ಕಾನಹೊಸಹಳ್ಳಿ: ಯುವಕರು ಮಾದಕ ವಸ್ತುಗಳಿಗೆ ದಾಸರಾಗಿ ಬದುಕು ನಾಶ ಮಾಡಿಕೊಳ್ಳದೆ ಸಮಾಜದಲ್ಲಿ ಉತ್ತಮ ಪ್ರಜೆಯಾಗಿ ಬಾಳಿ ಎಂದು ಎಎಸ್ಐ ನಾಗೇಂದ್ರ ಆಚಾರಿ ಹೇಳಿದರು.
ಸಮೀಪದ ಗುಡೇಕೋಟೆ ಗ್ರಾಮದ ಪೊಲೀಸ್ ಠಾಣೆ ವತಿಯಿಂದ ಮಾದಕ ವಸ್ತುಗಳ ವಿರೋಧಿ ದಿನಾಚರಣೆ ನಿಮಿತ್ತ ಹಮ್ಮಿಕೊಂಡಿದ್ದ ಜಾಗೃತಿ ಜಾಥಾದಲ್ಲಿ ಶುಕ್ರವಾರ ಮಾತನಾಡಿದರು.
ಗಾಂಜಾ, ಅಫೀಮು, ಡ್ರಗ್ಸ್ ನ ಮಾದಕ ವಸ್ತುಗಳ ಮಾರಟ ಹಾಗೂ ಸಮಾಜಕ್ಕೆ ಮಾರಕವಾಗುವ ಚಟುವಟಿಕೆಗಳು ನಡೆಯುವುದು ತಿಳಿದರೆ ಪೊಲೀಸ್ರಗೆ ಮಾಹಿತಿ ನೀಡುವ ಮೂಲಕ ಸ್ವಾಸ್ಥ್ಯ ಸಮಾಜ ಕಟ್ಟಲು ಸಹಕಾರ ನೀಡಬೇಕು ಎಂದರು.
ಗ್ರಾಮದ ಬಿಸಿಎಂ ಬಾಲಕರ ವಸತಿ ನಿಲಯದಿಂದ ಪೊಲೀಸ್ ಠಾಣೆ ಮಾರ್ಗವಾಗಿ ಸರಕಾರಿ ಪಪೂ ಕಾಲೇಜಿನವರೆಗೆ ಜಾಗೃತಿ ಜಾಥಾ ನಡೆಯಿತು.
ಹೆಡ್ ಕಾನ್ಸ್ಟೇಬಲ್ ಎಂ.ಸ್ವರೂಪಾನಂದ ಕೊಟ್ಟೂರು, ಪೇದೆಗಳಾದ ಬಸವರಾಜ, ವೀಣಾ, ಚೈತನ್ಯ, ಪೂಜಾರಹಳ್ಳಿ ಗುರುಸ್ವಾಮಿ, ಮಂಜುನಾಥ, ಸಿದ್ದೇಶ್, ಪರಮೇಶ್ ಇದ್ದರು.