ಮಡಿಕೇರಿ: ಮಂಗಳೂರು -ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ -೭೫ ಶಿರಾಡಿ ಘಾಟ್ ಬಳಿ ಭೂ ಕುಸಿತ ಉಂಟಾದ ಹಿನ್ನಲೆ ಮಂಗಳೂರಿ ನಿಂದ ರಾಜ್ಯ ರಾಜಧಾನಿ ಬೆಂಗಳೂರಿಗೆ ಹೋಗಲು ಬಹುತೇಕರು ಅವಲಂಬಿಸಿದ್ದ ಮಡಿಕೇರಿ ರಸ್ತೆಯಲ್ಲೂ ಕುಸಿತ ಭೀತಿ ಉಂಟಾಗಿದೆ. ಹೀಗಾಗಿ ಆ ಮಾರ್ಗದಲ್ಲೂ ಬೃಹತ್ ವಾಹನಗಳ ಸಂಚಾರಕ್ಕೆ ನಿಷೇಧ ಹೇರಲಾಗಿದೆ.
ಭಾನುವಾರ ಬೆಳಗ್ಗೆಯಷ್ಟೇ ಮಡಿಕೇರಿಯಲ್ಲಿ ಕೊಡಗು ಜಿಲ್ಲಾಧಿಕಾರಿ ಕಚೇರಿಯ ತಡೆಗೋಡೆಯ ಸ್ಲ್ಯಾಬ್ಗಳು ಹೊರ ಚಾಚಿದ್ದರಿಂದ ಮಾಣಿ ಮೈಸೂರು ಮಾರ್ಗದ ಈ ಭಾಗದಲ್ಲಿ ರಸ್ತೆ ಸಂಚಾರ ನಿಷೇಧಿಸಿ ಮಡಿಕೇರಿ- ಮೇಕೇರಿ- ಅಪ್ಪಂಗಾಲ- ತಾಳತ್ತಮನೆ ಮಾರ್ಗದಲ್ಲಿ ಅವಕಾಶ ಮಾಡಿಕೊಡಲಾಗಿತ್ತು.
ಇದೀಗ ಸಂಚಾರಕ್ಕೆ ಅವಕಾಶ ಕಲ್ಪಿಸಲಾಗಿದ್ದ ಪರ್ಯಾಯ ರಸ್ತೆಯಲ್ಲೂ (ಮೇಕೇರಿ) ಬಿರುಕು ಮೂಡಿದ್ದು, ಕೂಡಲೇ ಕಾರ್ಯತತ್ಪರರಾದ ಪೊಲೀಸರು ಬ್ಯಾರಿಕೇಡ್ ಅಳವಡಿಸಿ ರಸ್ತೆಯ ಒಂದು ಬದಿ ಮಾತ್ರ ಸಂಚಾರಕ್ಕೆ ಅವಕಾಶ ಮಾಡಿಕೊಟ್ಟಿದ್ದಾರೆ. ಆದರೇ ಭಾರಿ ವಾಹನಗಳ ಸಂಚಾರವನ್ನು ಸೋಮವಾರ ರಾತ್ರಿಯಿಂದಲೇ ನಿಷೇಧಿಸಿದ್ದಾರೆ.