ಸೇಡಂ: ದೇಶದಲ್ಲಿ ಆಡಳಿತದ ಚುಕ್ಕಾಣಿ ಹಿಡಿದ ಬಿಜೆಪಿ ಅಡ್ಡ ದಾರಿಯಿಂದಲೇ ಚುನಾವಣೆಯಲ್ಲಿ ಗೆಲುವು ಸಾದಿಸಿದ್ದು, ಇದೀಗ ಎಸ್ಐಆರ್ ಅಸ್ತ್ರ ಪ್ರಯೋಗಿಸುವ ಮೂಲಕ ಸಂವಿಧಾನದ ಆಶಯದ ವಿರುದ್ಧ ನಡೆದುಕೊಳ್ಳುತ್ತಿದೆ ಎಂದು ಕೃಷಿಕ ಸಮಾಜದ ರಾಜ್ಯ ಪ್ರತಿನಿಧಿ ಬಸವರಾಜ ಪಾಟೀಲ್ ಊಡಗಿ ಆರೋಪಿಸಿದರು.
ಮತ ಉಳಿಸಿ, ದೇಶ ಉಳಿಸಿ ಅಭಿಯಾನದಡಿ ಮುಧೋಳ, ಸೇಡಂ ಬ್ಲಾಕ್ ಕಾಂಗ್ರೆಸ್ನಿಂದ ಎಸ್ಐಆರ್ ಪ್ರಕ್ರಿಯೆ ವಿರೋಧಿಸಿ ರೈಲ್ವೆ ನಿಲ್ದಾಣದಿಂದ ಬಸ್ ನಿಲ್ದಾಣದವರೆಗೆ ಬುಧವಾರ ಹಮ್ಮಿಕೊಂಡಿದ್ದ ಪ್ರತಿಭಟನಾ ರ್ಯಾಲಿಯಲ್ಲಿ ಮಾತನಾಡಿ, ಚುನಾವಣೆ ಆಯೋಗ ನ್ಯಾಯ ಮತ್ತು ಮುಕ್ತವಾಗಿ ಕೆಲಸ ಮಾಡಬೇಕು. ಆದರೆ ಬಿಜೆಪಿ ಜ್ಞಾನೇಶ್ಕುಮಾರ್ ಅವರನ್ನು ಚುನಾವಣೆ ಆಯೋಗದ ಮುಖ್ಯ ಆಯುಕ್ತರನ್ನಾಗಿ ನೇಮಿಸಿ ತನ್ನ ಕೆಲಸ ಮಾಡಿಕೊಳ್ಳುತ್ತಿದೆ. ಇಡೀ ದೇಶದಲ್ಲಿ ಬಡ ಜನರ, ದಲಿತರ ಮತಗಳನ್ನೇ ತೆಗೆದು ಹಾಕಲಾಗುತ್ತಿದೆ ಎಂದು ಟೀಕಿಸಿದರು.
ಜಿಲ್ಲಾ ಕಾಂಗ್ರೆಸ್ನ ಎಸ್ಸಿ ಘಟಕ ಅಧ್ಯಕ್ಷ ಮಹಾಂತಪ್ಪ ಸಂಗಾವಿ ಮಾತನಾಡಿ, ಗೃಹ ಸಚಿವ ಅಮಿತ್ ಷಾ ಅವರ ಅಣತಿಯಂತೆ ಚುನಾವಣೆ ಆಯೋಗ ಕೆಲಸ ಮಾಡುತ್ತಿದೆ. ಬಾಬಾ ಸಾಹೇಬ ಅಂಬೇಡ್ಕರ್ ಅವರು ಪ್ರಜಾಸತಾತ್ಮಕವಾದ ಸಂವಿಧಾನ ನೀಡಿದ್ದಾರೆ. ಆದರೆ ಅಂತಹ ಸಂವಿಧಾನ ವಿರೋಧಿ ಕೆಲಸ ಬಿಜೆಪಿ ಮಾಡುತ್ತಿದೆ ದೂರಿದರು.
ಕೃಷಿಕ ಸಮಾಜದ ತಾಲೂಕು ಅಧ್ಯಕ್ಷ ಬಸವರಾಜ ರೇವಗೊಂಡ, ಮುಧೋಳ ಬ್ಲಾಕ್ ಎಸ್ಸಿ ಟಕದ ಅಧ್ಯಕ್ಷ ಜೈಭೀಮ ಊಡಗಿ, ಸೇಡಂ ಬ್ಲಾಕ್ ಎಸ್ಸಿ ಟಕದ ಅಧ್ಯಕ್ಷ ಜಗನ್ನಾಥ ಚಿಂತಪಳ್ಳಿ, ಯುವ ಟಕದ ತಾಲೂಕು ಉಪಾಧ್ಯಕ್ಷ ವಿಲಾಸಗೌತಂ ನಿಡಗುಂದಾ, ಪುರಸಭೆ ಮಾಜಿ ಸದಸ್ಯ ಹಾಜಿ ನಾಡೇಪಲ್ಲಿ ಮಾತನಾಡಿದರು.
ಕಾಂಗ್ರೆಸ್ ವೀಕ್ಷಕ ಅನೀಲಕುಮಾರ ಜಮಾದರ, ಸೇಡಂ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಶಿವಶರಣರೆಡ್ಡಿ ಪಾಟೀಲ್, ಮುಧೋಳ ಬ್ಲಾಕ್ ಅಧ್ಯಕ್ಷ ರವೀಂದ್ರ ನಂದಿಗಾಮ, ಪ್ರಮುಖರಾದ ಭೀಮಾಶಂಕರ ಕೊಳ್ಳಿ, ಮೋಹನರೆಡ್ಡಿ ರಂಜೋಳ, ವಿಶ್ವನಾಥ ಪಾಟೀಲ್, ಜಗದೇವಪ್ಪ ಪಾಟೀಲ್ ಕೊಂಕನಹಳ್ಳಿ, ಅಣವೀರಪ್ಪ ದೇಸಾಯಿ, ವೀರೇಂದ್ರ ರುದ್ನೂರ, ಸಿದ್ದಲಿಂಗರೆಡ್ಡಿ ಪಾಟೀಲ್ ಕುರಕುಂಟಾ, ಸಂತೋಷ ಕುಲಕರ್ಣಿ, ಅಬ್ದುಲ್ ಗಫೂರ, ವಿಶ್ವನಾಥ ಕೊಟಗಿ, ಹೇಮರೆಡ್ಡಿ ಕಲಕಂಭ, ಗುರುನಾಥರೆಡ್ಡಿ ಹೂಡಾ, ಮುರಳೀಧರರೆಡ್ಡಿ ಕೊಂತನಪಲ್ಲಿ, ಬಸವರಾಜ ಕಾಳಗಿ, ಅಶೋಕರೆಡ್ಡಿ ಕೆರಳ್ಳಿ, ಅಬ್ದುಲ್ ಸತ್ತಾರ ನಾಡೇಪಲ್ಲಿ, ವೀರಣ್ಣಗೌಡ ರೆಮ್ಮಣ್ಣಿ, ಪ್ರಶಾಂತ ಸೇಡಂಕರ್, ಅಶೋಕ ಮಹೇಂದ್ರಕರ್, ರಾಮಲಿಂಗಪ್ಪ ಬೆನಕನಹಳ್ಳಿ, ವಿಜಯಕುಮಾರ ಶರ್ಮಾ, ಬಸಮ್ಮ ಪಾಟೀಲ್, ಲಿಂಗರಾಜ ಕುರಕುಂಟಾ, ಮಾರುತಿ ಕೊಡಂಗಲ್ಕರ್, ಮೈನೋದ್ದಿನ್ ಕಾಳಗಿ, ವಿಜಯಕುಮಾರ ಸಂಗಾವಿ, ಸತೀಶ ಪೂಜಾರಿ, ಲ್ಮಕಾಂತ ಕುಲಕರ್ಣಿ ಇತರರಿದ್ದರು.