ಇದ್ದೂ ಇಲ್ಲದಂತಿದೆ ಸಂತೆ ಮಾರುಕಟ್ಟೆ

ಟಿ.ಎನ್. ಜಗದೀಶ್ ಚನ್ನಗಿರಿ

ಚನ್ನಗಿರಿಯಲ್ಲಿ ವ್ಯವಸ್ಥಿತವಾದ ಸಂತೆ ಮಾರುಕಟ್ಟೆ ನಿರ್ವಣಗೊಂಡರೂ ಪುರಸಭೆ ಅಧಿಕಾರಿಗಳು ಅಲ್ಲಿ ಸಂತೆ ಮಾಡಲು ಅವಕಾಶ ನೀಡದ ಕಾರಣ ಅದು ವಾಹನಗಳ ನಿಲುಗಡೆಗೆ, ಹರಟೆಕಟ್ಟೆಗೆ, ಅನೈತಿಕ ಚಟುವಟಿಕಗಳಿಗೆ ತಾಣವಾಗಿದೆ.

ಈ ಹಿಂದೆ ಶಾಸಕರಾಗಿದ್ದ ಮಾಡಾಳು ವಿರೂಪಾಕ್ಷಪ್ಪ ಅವರು ವಾರದ ಸಂತೆ, ಕುರಿ ಸಂತೆಗೆ ಅನುಕೂಲವಾಗುವಂತೆ ಎಪಿಎಂಸಿ ಅನುದಾನದಡಿ 2021ರಲ್ಲಿ 2.50 ಕೋಟಿ ರೂ. ಮಂಜೂರು ಮಾಡಿಸಿ ಮಾರುಕಟ್ಟೆ ನಿರ್ವಿುಸಿದ್ದರು.

ಆ ಹಂತದಲ್ಲಿ ಅಧಿಕಾರಿಗಳ ಸಭೆ ನಡೆಸಿ 160 ವರ್ತಕರು ಅಂಗಡಿಗಳನ್ನು ಇಟ್ಟುಕೊಂಡು ವ್ಯಾಪಾರ ಮಾಡಲು ಅನುಕೂಲ ಕಲ್ಪಿಸಿದ್ದರು. ಪೂರಕವಾಗಿ ಕುಡಿಯುವ ನೀರು, ಶೌಚಗೃಹ, ದ್ವಿಚಕ್ರ ವಾಹನಗಳ ನಿಲುಗಡೆಗೆ ನುವು ಮಾಡಿಕೊಟ್ಟಿದ್ದರು.

ಹಲವು ವರ್ಷಗಳಿಂದ ಗುಡಾರದಲ್ಲಿ ವ್ಯಾಪಾರ ಮಾಡುತ್ತ ಬಂದಿರುವ ವ್ಯವಹಾರಸ್ಥರು ಮಾರುಕಟ್ಟೆಗೆ ಹೋಗಿ ಕುಳಿತರೆ ಬಾಡಿಗೆ ಕಟ್ಟಬೇಕು ಹಾಗೂ ಹರಾಜಿನಲ್ಲಿ ಭಾಗವಹಿಸಿ ಹಣ ಪಾವತಿಸಬೇಕಾಗುತ್ತದೆ ಎಂಬ ಭಯದಿಂದ ಬಿಡಾರದಲ್ಲೇ ವ್ಯಾಪಾರ ಮುಂದುವರಿಸಿದ್ದಾರೆ.

ಹೀಗಾಗಿ ಹೊಸ ಸಂತೆ ಮಾರುಕಟ್ಟೆಗೆ ಜನರು ಹೋಗದೆ ಕುರಿ ವ್ಯಾಪಾರಿಗಳು ತಮಗಾಗಿ ಮಾಡಿರುವ ವ್ಯಾಪಾರದ ಸ್ಥಳ ಬಿಟ್ಟು ಮಾರುಕಟ್ಟೆ ಸೇರಿಕೊಂಡಿದ್ದಾರೆ. ವಾರದಲ್ಲಿ ಕುರಿಗಳ ವ್ಯಾಪಾರ ನಡೆಯುವುದರಿಂದ ತ್ಯಾಜ್ಯ ವಸ್ತುವಿನಿಂದ ಕೆಟ್ಟ ವಾಸನೆ ಬೀರುತ್ತಿದೆ. ಪ್ರಸ್ತುತ ಮಾರುಕಟ್ಟೆ ಸ್ವಚ್ಚತೆ ಇಲ್ಲದೆ ಸುತ್ತಮುತ್ತಲಿನ ಜನರ ವಾಸ ಮಾಡುವುದು ಕಷ್ಟವಾಗಿದೆ. ಕುರಿಸಂತೆ ನಡೆಯುವ ಸ್ಥಳ ವಾಹನ ರ್ಪಾಂಗ್ ಜಾಗ ಆಗಿದೆ.

ಪ್ರತಿ ಶುಕ್ರವಾರ ದೊಡ್ಡ ಪ್ರಮಾಣದಲ್ಲಿ ನಡೆಯುವ ಸಂತೆಗೆ ದಾವಣಗೆರೆ, ಭದ್ರಾವತಿ, ಹೊಳೆಲ್ಕೆರೆ, ಹೊಳೆಹೊನ್ನೂರು, ಅಜ್ಜಂಪುರ ಸೇರಿ ತಾಲೂಕಿನ ಸುತ್ತಮುತ್ತಲಿನ ಗ್ರಾಮಸ್ಥರು ಬೆಳಗ್ಗೆಯಿಂದ ಸಂಜೆವರೆಗೆ ಸಾವಿರಾರು ಸಂಖ್ಯೆಯಲ್ಲಿ ಸೇರುತ್ತಾರೆ.

ಸರಕಳ್ಳತನ, ಹಣ, ಮೊಬೈಲ್ ಇತರೆ ಕಳ್ಳತನ ನಡೆಯುವ ಕಾರಣ ಸಂತೆಗೆ ಹೋಗುವಾಗ ಮಹಿಳೆಯರು ಧರಿಸಿದ ಆಭರಣ ಮತ್ತು ಮೊಬೈಲ್​ಗಳನ್ನು ಮನೆಯಲ್ಲಿ ಬಿಟ್ಟುಹೋಗುತ್ತಾರೆ.

ಸಂತೆಗೆ ಬರುವ ಆಟೋ, ಟಿಪ್ಪರ್ ಹಾಗೂ ಟಾಟಾ ಎಸಿ ವಾಹನಗಳು ಎಲ್ಲಿ ಬೇಕಲ್ಲಿ ನಿಲುಗಡೆ ಮಾಡಿದರೆ ಓಡಾಟಕ್ಕೆ ತೊಂದರೆಯಾಗುತ್ತದೆ.