ಸೇಡಂ: ವಿಜಯದಶಮಿ ನಿಮಿತ್ತ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಕಾರ್ಯಕರ್ತರು ನಗರದ ಪ್ರಮುಖ ಬೀದಿಗಳಲ್ಲಿ ಭಾನುವಾರ ಆಕರ್ಷಕ ಪಥಸಂಚಲನ ನಡೆಸಿದರು.
ಮಾತೃಛಾಯ ಕಾಲೇಜು ಆವರಣದಿಂದ ಒಂದು ತಂಡದ ಸಂಚಲನ ಆರಂಭಗೊಂಡು ಬಸವನಗರ, ಇಂದಿರಾನಗರ, ವಿದ್ಯಾನಗರ, ಬಸವನಗರ ತಾಂಡಾ, ಡಿಬಿಆರ್ ಕಾಂಪೌಂಡ್, ಎಲ್ಎನ್ಟಿ ರಸ್ತೆ, ದೊಡ್ಡ ಅಗಸಿ, ರಂಗರೇಜಗಲ್ಲಿ, ಹೋಳಿ ಮೈದಾನ, ತೆಗ್ಗಿನಗೇರಿ, ನೂಲಾಗಲ್ಲಿ, ಬ್ರಾಹ್ಮಣಗಲ್ಲಿ, ಹಲಕರ್ಟಿಗಲ್ಲಿ ಸೇರಿ ಇನ್ನಿತರ ಬಡಾವಣೆಗಳಲ್ಲಿ ಸಂಚರಿಸಿತು. ಇನ್ನೊಂದು ತಂಡದ ಸಂಚಲನ ಹೌಸಿಂಗ್ ಬೋರ್ಡ್ ಕಾಲನಿ ಶ್ರೀ ಶಿವಾಂಜನೇಯ ದೇವಸ್ಥಾನದಿಂದ ಆರಂಭಗೊಂಡು, ಗಣೇಶನಗರ, ಊಡಗಿ ರಸ್ತೆ, ವೆಂಕಟೇಶನಗರ, ವಿದ್ಯಾನಗರ, ಮುಖ್ಯರಸ್ತೆ, ರಥಬೀದಿ ಮುಖಾಂತರ ಚೌರಸ್ತಾ ತಲುಪಿತು. ಇಲ್ಲಿ ಎರಡು ತಂಡಗಳು ಸಂಗಮಗೊಂಡವು. ಅಲ್ಲಿಂದ ಕಿರಾಣಾ ಬಜಾರ್ ಮಾರ್ಗವಾಗಿ ಮರಳಿ ಶಿಸ್ತಿನ ನಡಿಗೆಯೊಂದಿಗೆ ಮಾತೃಛಾಯ ಕಾಲೇಜು ಆವರಣಕ್ಕೆ ವಾಪಸ್ ಆಗಿ ಸಮಾವೇಶಗೊಂಡವು. ದಾರಿಯುದ್ದಕ್ಕೂ ಸಾರ್ವಜನಿಕರಿಂದ ಭವ್ಯ ಸ್ವಾಗತ ಕೋರಲಾಯಿತು. ಗಣವೇಷಧಾರಿಗಳ ಮೇಲೆ ಪುಷ್ಪವೃಷ್ಟಿ ಸುರಿಸಿದರು. ಭಾರತ್ ಮಾತಾಕೀ ಜೈ.. ಸೇರಿ ವಿವಿಧ ಜೈೂಷ ಮೊಳಗಿದವು.
ಮಾಜಿ ಶಾಸಕ ರಾಜಕುಮಾರ ಪಾಟೀಲ್ ತೆಲ್ಕೂರ, ಬಿಜೆಪಿ ಜಿಲ್ಲಾಧ್ಯಕ್ಷ ಅಶೋಕ ಬಗಲಿ, ತಾಲೂಕು ಅಧ್ಯಕ್ಷ ಶರಣು ಮೆಡಿಕಲ್, ಪ್ರಮುಖರಾದ ಡಾ.ಪ್ರಕಾಶ ಕುಲಕರ್ಣಿ, ಶಿವಕುಮಾರ ಪಾಟೀಲ್ ತೆಲ್ಕೂರ, ಶಿವಲಿಂಗರೆಡ್ಡಿ ಪಾಟೀಲ್ ಬೆನಕನಹಳ್ಳಿ, ರಾಜಶೇಖರ ನೀಲಂಗಿ, ಪ್ರವಿಣ ಕುಲಕರ್ಣಿ, ಶಿವಕುಮಾರ ಬೋಳಶೆಟ್ಟಿ, ಡಾ.ಶ್ರೀನಿವಾಸ ಮೊಕದಂ, ಡಾ.ರಾಜಕುಮಾರ ಬಿರಾದಾರ, ಡಾ.ಎಚ್.ಎಸ್.ಲಗಶೆಟ್ಟಿ, ಸತೀಶ ಪಾಟೀಲ್ ತರನಳ್ಳಿ, ಡಾ.ಸಾಬಯ್ಯ ಬೋವಿ, ಡಾ.ವಿನೋದಕುಮಾರ ಸಂಗಾವಿ, ಓಂಪ್ರಕಾಶ ಪಾಟೀಲ್, ರಾವೇಂದ್ರ ಮೆಕಾನಿಕ್, ರಾವೇಂದ್ರ ಮುಸ್ತಾಜರ್, ವಸಂತ ಪೂಜಾರಿ, ಸಿದ್ದಣ್ಣಶೆಟ್ಟಿ, ವೆಂಕಟೇಶ ಪಾಟೀಲ್, ರಾಜು ಅವಂಟಿ, ಶಾಂತಕುಮಾರ ಚನ್ನಕ್ಕಿ, ಅಶೋಕ ಪವಾರ, ವೀರೇಶ ಹೂಗಾರ, ಕಾಶೀನಾಥ ನಿಡಗುಂದಾ, ಶ್ರೀಮಂತ ಅವಂಟಿ, ನಾಗಪ್ಪ ಕೊಳ್ಳಿ, ಅನೀಲ ಐನಾಪುರ ಇತರರಿದ್ದರು.