ಕೊಡಗಿನಿಂದ ನೇಪಾಳಕ್ಕೆ ಬೈಕ್ ಪ್ರವಾಸ

ಉತ್ತಮ ಪ್ರಕೃತಿಯನ್ನು ಉತ್ತೇಜಿಸುವ ಉದ್ದೇಶದಿಂದ ಕೂರ್ಗ್ ಬೈಕ್ ಝೋನ್ ಗೆಳೆಯರ ಬಳಗದಿಂದ ಕೊಡಗಿನಿಂದ ನೇಪಾಳದವರೆಗೆ ಹಮ್ಮಿಕೊಂಡಿರುವ ಅಂತಾರಾಷ್ಟ್ರೀಯ ಬೈಕ್ ಪ್ರವಾಸಕ್ಕೆ ಕೊಡಗು ಹಿತರಕ್ಷಣಾ ವೇದಿಕೆ ಅಧ್ಯಕ್ಷ ರವಿ ಗೌಡ ಸೋಮವಾರ ಚಾಲನೆ ನೀಡಿದರು. 3 ಬೈಕ್‌ಗಳಲ್ಲಿ ವಿನಯ್ ದೇರಜೆ, ಅಭಿಷೇಕ್ ಹಾಗೂ ಗೌತಮ್ ಗೌಡ ನೇಪಾಳದ ಕಡೆ ಪ್ರಯಾಣ ಬೆಳೆಸಿದರು.

ಹೋಗುವ ದಾರಿಯಲ್ಲಿ ದಾರಿ ಉದ್ದಕ್ಕೂ 1 ಸಾವಿರ ವಿವಿಧ ಬೀಜಗಳನ್ನ ನೆಡುವುದರ ಮೂಲಕ ಪ್ರಕೃತಿಯನ್ನ ಸುಂದರಗೊಳಿಸುವ ಹಾಗೂ ಕಾಪಾಡುವ ಉದ್ದೇಶದಿಂದ ಕೊಡಗಿನಿಂದ ನೇಪಾಳದವರೆಗೆ ಅಂತರಾಷ್ಟ್ರೀಯ ಬೈಕ್ ಪ್ರವಾಸವನ್ನ ಕೈಕೊಂಡಿರುವುದಾಗಿ ಸವಾರರಲ್ಲಿ ಒಬ್ಬರಾದ ವಿನಯ್ ದೇರಜೆ ಈ ಸಂದರ್ಭ ಮಾಹಿತಿ ನೀಡಿದರು

ಅನಂತ್ ಗೌಡ, ಪುನೀತ್, ಮಿಲನ್, ಪುವಿತ್, ಪ್ರಪುಲ್, ಅಭಿಷೇಕ್, ತೇಜ, ಪವನ್, ದಿಲನ್ ಮತ್ತಿತರರು ಈ ವೇಳೆ ಇದ್ದರು.