ಬಾಲ ಬಿಚ್ಚಿದ್ರೆ ಕಠಿಣ ಕ್ರಮ ಹುಷಾರ್​!

ನಗರದ ಡಿಎಆರ್​ ಪರೇಡ್​ ಮೈದಾನದಲ್ಲಿ ಶನಿವಾರ ಏರ್ಪಡಿಸಿದ್ದ ನಗರ ಪೊಲೀಸ್​ ಆಯುಕ್ತಾಲಯದ ವ್ಯಾಪ್ತಿಯ 10 ಪೊಲೀಸ್​ ಠಾಣೆಗಳ 327 ರೌಡಿಶೀಟರ್​ಗಳ ಪರೇಡ್​ನಲ್ಲಿ ಪ್ರತಿಯೊಬ್ಬರನ್ನು ವಿಚಾರಣೆ ನಡೆಸಿ, ಎಚ್ಚರಿಕೆ ನೀಡಿದ ಅವರು, 10 ವರ್ಷ ಯಾವುದೇ ಕೇಸ್​ ಇಲ್ಲದಿದ್ದರೆ ರೌಡಿಶೀಟರ್​ ತೆಗೆಯುತ್ತೇವೆ. ಆದರೆ ಸಾಮಾಜಿಕ ಸ್ವಾಸ್ಥ$್ಯಕ್ಕೆ ಧಕ್ಕೆ ತಂದು ಬಾಲ ಬಿಚ್ಚಿದರೆ ಒದ್ದು ಒಳಗೆ ಹಾಕುತ್ತೇವೆ ಎಂದು ಖಡಕ್​ ಎಚ್ಚರಿಕೆ ನೀಡಿದರು.

ಕೆಲವು ರೌಡಿಗಳು ಮುಚ್ಚಳಿಕೆ ಬರೆದುಕೊಂಡರೂ ಕೋರ್ಟ್​ಗೆ ಹೋಗುತ್ತಿದ್ದು, ಬದಲಾವಣೆ ಆಗುವ ಮನಸ್ಸಿಲ್ಲ ಎಂದರ್ಥ. ಕಾನೂನು ಹೋರಾಟ ಮಾಡಿ. ರೌಡಿಸಂನಲ್ಲಿ ಸಕ್ರೀಯವಾಗಿದ್ದರೆ ಮುಲಾಜಿಲ್ಲದೇ ಕ್ರಮ ಎದುರಿಸಬೇಕಾಗುತ್ತದೆ. ಪರೇಡ್​ಗೆ ಬಾರದಿದ್ದವರನ್ನು ವಾರದಲ್ಲಿ ಠಾಣೆಗೆ ಕರೆಸಿ, ವರದಿ ಪಡೆಯಲಾಗುವುದು ಎಂದರು.

ನಗರದಲ್ಲಿ ಒಟ್ಟು 1500 ರೌಡಿಶೀಟರ್​ಗಳಿದ್ದರು, ಅದರಲ್ಲಿ 315 ಜನರ ರೌಡಿಶೀಟರ್​? ತೆಗೆದು ಹಾಕಲಾಗಿದೆ. 1200 ರೌಡಿಶೀಟರ್​ಗಳಿದ್ದು, ಬದಲಾಗದಿದ್ದರೆ ಮುಂದುವರಿಸಲಾಗುವುದು ಎಂದರು.

ಡಿಸಿಪಿ ಶಾಲೂ, ಎಸಿಪಿಗಳಾದ ಜೇಮ್ಸ್​ ಮಿನೇಜಸ್​, ಶರಣಪ್ಪ ಸುಬೇದಾರ, ಬಸವೇಶ್ವರ ಹೀರಾ, ಶಿವನಗೌಡ ಪಾಟೀಲ್​, ಪಿಐಗಳಾದ ಗುರುಗೌಡ ಪಾಟೀಲ್​, ರಾವೇಂದ್ರ ಭಜಂತ್ರಿ, ಅರುಣಕುಮಾರ, ಚಂದ್ರಶೇಖರ ತಿಗಡಿ, ಹುಸೇನ್​ ಭಾಷಾ, ಸುಶೀಲಕುಮಾರ, ವಾಜೀದ್​ ಪಟೇಲ್​, ನಟರಾಜ ಲಾಡೆ ಪೊಲೀಸ್​ ಸಿಬ್ಬಂದಿ ಇದ್ದರು.

ಕೋಟ್​

ಬದಲಾದ ರೌಡಿಗಳಿಗೆ ಅವಕಾಶ ನೀಡಲಾಗುವುದು. ಪುನ@ ಭಾಗಿಯಾದರೆ ಕ್ರಮ ನಿಶ್ಚಿತ. ವಾಹನಗಳಲ್ಲಿ ಮಾರಕಾಸ್ತ್ರಗಳನ್ನು ಇಟ್ಟುಕೊಂಡು ಹೋಗುವುದು, ಸಾಮಾಜಿಕ ಜಾಲತಾಣದಲ್ಲಿ ಅವಾಜ್​ ಹಾಕುವ ನಾಟಕ ಮಾಡಿದ್ರೆ ಕ್ರಮ ಕೈಗೊಳ್ಳುತ್ತೇವೆ. ತೊಂದರೆ ಆದರೆ ಪೊಲೀಸರ ಹತ್ತಿರ ಹೋಗಿ, ವಾಪಸ್​ ದಾಳಿ ಮಾಡುವ ನಾಟಕವೆಲ್ಲ ಬೇಡ. ಅಪರಾಧ ಚಟುವಟಿಕೆಗಳಲ್ಲಿ ನಿರತರಾದರೆ ಪೊಲೀಸ್​ ಕ್ರಮ ಎದುರಿಸಬೇಕಾಗುತ್ತದೆ.

> ಡಾ.ಶರಣಪ್ಪ ಎಸ್​.ಡಿ.,

ನಗರ ಪೊಲೀಸ್​? ಆಯುಕ್ತ

ಬಾಕ್ಸ್​

3ಗಂಟೆಗೆ ದಿಢೀರ್​ ದಾಳಿ, ಪರಿಶೀಲನೆ

ನಗರದಲ್ಲಿ ರೌಡಿಗಳ ಮೇಲೆ ನಿರಂತರ ನಿಗಾ ಇಡುತ್ತಿದ್ದು, ಶನಿವಾರ ನಸುಕಿನ ಮೂರು ಗಂಟೆಗೆ ರೌಡಿಶೀಟರ್​ಗಳ ಮನೆ ಮೇಲೆ ದಿಢೀರ್​ ದಾಳಿ ನಡೆಸಿದ ನಗರ ಎಲ್ಲ 10 ಠಾಣೆಗಳ ಪೊಲೀಸರು, ಅಪರಾಧ ದಳದ ಸಿಬ್ಬಂದಿ ತಪಾಸಣೆ ನಡೆಸಿ, ರೌಡಿಶೀಟರ್​ ಪರೇಡ್​ಗೆ ಕರೆತಂದರು. ನಾಲ್ವರು ರೌಡಿಶೀಟರ್​ಗಳ ಮನೆಯಲ್ಲಿ ಚಾಕು, ಮಚ್ಚು, ತಲವಾರ, ಕೊಡಲಿ ಪತ್ತೆಯಾಗಿವೆ ಎಂದು ಡಾ.ಶರಣಪ್ಪ ಎಸ್​.ಡಿ.ತಿಳಿಸಿದರು.