ಕಲಬುರಗಿ: ರಷ್ಯಾದಲ್ಲಿ ಮೇ 18ರಿಂದ ನಡೆಯಲಿರುವ ವಾರ್ಷಿಕ ಅಖಿಲ ರಷ್ಯಾ ಲೈಬ್ರರಿ ಕಾಂಗ್ರೆಸ್ ಸಮ್ಮೇಳನದಲ್ಲಿ ಭಾರತ ತಂಡದ ಪ್ರತಿನಿಧಿಯಾಗಿ ಗುಲ್ಬರ್ಗ ವಿಶ್ವವಿದ್ಯಾಲಯದ ಗ್ರಂಥಪಾಲಕ ಪ್ರೊ.ಸುರೇಶ ಜಂಗೆ ಆಯ್ಕೆಯಾಗಿದ್ದಾರೆ. ರಷ್ಯನ್ ಲೈಬ್ರರಿ ಅಸೋಸಿಯೇಶನ್ ಆಯೋಜಿಸಿರುವ ಐದು ದಿನಗಳ ಸಮ್ಮೇಳನದಲ್ಲಿ ಗ್ರಂಥಪಾಲಕ ಡಾ.ಸುರೇಶ ಜಂಗೆ ಭಾಗವಹಿಸಲಿದ್ದು, ಪ್ರಸ್ತುತ ಗ್ರಂಥಾಲಯ ಕ್ಷೇತ್ರದಲ್ಲಿ ಆಗುತ್ತಿರುವ ಇತ್ತೀಚಿನ ಬದಲಾವಣೆ, ಡಿಜಿಟಲ್ ತಂತ್ರಜ್ಞಾನದ ಬಳಕೆ, ಗ್ರಂಥಾಲಯಗಳ ಆಧುನೀಕರಣ ಮತ್ತು ಪುಸ್ತಕಗಳ ಸಂಗ್ರಹಣೆ ವಿಧಾನಗಳ ಕುರಿತು ಭಾರತ ಹಾಗೂ ರಷ್ಯಾದ ತಜ್ಞಾರು ಚರ್ಚಿಸುವರು. ಸಮ್ಮೇಳನಕ್ಕೆ ಆಯ್ಕೆಯಾಗಿರುವುದು ವಿಶ್ವವಿದ್ಯಾಲಯಕ್ಕೆ ಕೀರ್ತಿ ತಂದಿದೆ ಎಂದು ಗುಲ್ಬರ್ಗ ವಿಶ್ವವಿದ್ಯಾಲಯದ ಕುಲಪತಿ ಪ್ರೊ.ಶಶಿಕಾಂತ ಉಡಿಕೇರಿ ಹರ್ಷ ವ್ಯಕ್ತಪಡಿಸಿದ್ದಾರೆ.