ವಂಚನೆ ಪ್ರಕರಣಗಳಿಂದ ಜಾಗರೂಕರಾಗಿರಿ

ಕಲಬುರಗಿ: ನಗರದಲ್ಲಿ ಸೈಬರ್​ ಕೆಮ್​ಗಳಿಂದ ಸುಮಾರು 58 ಕೋಟಿ ರೂ. ಹಾಗೂ ಸಾಮಾನ್ಯ ಅಪರಾಧಗಳಲ್ಲಿ ಸುಮಾರು 2 ಕೋಟಿ ರೂ.ನಷ್ಟವಾಗಿದೆ. ಹೀಗಾಗಿ ನಾಗರಿಕರು ಸದಾ ಜಾಗರೂಕರಾಗಿ ಇರಬೇಕು ಎಂದು ಸಿಪಿಐ ರಾವೇಂದ್ರ ಭಜಂತ್ರಿ ಹೇಳಿದರು.

ಕಲ್ಯಾಣ ಕರ್ನಾಟಕ ವಾಣಿಜ್ಯೋದ್ಯಮ ಸಂಸ್ಥೆಯಲ್ಲಿ ಗುರುವಾರ ಆಯೋಜಿಸಿದ್ದ ಸೈಬರ್​ ಅಪರಾಧ ಜಾಗೃತಿ ಕಾರ್ಯಕ್ರಮದಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿ ಮಾತನಾಡುತ್ತ ನಿವೃತ್ತ ನೌಕರರೊಬ್ಬರು 1.8 ಕೋಟಿ ರೂ. ಕಳೆದುಕೊಂಡಿರುವುದನ್ನು ಉದಾಹರಣೆ ನೀಡಿದ ಅವರು, ವ್ಯಾಪಾರಸ್ಥರು, ಸರ್ಕಾರಿ ನೌಕರರು ಹಾಗೂ ನಿವೃತ್ತರು ಇಂತಹ ವಂಚನೆಗಳಿಗೆ ಒಳಗಾಗುತ್ತಿದ್ದಾರೆ. ಆನ್​ಲೈನ್​ ವಂಚಕರನ್ನು ಪತ್ತೆ ಹಚ್ಚುವುದು ಹಾಗೂ ಹಣ ಮರಳಿ ಪಡೆಯುವುದು ಕಷ್ಟವಾಗಿದ್ದರಿಂದ ಮುನ್ನೆಚ್ಚರಿಕೆ ಅಗತ್ಯ ಎಂದರು.

ಹೆಚ್ಚಿನ ಲಾಭದ ಆಮಿಷವೊಡ್ಡುವ ನಕಲಿ ಹೂಡಿಕೆ ಆ್ಯಪ್​, ವಾಟ್ಸ್​ಆ್ಯಪ್​ ಮತ್ತು ಟೆಲಿಗ್ರಾಂ ಗ್ರೂಪ್​, ನಕಲಿ ಉದ್ಯೋಗ ಹಾಗೂ ಮನೆಯಿಂದಲೇ ಕೆಲಸದ ಆಫರ್​ಗಳ ಬಗ್ಗೆ ಎಚ್ಚರ ವಹಿಸಬೇಕು. ಹೂಡಿಕೆ ಆರಂಭದಲ್ಲಿ ಲಾಭ ಬಂದಂತೆ ತೋರಿಸಿ ನಂತರ ಹಣ ಪಡೆಯಲು ತೆರಿಗೆ ಅಥವಾ ಶುಲ್ಕದ ಹೆಸರಿನಲ್ಲಿ ಮತ್ತೆ ಮತ್ತೆ ಹಣ ಕೇಳುತ್ತಾರೆ. ಇಂತಹ ಆಮಿಷಗಳಿಗೆ ಒಳಗಾಗಬಾರದು. ಒಟಿಪಿ, ಪಿನ್​ ಅಥವಾ ಪಾಸ್​ವರ್ಡ್​ ಯಾರೊಂದಿಗೂ ಹಂಚಿಕೊಳ್ಳಬಾರದು ಎಂದು ಸಲಹೆ ನೀಡಿದರು.

ಡಿಜಿಟಲ್​ ಅರೆಸ್ಟ್​ ಹೆಸರಲ್ಲಿ ಪೊಲೀಸ್​ ಇತರ ಇಲಾಖೆ ಅಧಿಕಾರಿಗಳಂತೆ ಕರೆ ಮಾಡಿ ಸುಳ್ಳು ಆರೋಪ ಹೊರಿಸಿ ಹಣ ಕೇಳುವ ಪರಿಪಾಠ ಬೆಳೆದಿದೆ. ಭಾರತದಲ್ಲಿ ಡಿಜಿಟಲ್​ ಅರೆಸ್ಟ್​ ಎಂಬ ಕಾನೂನು ವ್ಯವಸ್ಥೆಯೇ ಇಲ್ಲ. ಇಂತಹ ಕರೆಗಳಿಗೆ ಹೆದರಿ ಹಣ ಕಳುಹಿಸಬಾರದು ಎಂದು ಮನವಿ ಮಾಡಿದರು.

ಸೈಬರ್​ ವಂಚನೆಯಿಂದ ಹಣ ಕಳೆದುಕೊಂಡರೆ ತಣ ಬ್ಯಾಂಕ್​ಗೆ ಮಾಹಿತಿ ನೀಡಿ 1930ಕ್ಕೆ ಕರೆ ಮಾಡಬೇಕು ಅಥವಾ ದೂರು ದಾಖಲಿಸಬೇಕು. ಬೇಗ ದೂರು ನೀಡಿದಷ್ಟು ಹಣದ ವರ್ಗಾವಣೆ ತಡೆಗೆ ಪ್ರಯತ್ನಿಸಲು ಸಾಧ್ಯವಾಗಲಿದೆ. ವ್ಯವಹಾರದ ಸಂಖ್ಯೆ, ಯುಟಿಆರ್​ ಸಂಖ್ಯೆ, ಸ್ಕ್ರೀನ್​ಶಾಟ್​, ಮೊಬೈಲ್​ ಸಂಖ್ಯೆ ಹಾಗೂ ಸಂದೇಶ ಸ್ಯಾವಾಗಿ ಉಳಿಸಿಕೊಳ್ಳಬೇಕು ಎಂದು ಕಿವಿಮಾತು ಹೇಳಿದರು.

ಸಂಸ್ಥೆ ಅಧ್ಯ ಶರಣಬಸಪ್ಪ ಪಪ್ಪಾ ಅಧ್ಯತೆ ವಹಿಸಿದ್ದರು. ಕಾರ್ಯದರ್ಶಿ ಶಿವರಾಜ ಇಂಗಿನಶೆಟ್ಟಿ, ಸಿಎ ಸಂದ ಆನಂದ ಪಲ್ಲೋಡ್​, ಸುನೀಲ ಲೋಢಾ, ರಿತೇಶ ಗಾಂಧಿ, ಕಿರಾಣಿ ವ್ಯಾಪಾರಸ್ಥರ ಸಂದ ರವೀಂದ್ರ ಮಾದಮಶೆಟ್ಟಿ, ಸರಾಫ್​ ಬಜಾರ್​ ಕಾರ್ಯದರ್ಶಿ ಶಾಮ ಪಾವಸ್ಕರ್​, ಪ್ರವಿಣ ಸೇಠಿಯಾ, ಕೆಕೆಸಿಸಿಐ ಉಪಾಧ್ಯ ಕೇದಾರ ರಾೂಜಿ, ಜಂಟಿ ಕಾರ್ಯದರ್ಶಿ ಗಿರೀಶ ಅಣಕಲ್​, ಅಭಿಜಿತ್​ ಪಡಶೆಟ್ಟಿ, ರಾಹುಲ್​ ತೆಂಗಳಿ, ಆಲೂರಿ ವೆಂಕಟ, ಜಗದೀಶ ಪಾಟೀಲ್​, ನಾಗರಾಜ ರೇಶ್ಮಿ, ಲಿಂಗರಾಜ ಭಾವಿಕಟ್ಟಿ, ಸಂತೋಷ ನಂದ್ಯಾಳ, ಸಿದ್ದು ಶೆಳ್ಳಗಿ, ಸದಾನಂದ ಪಟ್ಟಣಶೆಟ್ಟಿ, ಆಕಾಶ ತೊನಸನಹಳ್ಳಿ ಪಾಲ್ಗೊಂಡಿದ್ದರು. ನಾಗರಿಕ ಮತ್ತು ಗ್ರಾಹಕ ವ್ಯವಹಾರಗಳ ಉಪಸಮಿತಿ ಅಧ್ಯ ಸಂದೀಪ ಮಿಶ್ರಾ ವಂದಿಸಿದರು.