ಕಂಪ್ಲಿ: ವಿದ್ಯಾರ್ಥಿಗಳು ಆತ್ಮರಕ್ಷಣೆ ಕಲೆ ಕಲಿಯಲು ಮುಂದಾಗಬೇಕು ಎಂದು ಇಲ್ಲಿನ ಎಂ.ಕೆ.ಕರಾಟೆ ಸ್ಪೋರ್ಟ್ಸ್ ಅಸೋಸಿಯೇಷನ್ ತರಬೇತುದಾರ ಕೆ.ಕೇದಾರನಾಥ್ ಹೇಳಿದರು.
ಪಟ್ಟಣದ ಷಾ.ಮಿಯಾಚಂದ್ ಸರ್ಕಾರಿ ಪಿಯು ಕಾಲೇಜು ಮೈದಾನದಲ್ಲಿ ಭಾನುವಾರ ಎಂ.ಕೆ.ಕರಾಟೆ ಸ್ಪೋರ್ಟ್ಸ್ ಅಸೋಸಿಯೇಷನ್ ಹಮ್ಮಿಕೊಂಡಿದ್ದ ಬಹುಮಾನ ವಿತರಣಾ ಸಮಾರಂಭದಲ್ಲಿ ಮಾತನಾಡಿದರು.
ಇದನ್ನೂ ಓದಿ: ಕರಾಟೆ ಸ್ಪರ್ಧೆಯಲ್ಲಿ ಸಾಧನೆ
ಷಾ.ಮಿಯಾಚಂದ್ ಮೈದಾನದಲ್ಲಿ ನಿತ್ಯ ಬೆಳಗ್ಗೆ 6ಗಂಟೆಗೆ ಕರಾಟೆಯೊಂದಿಗೆ ಆತ್ಮರಕ್ಷಣಾ ಕಲೆಗಳನ್ನು ಉಚಿತವಾಗಿ ಕಲಿಸಲಾಗುತ್ತಿದ್ದು ಪಾಲಕರು ಮಕ್ಕಳನ್ನು ಸೇರಿಸಬೇಕು ಎಂದರು.
ಇದಕ್ಕೂ ಮುನ್ನ ಆ.26ರಂದು ಬಳ್ಳಾರಿಯಲ್ಲ್ಲಿ ಜರುಗಿದ ಟ್ರೆಡಿಷನಲ್ ಶೂಟೋಕಾನ್ ಕರಾಟೆ ಅಕಾಡೆಮಿ ಕರ್ನಾಟಕ-2023ರ 2ನೇ ರಾಷ್ಟ್ರೀಯ ಚಾಂಪಿಯನ್ಷಿಪ್ನಲ್ಲಿ ಎಂ.ಕೆ.ಕರಾಟೆ ಸ್ಪೋರ್ಟ್ಸ್ ಅಸೋಸಿಯೇಷನ್ನ ಏಳು ವಿದ್ಯಾರ್ಥಿಗಳು ಪ್ರಥಮ, ನಾಲ್ವರು ದ್ವಿತೀಯ ಹಾಗೂ 6 ಜನ ತೃತೀಯ ಸ್ಥಾನಗಳಿಸಿದ್ದು, ಅವರಿಗೆ ಪ್ರಮಾಣಪತ್ರ, ಬಹುಮಾನ ವಿತರಿಸಲಾಯಿತು.