ದಲಿತ ದೌರ್ಜನ್ಯ, ಒಳ ಮೀಸಲು ಗೊಂದಲ: ಗೋವಿಂದ ಕಾರಜೋಳ ಕಿಡಿ

ನಗರದಲ್ಲಿ ಭಾನುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಒಳಮೀಸಲಾತಿ ವಿಷಯದಲ್ಲಿ ನ್ಯಾ.ಸದಾಶಿವ ಆಯೋಗದ ವರದಿ, ನಾಗಮೋಹನದಾಸ, ಮಾಧುಸ್ವಾಮಿ ವರದಿ, ಸುಪ್ರೀಂ ಕೋರ್ಟ್​ ಆದೇಶವನ್ನು ಪಾಲಿಸದೇ ಮನಸೋ ಇಚ್ಚೆ ಮಾಡುತ್ತಿದ್ದಾರೆ ಎಂದರು.

ಬಿಜೆಪಿ ಸರ್ಕಾರ ಜಾರಿಗೆ ತಂದಿದ್ದ, ಶೇ.17 ಮೀಸಲಾತಿಯನ್ನು ಕೋರ್ಟ್​ ತಡೆ ನೀಡಲಿಲ್ಲ. 2022ರಿಂದ 2025ರವರೆಗೆ ಎಲ್ಲರೂ ಅದರ ಲಾಭ ಪಡೆದಿದ್ದಾರೆ. ನಂತರ ಜನಸಂಖ್ಯೆಗೆ ಅನುಗುಣವಾಗಿ ನೀಡಬೇಕು ಎಂದು ಸಂವಿಧಾನವೇ ಹೇಳಿದ್ದು, ಸಿದ್ದರಾಮಯ್ಯ ಗೊಂದಲ ಸೃಷ್ಟಿಸಿದ್ದು, ಕೋರ್ಟ್​ನಲ್ಲಿ ಕೇಸ್​ ಬೀಳುವಂತೆ ಮಾಡಿ, ಸಮಸ್ಯೆ ಜೀವಂತವಾಗಿ ಇಡುವ ಪ್ರಯತ್ನ ನಡೆಸಿದ್ದಾರೆ ಎಂದು ಗಂಭೀರ ಆರೋಪ ಮಾಡಿದರು.

2022ರಲ್ಲಿ ಬೊಮ್ಮಾಯಿ ನೇತೃತ್ವದ ಬಿಜೆಪಿ ಸರ್ಕಾರ ಎಸ್ಸಿ ಮೀಸಲಾತಿ 15ರಿಂದ ಶೇ.17ಕ್ಕೆ ಹೆಚ್ಚಿಸಿತು. ಸರ್ವಪಕ್ಷ ಸಭೆ ಕರೆದು, ಅಭಿಪ್ರಾಯ ಪಡೆದಿದ್ದರು. ಪ್ರಸ್ತುತ ಸರ್ಕಾರ ಒಂದೇ ಒಂದು ಸಭೆ ಕರೆದಿಲ್ಲ. ಹಿಂದೆ ಮೀಸಲಾತಿ ಹೆಚ್ಚಿಸಿ, ಕಾನೂನು ರಕ್ಷಣೆ ಒದಗಿಸಲಾಗಿತ್ತು. ಆದರೆ ಚುನಾವಣೆಯಲ್ಲಿ ಕಾಂಗ್ರೆಸ್ಸಿಗರು ಸುಳ್ಳು ಹೇಳಿ, ಲಾಭಪಡೆದರು. 2025ರಲ್ಲಿ ಒಳಮೀಸಲಾತಿ ಕೋರ್ಟ್​ ಮೆಟ್ಟಿಲೇರಿದ್ದು, ರಾಜ್ಯ ಸರ್ಕಾರ ವಾದ ಮಂಡಿಸುವಲ್ಲಿ ವಿಲವಾಗಿದೆ ಎಂದರು.

ಹೆಚ್ಚಳವಾದ ಶೇ.6 ಮೀಸಲಾತಿ ಕುರಿತು ಕೋರ್ಟ್​ನಲ್ಲಿ ವಾದ ಮಂಡಿಸದೇ ಶೇ.50 ಮೀಸಲಾತಿ ಮುಂದುವರಿಸಲು ಬೇಡಿಕೆ ಇಟ್ಟಿದ್ದರಿಂದ ಹೈಕೋರ್ಟ್​ ತಡೆಯಾಜ್ಞೆ ನೀಡಿದೆ. ಸರ್ಕಾರ ಸ್ಟೇ ತೆರವಿಗೆ ಪ್ರಯತ್ನಿಸುತ್ತಿಲ್ಲ. 2026 ೆ.26ರಂದು ಶೇ.17 ವರ್ಗಕ್ಕೆ ರಾಜ್ಯಪಾಲರ ಸಹಿ ಪಡೆಯಲಾಗಿದೆ. ಅಂದೇ ಸಂಜೆ ಮೀಸಲಾತಿ ಶೇ.56 ಅಲ್ಲ, ಶೇ.50 ಎಂದು ತೀರ್ಮಾನಿಸಲಾಗಿದೆ. ಉಪಚುನಾವಣೆ ಕಾರಣಕ್ಕೆ ಶೇ.5.25, 5.25, 4.30 ಮೀಸಲಾತಿ ನಿರ್ಧರಿಸಿದ್ದು, ಪರಿಶಿಷ್ಟ ಜಾತಿಗಳ ಎಲ್ಲ ಗುಂಪಿನಲ್ಲಿ ಗೊಂದಲ ಮುಂದುವರಿದಿದೆ. ಸ್ಪಷ್ಟತೆ ಸರ್ಕಾರದ ಬಳಿ ಇಲ್ಲ ಎಂದರು.

9ನೇ ಶೇಡ್ಯೂಲ್​ಗೆ ಶೇ.56 ಮೀಸಲಾತಿ ಸೇರಿಸಬೇಕು ಎಂದು ಹೇಳಿಕೆ ನೀಡುತ್ತಿದ್ದು, ಹಿಂದಿನ ಹಲವು ರಾಜ್ಯಗಳ ಪ್ರಕರಣಗಳಲ್ಲಿ ಇದು ವಿಲವಾಗಿದೆ. ಎಸ್ಸಿ, ಎಸ್ಟಿ ಮೀಸಲಾತಿ ಶೇ.50 ಹೆಚ್ಚಳಕ್ಕೆ ಸುಪ್ರೀಂಕೋರ್ಟ್​ ಎಂದೂ ತಡೆಯಾಜ್ಞೆ ನೀಡಿಲ್ಲ. ಓಬಿಸಿ ಹೆಚ್ಚಳಕ್ಕೆ ತಡೆಯಾಜ್ಞೆ ನೀಡಿದೆ. ಸಿದ್ದರಾಮಯ್ಯ ಸರ್ಕಾರ ಶೇ.56 ಹೆಚ್ಚಳಕ್ಕೆ ಯಾವುದೇ ಪ್ರಯತ್ನ ಮಾಡದೇ ಸುಳ್ಳು ಹರಡುತ್ತಿದೆ. ಶ್ರೀದಲ್ಲಿ ಮಧುಸೂಧನ ವರದಿ ಅಂತಾ ಹೇಳಿ ಶೇ.70 ಮೀಸಲಾತಿ ಹೆಚ್ಚಿಸುತ್ತೇವೆ ಎಂದು ಸುಳ್ಳು ಹರಡುತ್ತ, ಕಾಲಹರಣ ಮಾಡುತ್ತದೆ ಎಂದು ಭವಿಷ್ಯ ನುಡಿದರು.

ಶಾಸಕ ಬಸವರಾಜ ಮತ್ತಿಮಡು, ಬಿಜೆಪಿ ಜಿಲ್ಲಾಧ್ಯಕ್ಷ ಅಶೋಕ ಬಗಲಿ, ಶರಣಪ್ಪ ತಳವಾರ, ಆನಂದ ಪಾಟೀಲ್​, ಬಾಬುರಾವ ಹಾಗರಗುಂಡಗಿ ಇತರರಿದ್ದರು.