ವಿಜಯವಾಣಿ ಸುದ್ದಿಜಾಲ ಧಾರವಾಡ
ನಗರದ ಗಣಕರಂಗ ಸಂಸ್ಥೆಯು ಗುರುಪೂರ್ಣಿಮೆ ಪ್ರಯುಕ್ತ ಕವಿಗೋಷ್ಠಿ ಆಯೋಜಿಸಿದ್ದು, ಆಸಕ್ತ ಕವಿಗಳಿಂದ ಕನ್ನಡದಲ್ಲಿ ಕವನಗಳನ್ನು ಆಹ್ವಾನಿಸಿದೆ. ಬುದ್ಧ, ಬಸವ, ಬಾಬಾಸಾಹೇಬರ ಕುರಿತು ಕನಿಷ್ಠ 15ರಿಂದ ಗರಿಷ್ಠ 20 ಸಾಲುಗಳ ಮಿತಿಯಲ್ಲಿರುವ ಕವನಗಳನ್ನು ಜು. 6ರೊಳಗೆ ganakarangaspardhe@gmail.comಗೆ ಕಳುಹಿಸಬೇಕು. ಸ್ಪರ್ಧೆಗೆ ವಯಸ್ಸಿನ ನಿರ್ಬಂಧವಿಲ್ಲ. ಜು. 10ರಂದು ಜರುಗುವ ಕಾರ್ಯಕ್ರಮದಲ್ಲಿ ವಿಜೇತರಿಗೆ ಪ್ರಶಸ್ತಿ ಮತ್ತು ಭಾಗವಹಿಸಿದವರಿಗೆ ಪ್ರಮಾಣಪತ್ರ ನೀಡಲಾಗುವುದು.