ಮರಗಮ್ಮ ದೇವಸ್ಥಾನಕ್ಕೆ ಅನುದಾನ ಮಂಜೂರಿಸಿ, ಸಂಸದ ರಮೇಶ ಜಿಗಜಿಣಗಿಗೆ ಜೋಗಿ ಸಮಾಜದಿಂದ ಮನವಿ

ವಿಜಯಪುರ: ಹಿಂದುಳಿದ ವರ್ಗ ಜೋಗಿ ಸಮಾಜದ ಶ್ರೀ ಮರಗಮ್ಮ ದೇವಸ್ಥಾನ ಜೀರ್ಣೋದ್ದಾರಕ್ಕೆ ಅನುದಾನ ನೀಡಲು ಆಗ್ರಹಿಸಿ ಸಮಾಜದ ಮುಖಂಡರು ಸಂಸದ ರಮೇಶ ಜಿಗಜಿಣಗಿಗೆ ಗುರುವಾರ ಮನವಿ ಸಲ್ಲಿಸಿದರು.

ಇಲ್ಲಿನ ಹಳೆಯ ಪ್ರವಾಸಿ ಮಂದಿರದಲ್ಲಿರುವ ಸಂಸದರ ಕಚೇರಿಯಲ್ಲಿ ಮನವಿ ಸಲ್ಲಿಸಿದ ಜೋಗಿ ಸಮಾಜ ಸಂಘದ ಅಧ್ಯಕ್ಷ ಭಗವಾನ ಕಾಸಾರ ಮಾತನಾಡಿ, ಜೋಗಿ ಸಮಾಜ ಅತ್ಯಂತ ಹಿಂದುಳಿದಿರುವಂಥದ್ದು. ಈ ಸಮಾಜದ ಶ್ರೀ ಮರಗಮ್ಮ ದೇವಸ್ಥಾನ ಬಹಳ ಪುರಾತನ ಕಾಲದ್ದಾಗಿದೆ. ಶಿಥಿಲಗೊಂಡಿರುವ ಈ ದೇವಸ್ಥಾನದ ಜೀರ್ಣೋದ್ಧಾರಕ್ಕೆ ರೂ.10 ಲಕ್ಷ ಅನುದಾನ ನೀಡಬೇಕೆಂದು ಮನವಿ ಮಾಡಿದರು.

ಮುಖಂಡರಾದ ತುಕಾರಾಮ ಹಿಂಗಮೊರೆ, ದೊಂಡಿಬಾ ಲೋಣಾರಿ, ನಾನಾ ಕಾಸಾರ, ಏಕನಾಥ ಹಿಂಗಮೊರೆ, ಅಶೋಕ ಹಿಂಗಮೊರೆ, ರಮೇಶ ಹಿಂಗಮೊರೆ, ಜಗದೀಶ ಕಾಸಾರ, ರಾಜು ಸಾಳ್ಳಿ, ಗಿಡ್ಡುನಾಥ ಲೋಣಾರಿ, ಗೋರಕ ಲೋಣಾರಿ ಮತ್ತಿರರಿದ್ದರು.