ಕಲಬುರಗಿಯಲ್ಲಿ ಮಾ.5ರಿಂದ ಹೆಲ್ಮೆಟ್​ ಕಡ್ಡಾಯ

2025ರಲ್ಲಿ ನಗರದ ವ್ಯಾಪ್ತಿಯಲ್ಲಿ ದ್ವಿಚಕ್ರ ವಾಹನ ಅಪಘಾತದಲ್ಲಿ ತಲೆಗೆ ಗಂಭೀರ ಗಾಯದಿಂದಲೇ 64 ಜನರು ಮೃತಪಟ್ಟಿದ್ದಾರೆ. ಜನರ ಜೀವ ಉಳಿಸಬೇಕು, ಸಂಚಾರ ನಿಯಮ ಪಾಲಿಸಬೇಕು ಎಂದು ಹೆಲ್ಮೆಟ್​ ಕಡ್ಡಾಯ ಮಾಡಲಾಗುತ್ತಿದೆ. ದ್ವಿಚಕ್ರ ವಾಹನ ಸವಾರಿಗೆ ಹೆಲ್ಮೆಟ್​ ಕಡ್ಡಾಯ ನಿಯಮ ಮಾಡಿ, ಹಲವು ವರ್ಷಗಳಾಗಿವೆ. ಬಿಸಿಲಿನ ತಾಪವೆಂದು ನಿಯಮ ಸಂಪೂರ್ಣ ಜಾರಿ ಆಗಿರಲಿಲ್ಲ ಎಂದು ನಗರದಲ್ಲಿ ಗುರುವಾರ ಔಪಚಾರಿಕ ಮಾತುಕತೆ ವೇಳೆ ತಿಳಿಸಿದರು.

ಇತ್ತೀಚಿನ ದಿನಗಳಲ್ಲಿ ಅಪಘಾತ ಮತ್ತು ತಲೆಗೆ ಪೆಟ್ಟು ಬಿದ್ದು, ಮೃತರ ಸಂಖ್ಯೆ ಹೆಚ್ಚುತ್ತಿರುವುದು ಗಮನಿಸಿ, ನಗರ ಪೊಲೀಸ್​ ಆಯುಕ್ತ ಡಾ.ಶರಣಪ್ಪ ಎಸ್​.ಡಿ. ಅವರ ಮುಂದಾಳತ್ವದಲ್ಲಿ ಹಲವು ಸಭೆ ನಡೆಸಿ, ಹೆಲ್ಮೆಟ್​ ಕಡ್ಡಾಯಕ್ಕೆ ನಿರ್ಧರಿಸಲಾಗಿದೆ. ಸಾರ್ವಜನಿಕರು ಪಾಲಿಸಬೇಕು ಎಂದು ಮನವಿ ಮಾಡಿದರು.

ಸಾರ್ವಜನಿಕರು ಸಂಚಾರ ನಿಯಮಗಳನ್ನು ಪಾಲಿಸಿದರೆ ಮಾತ್ರ ದಟ್ಟಣೆ ಸೇರಿ ಎಲ್ಲ ಸಂಚಾರ ಸಮಸ್ಯೆಗಳಿಗೆ ಭಾಗಶ@ ಪರಿಹಾರ ದೊರೆಯಲಿದೆ. ನಾವೆಷ್ಟೇ ದಂಡ ಹಾಕಿದರೂ ತಪ್ಪು ಮರುಕಳಿಸುತ್ತಿವೆ. ಎಲ್ಲೆಂದರಲ್ಲಿ ವಾಹನಗಳ ನಿಲುಗಡೆ, ಸಂಚಾರ ದೀಪ ಮುಗಿಯುವ ಮುನ್ನ ವಾಹನ ಚಾಲನೆ, ಒಂದು ಮಾರ್ಗದಲ್ಲಿ ಚಲನೆ ಸೇರಿ ವಿವಿಧ ನಿಯಮ ಉಲ್ಲಂಘಿಸಿದವರ ವಿರುದ್ಧ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದರು.

ಸಂಚಾರ ಪೊಲೀಸ್​ ಠಾಣೆ ಇನ್ಸ್​ಪೆಕ್ಟರ್​ಗಳಾದ ಶಕೀಲ್​ ಅಹ್ಮದ್​ ಅಂಗಡಿ, ಶಿವಾನಂದ ವಾಲೀಕಾರ ಇದ್ದರು.