ಇಳಕಲ್ಲ: ಪಟ್ಟಣದ ಆರ್.ವೀರಮಣಿ ಕ್ರೀಡಾಂಗಣದಲ್ಲಿ ಕತ್ತೆಕಿರುಬ ಕಾಣಿಸಿಕೊಂಡಿದೆ ಎಂಬ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಸಾರ್ವಜನಿಕರಲ್ಲಿ ಭಯದ ವಾತಾವರಣ ಸೃಷ್ಟಿಸಿದೆ.
ಈ ಹಿನ್ನೆಲೆಯಲ್ಲಿ ಬುಧವಾರ ಅರಣ್ಯಾಧಿಕಾರಿ ತಂಡ ಕಾರ್ಯಾಚರಣೆ ನಡೆಸಿತು. ಆದರೆ ಕತ್ತೆಕಿರುಬ ತಪ್ಪಿಸಿಕೊಂಡು ಸ್ಮಶಾನದತ್ತ ಹೋಗಿದೆ.
ಸಾರ್ವಜನಿಕರು ಸ್ವಲ್ಪ ದಿನ ರಾತ್ರಿ ಸಮಯದಲ್ಲಿ ಓಡಾಡದಂತೆ ಹಾಗೂ ಕತ್ತೆಕಿರುಬ ಕಾಣಿಸಿಕೊಂಡರೆ ಅಧಿಕಾರಿಗಳಿಗೆ ಮಾಹಿತಿ ನೀಡಿ ಎಂದು ಅರಣ್ಯಾಧಿಕಾರಿ ಪಿ.ಎಂ.ಪುರಾಣಿಕಮಠ ಮನವಿ ಮಾಡಿದ್ದಾರೆ.