ಬಿಹಾರದಲ್ಲಿ ಬಿಜೆಪಿ ಎನ್‌ಡಿಎ ಮೈತ್ರಿಕೂಟ ಭಾರಿ ಬಹುಮತದಲ್ಲಿ ಜಯ ಗಳಿಸಿದ ಹಿನ್ನೆಲೆಯಲ್ಲಿ ಬ್ಯಾಡಗಿ ಬಿಜೆಪಿ ಕಾರ್ಯಕರ್ತರು ಪಟಾಕಿ ಸಿಡಿಸಿ ಶುಕ್ರವಾರ ವಿಜಯೋತ್ಸವ ಆಚರಿಸಿದರು. 

ರೈತರಿಗೆ ರಾಜ್ಯ ಸರ್ಕಾರಿ ಬೆಳೆ ಪರಿಹಾರ ಸೇರಿದಂತೆ ಹಲವು ಸೌಲತ್ತು ನೀಡುವಲ್ಲಿ ಕೇಂದ್ರದತ್ತ ಬೊಟ್ಟು ಮಾಡುವುದು ಸರಿಯಲ್ಲ. ತನ್ನ ಪಾಲಿನ ಪರಿಹಾರವನ್ನು ಮೊದಲು ನೀಡಲಿ. ಕೇಂದ್ರ ರೈತಪರ ನಿಲುವು ಹೊಂದಿದ್ದು, ದೊಡ್ಡ ಮೊತ್ತದಲ್ಲಿ ಪರಿಹಾರ  ನೀಡಿದೆ. ಗೋವಿನ ಜೋಳದ ಖರೀದಿ ಕೇಂದ್ರ ತೆರೆಯುವುದು ರಾಜ್ಯ ಸರ್ಕಾರದ ಜವಾಬ್ದಾರಿ. ಎಲ್ಲದಕ್ಕೂ ಕೇಂದ್ರ ಸರ್ಕಾರ ತೋರಿಸುವ ಮೂಲಕ ತಮ್ಮ ಜವಾಬ್ದಾರಿಯಿಂದ ತಪ್ಪಿಸಿಕೊಳ್ಳುತ್ತಿದೆ ಎಂದರು.

ರಾಜ್ಯದಲ್ಲಿ 17 ಲಕ್ಷ ಹೆಕ್ಟೇರ್ ಪ್ರದೇಶದಲ್ಲಿ 54 ಲಕ್ಷ ಮೆಟ್ರಿಕ್ ಟನ್ ಗೋವಿನ ಜೋಳ ಬೆಳೆಯಾಗಿದೆ. ಸುಮಾರ 2-3 ಲಕ್ಷ ಎಕರೆಯಲ್ಲಿ ಬೆಳೆಹಾನಿಯಾಗಿದ್ದು, ಎಲ್ಲ ತಾಲೂಕುಗಳಲ್ಲಿ ಶೇ.10 ರಷ್ಟು ನಾತ್ರ ಬೆಳೆ ಹಾನಿ ತೋರಿಸಿದ್ದಾರೆ. ಪರಿಣಾಮ ರಾಜ್ಯದ ಮೆಕ್ಕೆಜೋಳ ರೈತರಿಗೆ ಅನ್ಯಾಯವಾಗುತ್ತಿದೆ. ಮೊದಲು ಸಮೀಕ್ಷೆ ಸರಿಪಡಿಸಿ ಆ ಪರಿಹಾರ ನೀಡಲಿ ಎಂದರು.

ಈ ವೇಳೆ ಬಿಜೆಪಿ ಜಿಲ್ಲಾಧ್ಯಕ್ಷ ವಿರೂಪಾಕ್ಷಪ್ಪ ಬಳ್ಳಾರಿ, ತಾಲೂಕು ಬಿಜೆಪಿ ಅಧ್ಯಕ್ಷ ನಿಂಗಪ್ಪ ಬಟ್ಟಲಕಟ್ಟೆ, ಮಾಜಿ ಅಧ್ಯಕ್ಷ ಶಿವಯೋಗಿ ಶಿರೂರು, ಬಿಜೆಪಿ ಮುಖಂಡರಾದ ಸುಭಾಸ ಮಾಳಗಿ, ವಿನಯಕುಮಾರ ಹಿರೇಮಠ, ಸರೋಜವ್ವ ಉಳ್ಳಾಗಡ್ಡಿ, ವಿಜಯ ಬಳ್ಳಾರಿ, ಶಂಕ್ರಪ್ಪ ಮಾತನವರ ಇತರರಿದ್ದರು.