ಕೂಡಿಗೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಹೆಗ್ಗಡಳ್ಳಿ ಗ್ರಾಮದಲ್ಲಿರುವ ರಾಜರ ಆಳ್ವಿಕೆಯ ಕಾಲದ 6 ಎಕರೆಗಳಷ್ಟು ಪ್ರದೇಶದ ಸರ್ವೇ ಕಾರ್ಯ ಜರುಗಿತು. ಕೆ.ಎಸ್.ಚಂದ್ರಶೇಖರ್, ಪ್ರಕಾಶ್, ಕೆ.ಟಿ.ವೆಂಕಟೇಶ್ ಮತ್ತಿತರರು ಇದ್ದರು.
ಕುಶಾಲನಗರ: ಕೂಡಿಗೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಹೆಗ್ಗಡಳ್ಳಿ ಗ್ರಾಮದಲ್ಲಿರುವ ರಾಜರ ಆಳ್ವಿಕೆಯ ಕಾಲದ 6 ಎಕರೆಗಳಷ್ಟು ಪ್ರದೇಶವು 80 ವರ್ಷಗಳಿಂದಲೂ ಕೂಡಿಗೆ ಗ್ರಾಮದ ಶ್ರೀಬಸವೇಶ್ವರ ದೇವಾಲಯ ಸಮಿತಿ ಸ್ವಾಧೀನದಲ್ಲಿದ್ದು, ಅದರ ಸರ್ವೇ ಕಾರ್ಯ ಗುರುವಾರ ಜರುಗಿತು.
ಗ್ರಾಮದ ಸರ್ವೆ ನಂಬರ್ 61/2 ರಲ್ಲಿ 6 ಎಕರೆಗಳಷ್ಟು ಪ್ರದೇಶ ಇರುವುದರಿಂದ ಅದರ ಕ್ರಮಬದ್ಧವಾದ ಸರ್ವೆ ನಡೆಸಿ ಭೂಮಿ ಹದ್ದುಬಸ್ತು ಅನ್ನು ದೇವಾಲಯ ಸಮಿತಿಗೆ ವಹಿಸಿಕೊಂಡು ಆ ಪ್ರದೇಶವನ್ನು ಅಭಿವೃದ್ಧಿ ಪಡಿಸಲು ಶ್ರೀಬಸವೇಶ್ವರ ದೇವಾಲಯ ಸಮಿತಿ ಮುಂದಾಗಿದೆ. ಈ ಹಿನ್ನೆಲೆಯಲ್ಲಿ ಸರ್ವೇ ಕಾರ್ಯ ಆರಂಭಿಸಲಾಗಿದೆ.
ಈ ಸಂದರ್ಭದಲ್ಲಿ ಶ್ರೀ ಬಸವೇಶ್ವರ ದೇವಾಲಯ ಸಮಿತಿ ಅಧ್ಯಕ್ಷ ಕೆ.ಎಸ್. ಚಂದ್ರಶೇಖರ್, ಉಪಾಧ್ಯಕ್ಷ ಪ್ರಕಾಶ್, ಕಾರ್ಯದರ್ಶಿ ಕೆ.ಟಿ. ವೆಂಕಟೇಶ್, ಮಾಜಿ ಅಧ್ಯಕ್ಷ ಕೆ.ಪಿ. ಸೋಮಣ್ಣ, ಸಮಿತಿ ನಿರ್ದೇಶಕರಾದ ಸೋಮಶೇಖರ್, ರಂಗ, ಪ್ರಸನ್ನ, ಗ್ರಾಮಸ್ಥರು, ಸರ್ವೆ ಇಲಾಖೆಯ ಅಧಿಕಾರಿಗಳು ಇದ್ದರು.