ಅಂಬಾ ಭವಾನಿ ದೇಗುದಲ್ಲಿ ಭಂಡಾರ ಪೂಜೆ

ಕೊಪ್ಪಳ ಸಮುದಾಯ ಮುಖಂಡ ಪರಶುರಾಮ ಪವಾರ್​ ಮಾತನಾಡಿ, ಇದೊಂದು ಮಹತ್ವದ ಧಾರ್ಮಿಕ ಕಾರ್ಯಕ್ರಮ. ಭಂಡಾರ ಪೂಜೆ ಮಾಡುವುದರಿಂದ ರಾಜ್ಯದಲ್ಲಿ ಮಳೆ&ಬೆಳೆ ಉತ್ತಮವಾಗಿ ಬರಲಿದೆ. ಬರಗಾಲ ಹೋಗಲಿ, ನಾಡಲ್ಲಿ ಸುಖ-ಸಮೃದ್ಧಿ, ಶಾಂತಿ ನೆಲೆಸಲಿ ಎಂದು ವಿಶೇಷ ಪ್ರಾರ್ಥನೆ ಸಲ್ಲಿಸಲಾಗುವುದು. ಮಹಾ ಪ್ರಸಾದ ವ್ಯವಸ್ಥೆ ಹಮ್ಮಿಕೊಂಡಿದ್ದು, ಎಲ್ಲರೂ ಆಗಮಿಸುವಂತೆ ಮನವಿ ಮಾಡಿದರು.

ಕುಷ್ಟಗಿ ಸಮುದಾಯ ಮುಖಂಡ ರವೀಂದ್ರ ಸಾ ಬಾಕಳೆ ಮಾತನಾಡಿ, ದೇವಿಯ ಕೃಪೆ ಆದಲ್ಲಿ ಬರಗಾಲ ನೀಗಲಿದೆ. ಇಂಥಧಾರ್ಮಿಕ ಕಾರ್ಯಕ್ರಮ, ವಿಶೇಷ ಪೂಜೆ, ಪ್ರಸಾದ ನಿರಂತರ ನಡೆಯಲಿ ಎಂದರು. ದೇವಸ್ಥಾನ ಸಮಿತಿ ಅಧ್ಯಕ್ಷ ವೆಂಕಟೇಶ ಕಾಟವಾ,ಉಪಾಧ್ಯಕ್ಷ ರಾಜಣಸಾ ಕಾಟವಾ,ಟ್ರಸ್ಟಿಗಳಾದ ಡಾ.ರವಿಕುಮಾರ್​ ದಾನಿ, ವಿಠ್ಠಲ ದಲಬಂಜನ, ಆನಂದ ರಾಯಬಾಗಿ, ಶ್ರೀನಿವಾಸ ಬಾಕಳೆ, ಕೇಶವ ಕಾಟವಾ ಇತರರಿದ್ದರು.

ಭಾಗ್ಯನಗರದ ಅಂಬಾಭವಾನಿ ದೇವಾಲಯದಲ್ಲಿ ಜು.31ರಂದು ಮಧ್ಯಾಹ್ನ 12 ಗಂಟೆಗೆ ದೇವಿಗೆ ಮಹಾ ಮಂಗಳಾರತಿ ನಡೆಯಲಿದೆ. ಬಳಿಕ ಮುತೆದೆಯರಿಗೆ ಉಡಿ ತುಂಬಲಾಗುವುದು. ಬಳಿಕ ಮಹಾ ಪ್ರಸಾದ ಇರಲಿದೆ. ಎಸ್​ಎಸ್​ಕೆ ಸಮುದಾಯ ವಿವಿಧ ಸಂಟನೆಗಳು, ವಿವಿಧ ಗಣ್ಯರು, ಪ್ರಮುಖರು ಭಾಗಿಯಾಗಲಿದ್ದಾರೆ.