ಪಿಡಿಎ ಕಾಲೇಜಿನಲ್ಲಿ ಆವಿಷ್ಕಾರ ಉತ್ಸವ: ಮೂಲ ಜ್ನಾನ ಅರಿಯಲು ಸಲಹೆ

ನಗರದ ಎಚ್​ಕೆಇನ ಪೂಜ್ಯ ದೊಡ್ಡಪ್ಪ ಅಪ್ಪ ಇಂಜಿನಿಯರಿಂಗ್​ ಕಾಲೇಜಿನಲ್ಲಿ ಶುಕ್ರವಾರ ಏರ್ಪಡಿಸಿದ್ದ ನಿರ್ಮಾಣ ತಾಂತ್ರಿಕ, ಸಾಂಸತಿಕ ಉತ್ಸವದಲ್ಲಿ ಗೌರವ ಅತಿಥಿಗಳಾಗಿ ಮಾತನಾಡಿ, 1958ರಲ್ಲಿ ಪ್ರಥಮ ಬಾರಿಗೆ ಸಕ್ಯುರ್ಟ್​ ಸಂಶೋಧಿಸಲಾಯಿತು. ಅದಕ್ಕೆ ಕಾಲಕ್ಕೆ ತಕ್ಕಂತೆ ಮರುಪರಿಷ್ಕರಿಸಿ, ಹೊಸ ರೂಪ ನೀಡಲಾಯಿತು. ಇಂತಹ ಮಹತ್ವದ ಟನೆಗಳನ್ನು ಅರಿತಾಗ ಆವಿಷ್ಕಾರದ ಯೋಜನೆಗಳು ಬರಲಿವೆ ಎಂದರು.

ನಗರದ ಕಾನೂನು ಮತ್ತು ಸುವ್ಯವಸ್ಥೆ ಡಿಸಿಪಿ ಶಾಲೂ ಮಾತನಾಡಿ, ವಿದ್ಯಾರ್ಥಿಗಳು ಕಾಲಕ್ಕೆ ತಕ್ಕಂತೆ ಪ್ರಾಯೋಗಿಕ ಜ್ಞಾನ ಅರಿತು, ಕ್ರಿಯಾತ್ಮಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಬೇಕು. ಬೋಧನೆಯ ಜತೆಗೆ ನಿತ್ಯ ಜೀವನಕ್ಕೆ ಬೇಕಾದ ಅಗತ್ಯತೆಗಳನ್ನು ಅರಿತಾಗ ಅನುಕೂಲವಾಗಲಿದೆ. ಡ್ರೋನ್​, ಎಐ, ಸೈಬರ್​, ಮಶೀನ್​ ಲರ್ನಿಂಗ್​ ಸೇರಿ ನಿತ್ಯ ಜೀವನದ ಪ್ರಮುಖ ವಿಷಯ ಅರಿತು, ಕೆಲಸ ಮಾಡಬೇಕು ಎಂದರು.

ಹೈದರಾಬಾದ್​ ಕರ್ನಾಟಕ ಶಿಕ್ಷಣ ಸಂಸ್ಥೆ ಅಧ್ಯಕ್ಷ, ಎಂಎಲ್​ಸಿ ಶಶೀಲ್​ ನಮೋಶಿ ಮಾತನಾಡಿ, ಪಿಡಿಎ ಕಾಲೇಜಿನಲ್ಲಿ ಭವಿಷ್ಯ ನಿರ್ಮಾಣಕ್ಕೆ ಕ್ರಿಯಾಶೀಲ ವಿದ್ಯಾರ್ಥಿಗಳನ್ನು ಸೃಷ್ಟಿಸಲಾಗುತ್ತಿದೆ. ನಾಯಕತ್ವಕ್ಕೆ ಉತ್ಸವಗಳಿಂದ ಬಲ ಬರಲಿದೆ. ಪ್ರತಿಭೆ ಹೊರ ಹಾಕಲು ಉತ್ಸವ ವೇದಿಕೆಯಾಗಿದೆ ಎಂದರು.

ಪ್ರಧಾನಿ ನರೇಂದ್ರ ಮೋದಿ ಅವರು ಹೇಳಿದಂತೆ ಪ್ರಸಕ್ತ ದಶಕವೂ ಭಾರತದ್ದಾಗಿದೆ. ತಂತ್ರಜ್ಞಾನ ಬದಲಾವಣೆಗೆ ಎಐ, ಬಾಹ್ಯಾಕಾಶ, ಡಿಜಿಟಲ್​, ಗ್ರೀನ್​ ಎನರ್ಜಿ ಸೇರಿ ಮಹತ್ವದ ಕ್ಷೇತ್ರಗಳಲ್ಲಿ ತಂತ್ರಜ್ಞಾನ ನಿರ್ಣಾಯಕ ಪಾತ್ರ ವಹಿಸುತ್ತಿದೆ. ಇಂಜಿನಿಯರಿಂಗ್​ ಕೇವಲ ಉದ್ಯೋಗವಲ್ಲ, ಪರಿಹಾರ ಹುಡುಕುವ, ಆವಿಷ್ಕಾರಗಳ ಮೂಲವಿದ್ದಂತೆ ಎಂದರು.

ಎಚ್​ಕೆಇ ಉಪಾಧ್ಯಕ್ಷ ರಾಜಾ ಭೀಮಳ್ಳಿ, ಆಡಳಿತ ಮಂಡಳಿ ಸದಸ್ಯರಾದ ಡಾ.ಶರಣಬಸಪ್ಪ ಆರ್​.ಹರವಾಳ, ಡಾ.ಅನೀಲಕುಮಾರ ಬಿ.ಪಟ್ಟಣ, ಡಾ.ಮಹಾದೇವಪ್ಪ ರಾಂಪೂರೆ, ಸಾಯಿನಾಥ ಪಾಟೀಲ್​, ಡಾ.ಅನೀಲಕುಮಾರ ಪಟ್ಟಣ, ಡಾ.ಕಿರಣ ದೇಶಕುಂ, ನಾಗಣ್ಣ ಂಟಿ, ನಿಶಾಂತ ಜಿ ಯೇಲಿ, ಡಾ.ಎಸ್​.ಆರ್​.ಹೊಟ್ಟಿ, ಉಪಪ್ರಾಂಶುಪಾಲೆ ಡಾ.ಭಾರತಿ ಹರಸೂರ ಇತರರಿದ್ದರು. ಪ್ರಾಂಶುಪಾಲ ಡಾ.ಎಸ್​.ಆರ್​.ಪಾಟೀಲ್​ ಸ್ವಾಗತಿಸಿದರು. ಸಂಯೋಜಕ ಜಯಪ್ರಕಾಶ ಎ.ಕೆ. ಪ್ರಾಸ್ತಾವಿಕ ಮಾತನಾಡಿದರು.

ಪ್ರಸ್ತುತ ಅಟೋಮೆಟೆಡ್​ ಕಾರ್​ಗಳು ಬಂದಿವೆ. ಒಂದು ಕಾರ್​ ಸಿದ್ಧಪಡಿಸಲು ಇಂಜಿನಿಯರಿಂಗ್​ನ ಭಾಗಶ@ ಎಲ್ಲ ವಿಭಾಗಗಳ ತಂತ್ರಜ್ಞರ ಅವಶ್ಯಕತೆ ಇದೆ. ಆದ್ದರಿಂದ ಜಗತ್ತಿನಲ್ಲಿ ಪ್ರಸ್ತುತ ಏನು ನಡೆಯುತ್ತಿದೆ ಎಂಬುದನ್ನು ಅರಿತು, ಅದಕ್ಕೆ ತಕ್ಕಂತೆ ಆವಿಷ್ಕಾರದಲ್ಲಿ ತೊಡಗಿಸಿಕೊಳ್ಳಬೇಕು.

— > ಡಾ.ಪ್ರಕಾಶ ಬಾಲಸುಬ್ರಮಣಿಯನ್​ ಹಿರಿಯ ನಿರ್ದೇಶಕ, ಇನಫಿನಿಯೋನ್​ ಟೆಕ್ನಾಲಜಿ

ತಂತ್ರಜ್ಞಾನದ ದುರುಪಯೋಗದ ಬಗ್ಗೆ ಜಾಗೃತರಾಗಿರಬೇಕು. ಭಯ ಹುಟ್ಟಿಸಿ, ಆನ್​ಲೈನ್​ ಮೂಲಕ ಹಣ ವಸೂಲಿ ಮಾಡಲಾಗುತ್ತಿದೆ. ಸೈಬರ್​ ಅಪರಾಧ ತಡೆಗೆ ಹೆಜ್ಜೆ ಇಡಬೇಕು. ಕಾಲೇಜು ಜೀವನ ಮಹತ್ವದ ಟ್ಟವಾಗಿದ್ದು, ಮಾದಕ ವ್ಯಸನಕ್ಕೆ ಬಲಿಯಾಗಬಾರದು. ಡ್ರಗ್ಸ್​ ಗಮನಕ್ಕೆ ಬಂದರೆ ತಕ್ಷಣ ಪೊಲೀಸರಿಗೆ ಮಾಹಿತಿ ನೀಡಬೇಕು. ರುಚಿ ನೋಡಲು ಆರಂಭಿಸಿ ನಂತರ ಅದೇ ವ್ಯಸನವಾಗಲಿದೆ.

— > ಶಾಲೂ, ಡಿಸಿಪಿ ಕಾನೂನು ಮತ್ತು ಸುವ್ಯವಸ್ಥೆ