ಹುಬ್ಬಳ್ಳಿ:ನಾಯಕ ಧೀರಜ್ ಗೌಡ ಭರ್ಜರಿ ಶತಕ(157ರನ್, 182ಎಸೆತ,22 ಬೌಂ., 1ಸಿ)ದ ನೆರವಿನಿಂದ ಆತಿಥೇಯ ಕರ್ನಾಟಕ, ಇಲ್ಲಿ ನಡೆಯುತ್ತಿರುವ 19 ವಯೋಮಿತಿಯ ಕೂಚ್ ಬೆಹಾರ ಟ್ರೋಫಿ ಕ್ರಿಕೆಟ್ ಟೂರ್ನಿಯ ಕ್ವಾರ್ಟರ್ಫೈನಲ್ ಪಂದ್ಯದಲ್ಲಿ ಮಧ್ಯಪ್ರದೇಶದ ವಿರುದ್ಧ ಗೆಲುವಿನ ಸನಿಹಕ್ಕೆ ಬಂದಿದೆ.
ರಾಜನಗರ ಕೆಎಸ್ಸಿಎ ಮೈದಾನದಲ್ಲಿ ಭಾನುವಾರ ಪಂದ್ಯದ 3ನೇ ದಿನದ ಅಂತ್ಯಕ್ಕೆ ಮಧ್ಯಪ್ರದೇಶ ದ್ವಿತೀಯ ಇನ್ನಿಂಗ್ಸ್ನಲ್ಲಿ 7 ವಿಕೆಟ್ ಕಳೆದುಕೊಂಡು 113 ಗಳಿಸಿದೆ. ಇನ್ನಿಂಗ್ಸ್ ಸೋಲು ತಪ್ಪಿಸಿಕೊಳ್ಳಲು ಪ್ರವಾಸಿ ತಂಡ ಇನ್ನೂ 34 ರನ್ ಗಳಿಸಬೇಕು.
ಶನಿವಾರ ದಿನದ ಅಂತ್ಯಕ್ಕೆ 7 ವಿಕೆಟ್ಗೆ 227 ರನ್ ಗಳಿಸಿದ್ದ ಕರ್ನಾಟಕದ ಪ್ರಥಮ ಇನ್ನಿಂಗ್ಸ್ ಇಂದು 416 ರನ್ ಮೊತ್ತಕ್ಕೆ ಕೊನೆಗೊಂಡಿತು. ನಾಯಕ ಧೀರಜ್ ಗೌಡ 7ನೇ ವಿಕೆಟ್ಗೆ ಧ್ರುವ ಪ್ರಭಾಕರ ಜತೆ 86 ಹಾಗೂ 9ನೇ ವಿಕೆಟ್ಗೆ ಸಮರ್ಥ ಎನ್. ಜತೆ 118 ರನ್ಗಳ ಜೊತೆಯಾಟದಲ್ಲಿ ಭಾಗಿಯಾಗಿ ತಂಡದ ಮೊತ್ತವನ್ನು 400ರ ಗಡಿ ದಾಟಿಸಿದರು.
ಭಾರತ ಕ್ರಿಕೆಟ್ ತಂಡದ ಮುಖ್ಯ ಕೋಚ್ ರಾಹುಲ ದ್ರಾವಿಡ್ ಪುತ್ರ ಸಮಿತ ದ್ರಾವಿಡ್ ಆರಂಭದಲ್ಲಿಯೇ 3 ವಿಕೆಟ್ ಕಬಳಿಸಿ ಮಧ್ಯಪ್ರದೇಶ ತಂಡಕ್ಕೆ ದ್ವಿತೀಯ ಇನ್ನಿಂಗ್ಸ್ನಲ್ಲಿ ಬಲವಾದ ಆಘಾತ ನೀಡಿದರು.
ಮಧ್ಯಪ್ರದೇಶ: 269 ಮತ್ತು 113ಕ್ಕೆ 7 (ಸಾರಂಶ ಸುರಾನಾ 45, ಅನ್ವೇಶ ಚಾವ್ಲಾ 24, ಧನಂಜಯ ದಿಕ್ಷೀತ 26ಅ, ಸಮಿತ ದ್ರಾವಿಡ 16ಕ್ಕೆ 3, ಹಾರ್ದಿಕ ರಾಜ 24ಕ್ಕೆ 2, ಸಮರ್ಥ ಎನ್. 14ಕ್ಕೆ 1, ಧೀರಜ್ ಗೌಡ 47ಕ್ಕೆ1).
ಕರ್ನಾಟಕ: 416 (ಧೀರಜ್ ಗೌಡ 157, ಧ್ರುವ ಪ್ರಭಾಕರ 54, ಸಮರ್ಥ ಎನ್. 18, ವಿಷ್ಣು ಬರದ್ವಾಜ್ 116ಕ್ಕೆ 7, ಅಭಿ ಅಗ್ನಿ 31ಕ್ಕೆ1).