ಆರೋಪಿ ರವೀಂದ್ರ ಕುಮಾರ ಬಂಧನ

ಪ್ರಾಧಿಕಾರದಿಂದ ರಚಿಸುವ ನಿವೇಶನ ಪಡೆಯಲು ಸಾರ್ವಜನಿಕರು ಕಟ್ಟಿದ್ದ ಹಣ ದುರುಪಯೋಗ ಆಗಿದೆ. ನಕಲಿ ಖಾತೆ ಸೃಷ್ಟಿಸಿ 8.43 ಕೋಟಿ ರೂ. ಲಪಟಾಯಿಸಿದ್ದು, ಬಹುದೊಡ್ಡ ಹಗರಣ ನಡೆದಿದೆ. ಮಹಿಳೆಯೊಬ್ಬರು ನೀಡಿದ ದೂರಿನ ನಂತರ ಟನೆ ಬೆಳಕಿಗೆ ಬಂದಿದೆ. ಈ ಬಗ್ಗೆ ಪ್ರಕರಣ ದಾಖಲಾಗುತ್ತಲೇ ಆರೋಪಿ ರವೀಂದ್ರ ಕುಮಾರ್​ ತಲೆಮರೆಸಿಕೊಂಡಿದ್ದು 20 ದಿನವಾದರೂ ಪೊಲೀಸರ ಕೈಗೆ ಸಿಕ್ಕಿರಲಿಲ್ಲ. ಆರೋಪಿ ಹಾಗೂ ಆತನ ಕುಟುಂಬಸ್ಥರ ಖಾತೆಗೆ ಅಪಾರ ಹಣ ವರ್ಗಾವಣೆ ಆಗಿದ್ದು ಪತ್ತೆಯಾಗಿದೆ. ಹೀಗಾಗಿ ಕುಟುಂಬದವರೆಲ್ಲ ತಪ್ಪಿಸಿಕೊಂಡಿದ್ದರು.

ಮೂರು ದಿನಗಳ ಹಿಂದೆ ರವೀಂದ್ರ ಕುಮಾರ್​ ಸಹೋದರ ಅನಿಲ್​ ಎಂಬಾತನನ್ನು ಪೊಲೀಸರು ಬಂಧಿಸಿದ್ದರು. ಇದೀಗ ರವೀಂದ್ರ ಕುಮಾರ್​ ಹಾಗೂ ಆತನ ಪತ್ನಿ ರಮಾ ಅವರನ್ನು ಬಂಧಿಸಿದ್ದು ತನಿಖೆ ವೇಗ ಪಡೆಯಲಿದೆ. ಈಗಾಗಲೇ ಹಣ ವರ್ಗಾವಣೆ, ಖಾತೆಗಳ ವಿವರ ಕಲೆ ಹಾಕಿರುವ ತನಿಖಾಧಿಕಾರಿಗಳು 4 ಕೋಟಿ ರೂ. ಫ್ರೀಜ್​ ಮಾಡಿದ್ದಾರೆ. ಬಾಕಿ ಹಣ ಹಾಗೂ ಹಗರಣದಲ್ಲಿ ಯಾರಾರು ಭಾಗಿಯಾಗಿದ್ದಾರೆಂಬುದು ಮುಂದಿನ ತನಿಖೆಯಿಂದ ಬಯಲಿಗೆ ಬರಬೇಕಿದೆ.