ಕೊಪ್ಪಳ: ಜಿಲ್ಲಾದ್ಯಂತ ಬೈಕ್ ಸವಾರರಿಗೆ ಹೆಲ್ಮೆಟ್ ಕಡ್ಡಾಯಗೊಳಿಸಿರುವ ಪೊಲೀಸರು ಗುರುವಾರ ನಗರದಾದ್ಯಂತ ಹೆಲ್ಮೆಟ್ ಧರಿಸದವರಿಗೆ ದಂಡದ ಬಿಸಿ ಮುಟ್ಟಿಸಿದರು. ಕೆಲವರು ೈನ್ ಕಟ್ಟಿದರೆ, ಸರ್ಕಾರಿ ಅಧಿಕಾರಿಗಳು ಸೇರಿ ಇತರರು ಆರಕ್ಷಕರೊಂದಿಗೆ ವಾಗ್ವಾದ ನಡೆಸಿದ ಟನೆಗಳು ನಡೆದವು.
ನೂತನ ಎಸ್ಪಿ ಡಾ.ರಾಮ್ ಸಂಚಾರಿ ನಿಯಮಗಳ ಪಾಲನೆ ಹಾಗೂ ಕಾನೂನು ಸುವ್ಯವಸ್ಥೆ ಬಿಗಿಗೊಳಿಸಿದ್ದಾರೆ. ವಾರದ ಹಿಂದೆ ಜಿಲ್ಲಾದ್ಯಂತ ದ್ವಿಚಕ್ರ ವಾಹನ ಸವಾರರಿಗೆ ಹೆಲ್ಮೆಟ್ ಧರಿಸುವಂತೆ ಜಾಗೃತಿ ಮೂಡಿಸಲಾಗಿದೆ. ಜು.1ರಿಂದ ಕಟ್ಟುನಿಟ್ಟುಗೊಳಿಸಲಾಗಿದೆ. ಬೆಳಂಬೆಳಗ್ಗೆ ಹೆಲ್ಮೆಟ್ ಇಲ್ಲದೇ ರಸ್ತೆಗಿಳಿದವರಿಗೆ ಪೊಲೀಸರು ೈನ್ ಕಟ್ಟಿಸುವ ಮೂಲಕ ಸಂಚಾರಿ ನಿಯಮಗಳ ಅರಿವು ಮೂಡಿಸುವ ಕೆಲಸ ಮಾಡಿದರು.
ಕೇಂದ್ರ ಬಸ್ ನಿಲ್ದಾಣ, ಅಶೋಕ ವೃತ್ತ, ಬಸವೇಶ್ವರ ವೃತ್ತ ಸೇರಿ ನಗರದ ಪ್ರಮುಖ ಸ್ಥಗಳಲ್ಲಿ ಕಾರ್ಯಾಚರಣೆ ನಡೆಯಿತು. ಹೆಲ್ಮೆಟ್ ಇಲ್ಲದವರ ಗಾಡಿ ಹಿಡಿದು ದಂಡ ವಸೂಲಿ ಮಾಡಿದರು. ಕೆಲವರು ವಾದ ಮಾಡುವುದು, ಜನಪ್ರತಿನಿಧಿಗಳಿಗೆ ಕರೆ ಮಾಡಿ ಹೇಳಿಸುವ ಕೆಲಸ ಮಾಡಿದರು. ಇನ್ನು ಜಿಲ್ಲಾಧಿಕಾರಿ ಕಚೇರಿ ಮಹಿಳಾ ಸಿಬ್ಬಂದಿ ಹೆಲ್ಮೆಟ್ ಇಲ್ಲದೇ ಸವಾರಿ ಮಾಡಿದ್ದು ಕಂಡುಬಂತು. ತಡೆದ ಪೊಲೀಸರೊಂದಿಗೆ ವಾದ ಮಾಡಿ ವಾಹನ ಅಲ್ಲೇ ಬಿಟ್ಟು ಹೋದರು. ದಂಡ ಕಟ್ಟದೇ ವಾಹನ ಬಿಟ್ಟು ಹೋದವರು ಮತ್ತೆ ಕೊಂಡೊಯ್ಯದಂತೆ ಚೈನ್ ಹಾಕಿ ವಾಹನ ಜಪ್ತಿ ಮಾಡಲಾಯಿತು.
ಮತ್ತೊಂದೆಡೆ ಹೆಲ್ಮೆಟ್ ಮಾರಾಟಗಾರರು ಹೆಚ್ಚಿದ್ದಾರೆ. ನಗರದ ವಿವಿಧೆಡೆ ಮಾರಾಟದಲ್ಲಿ ತೊಡಗಿದ ದೃಶ್ಯಗಳು ಕಂಡುಬಂದವು. ಪೊಲೀಸರಿಂದ ತಪ್ಪಿಸಿಕೊಳ್ಳಲು ಜನರು ಹೆಲ್ಮೆಟ್ ಖರೀದಿಗೆ ಮುಗಿಬಿದ್ದರು. ಇದನ್ನೇ ಬಂಡವಾಳ ಮಾಡಿಕೊಂಡ ಕೆಲವರು ಅಸುರಕ್ಷತಾ ಹಾಗೂ ಗುಣಮಟ್ಟ ಇಲ್ಲದ ಹೆಲ್ಮೆಟ್ ಮಾರಾಟ ಶುರುವಿಟ್ಟುಕೊಂಡಿದ್ದಾರೆ. ದುಡ್ಡು ಕೊಟ್ಟು ಖರೀದಿಸಿದರೂ ಅಪಘಾತ ವೇಳೆ ಸುರಕ್ಷತೆ ಇರುವುದಿಲ್ಲ. ಈ ಬಗ್ಗೆಯೂ ಪೊಲೀಸರು ಗಮನಹರಿಸಬೇಕೆಂದು ಸಾರ್ವಜನಿಕರು ಮನವಿ ಮಾಡಿದರು.