸಿಬ್ಬಂದಿ ಯೋಗಾಭ್ಯಾಸ ಮಾಡಿದರು.
- ಪಿಎಸ್ಐ ಮಲ್ಲಪ್ಪ ಹೇಳಿಕೆ
- ಅಂತಾರಾಷ್ಟ್ರೀಯ ಯೋಗ ದಿನ
ಮುನಿರಾಬಾದ್: ಪೊಲೀಸ್ ಇಲಾಖೆ ಕೆಲಸ ಸದಾ ಒತ್ತಡದಿಂದ ಕೂಡಿರುತ್ತದೆ. ಆದ್ದರಿಂದ ದೈಹಿಕ ಮತ್ತು ಮಾನಸಿಕ ಆರೋಗ್ಯ ಕಾಪಾಡಿಕೊಳ್ಳಲು ಯೋಗ ಅತ್ಯಂತ ಸಹಕಾರಿಯಾಗಿದೆ ಎಂದು ಪಿಎಸ್ಐ ಮಲ್ಲಪ್ಪ ಹೇಳಿದರು. ಇಲ್ಲಿನ ಪೊಲೀಸ್ ಠಾಣೆಯಲ್ಲಿ ಭಾನುವಾರ ಹಮ್ಮಿಕೊಂಡಿದ್ದ ಅಂತಾರಾಷ್ಟ್ರೀಯ ಯೋಗ ದಿನ ಕಾರ್ಯಕ್ರಮದಲ್ಲಿ ಮಾತನಾಡಿದರು.
ಪ್ರತಿ ದಿನ ಯೋಗಾಭ್ಯಾಸ ರೂಢಿಸಿಕೊಂಡರೆ ಕರ್ತವ್ಯದಲ್ಲಿ ಏಕಾಗ್ರತೆ ಮತ್ತು ಕಾರ್ಯದಕ್ಷತೆ ಹೆಚ್ಚುತ್ತದೆ ಎಂದರು. ನಂತರ ಠಾಣೆಯ ಆವರಣದಲ್ಲಿ ಯೋಗಾಸನ ಮಾಡಲಾಯಿತು. ಸಿಬ್ಬಂದಿ ಶರಣಪ್ಪ, ಸಂತೋಷ್ ಸಜ್ಜನ್, ಕೃಷ್ಣ ಭಂಡಾರಿ, ಅಶೋಕ್ ಇತರರಿದ್ದರು.