ಅತ್ಯಾಧುನಿಕ ಚಿಕಿತ್ಸಾ ಸೌಲಭ್ಯಕ್ಕೆ ಬದ್ಧ

ಕಲಬುರಗಿ: ಆಧುನಿಕ ತಂತ್ರಜ್ಞಾನ ಮೂಲಕ ಕೈಗೆಟಕುವ ದರದಲ್ಲಿ ಉತ್ತಮ ಚಿಕಿತ್ಸಾ ಸೇವಾ ಸೌಲಭ್ಯ ನೀಡಲು ನಮ್ಮ ಆಸ್ಪತ್ರೆ ಬದ್ಧವಾಗಿದೆ ಎಂದು ಸಿದ್ರಾಮೇಶ್ವರ ಕಣ್ಣಿನ ಆಸ್ಪತ್ರೆ ತಜ್ಞ ವೈದ್ಯ ಡಾ.ಸಿದ್ದಲಿಂಗರಡ್ಡಿ ಹೇಳಿದರು.

ವಿಶ್ವ ದೃಷ್ಟಿ ದಿನ ನಿಮಿತ್ತ ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ನೇತ್ರ ಸಂಬಂಧಿ ರೋಗಿಗಳಿಗೆ ಯಾವುದೇ ಇಂಜೆಕ್ಷನ್​, ಹೊಲಿಗೆಗಳಿಲ್ಲ. ಕಡಿಮೆ ಅವಧಿಯಲ್ಲಿ ಶ್ರೀ ಚೇತರಿಸಿಕೊಳ್ಳಲು ಅತ್ಯಾಧುನಿಕ ಟಾಫಿಕಲ್​ ಫ್ಯಾಕೋ ಎಮಲ್ಸಿಫಿಕೇಷನ್​ ಶಸಚಿಕಿತ್ಸೆ ಹಾಗೂ ಆಧುನಿಕ ತಂತ್ರಜ್ಞಾನದೊಂದಿಗೆ ಪೊರೆ ಶಸಚಿಕಿತ್ಸೆ ಮಾಡಲಾಗುತ್ತಿದೆ. ಆದರೆ ಕಣ್ಣಿನ ಸಮಸ್ಯೆಗಳನ್ನು ಆರಂಭಿಕ ಹಂತದಲ್ಲೇ ಪತ್ತೆ ಹಚ್ಚಿ ಸೂಕ್ತ ಚಿಕಿತ್ಸೆ ಪಡೆಯುವುದು ಒಳಿತು. ವಿಶೇಷವಾಗಿ ಮಧುಮೇಹ, ರಕ್ತದೊತ್ತಡದಂಥ ಕಾಯಿಲೆಗಳಿಂದ ಕಣ್ಣಿನ ಮೇಲೆ ಉಂಟಾಗುವ ಪರಿಣಾಮ ಕಡೆಗಣಿಸಬಾರದು ಎಂದು ಸಲಹೆ ನೀಡಿದರು.

ಅತ್ಯಾಧುನಿಕ ಪರೀಾ ಉಪಕರಣ ಬಳಸಿ ಕಣ್ಣಿನ ಒಳಭಾಗದ ಸೂಕ್ಷ$್ಮ ಬದಲಾವಣೆಗಳನ್ನು ನಿಖರವಾಗಿ ಪತ್ತೆ ಹಚ್ಚಿ ಸೂಕ್ತ ಚಿಕಿತ್ಸೆ ಕೈಗೊಳ್ಳಲು ಸಾಧ್ಯವಾಗಿದೆ. ನೇತ್ರ ಚಿಕಿತ್ಸೆಯಲ್ಲಿ ರೆಟಿನಾ ಮತ್ತು ವಿಟ್ರಿಯಸ್​ ಕಾಯಿಲೆ, ರೆಟಿನಲ್​ ಲೇಸರ್​, ಗ್ಲಾಕೋಮಾ, ಕಣ್ಣಿನ ಪೊರೆ (ಕ್ಯಾಟರಾಕ್ಟ್​) ಇತರ ಸಮಸ್ಯೆಗಳಿಗೆ ಆಧುನಿಕ ಚಿಕಿತ್ಸಾ ಸೌಲಭ್ಯ ಒದಗಿಸಲಾಗುತ್ತಿದೆ. ಗ್ಲಾಕೋಮಾ ಸಮಸ್ಯೆ, ಅಧಿಕ ರಕ್ತದೊತ್ತಡ, ಮಧುಮೇಹ ಕಾಯಿಲೆಯಿಂದ ಬಳಲುವವರು ಆರು ತಿಂಗಳಿಗೊಮ್ಮೆ ಕಡ್ಡಾಯವಾಗಿ ಕಣ್ಣಿನ ತಪಾಸಣೆ ಮಾಡಿಸಿಕೊಳ್ಳಬೇಕು ಎಂದರು.

ಡಾ.ವಿಶ್ವನಾಥರಡ್ಡಿ, ಡಾ.ರಾಜಶ್ರೀರಡ್ಡಿ, ಡಾ.ರಾಜೇಶ್ವರಿ ಸಿದ್ದಲಿಂಗರಡ್ಡಿ, ಡಾ.ವಿಶಾಲ್​ ಕೋರವಾರ, ಡಾ.ವಿವೇಕ ಮೊಳಕೇರೆ ಮಾತನಾಡಿದರು. ಡಾ.ಆಯೇಷಾ ನಿಖತ್​, ಎಸ್​.ಎಸ್​. ಹಿರೇಮಠ, ಡಾ.ಶಶಿಶೇಖರ ರಡ್ಡಿ ಇತರರಿದ್ದರು.