ರಾಜ್ಯ ಸರ್ಕಾರ ಕಾಫಿ ಬೆಳೆಗೆ ಉತ್ತೇಜನ ನೀಡಲಿ

ರಾಜ್ಯ ಸರ್ಕಾರ ಕಾಫಿ ಬಗ್ಗೆ ಗಮನಹರಿಸಿ ಉತ್ತೇಜನ ನೀಡಬೇಕು. ಬೆಂಗಳೂರಿನಲ್ಲಿ ನಮ್ಮದೇ ಆದ ಕೇಂದ್ರ ಹಾಗೂ ಕ್ಯಾಂಪಸ್ ನಿರ್ಮಾಣ ಆಗಬೇಕು. ಕಾಫಿಗೆ ಉತ್ತೇಜನ ದೊರಕಿಸಿಕೊಳ್ಳುವ ನಿಟ್ಟಿನಲ್ಲಿ ಬೆಂಗಳೂರನ್ನು ಕ್ಯಾಪಿಟಲ್ ಸಿಟಿ ಮಾಡಿಕೊಳ್ಳಬೇಕು, ಈ ಸಲುವಾಗಿ ಸರ್ಕಾರ ಜಾಗ ಒದಗಿಸಿಕೊಡಬೇಕೆಂದರು.

ಕಾಫಿ ಮಂಡಳಿ ಸಿಕ್ಕ ಅವಕಾಶವನ್ನು ಸದುಪಯೋಗಪಡಿಸಿಕೊಂಡು ಮುನ್ನಡೆಯುತ್ತಿದೆ. ಕಾಫಿ ಇಳುವರಿ ಬರಲು ರಾಸಾಯನಿಕ ಅಗತ್ಯ ಎಂದು ಸಂಶೋಧನೆಗಳಿಂದ ದೃಢಪಟ್ಟಿದೆ. ಕಾಫಿ ಉತ್ಪಾದನೆಯಿಂದ 12 ಸಾವಿರ ಕೋಟಿ ರೂ. ಆದಾಯ ರಾಜ್ಯಕ್ಕೆ ಲಭಿಸುತ್ತಿದೆ. ಈ ನಿಟ್ಟಿನಲ್ಲಿ ರಾಜ್ಯ ಸರ್ಕಾರ ಉತ್ತೇಜನ ನೀಡಬೇಕು. ಕಾಫಿ ಬೆಳೆಗಾರರು ಮಂಡಳಿಯಿಂದ ಸಿಗುವ ಅವಕಾಶಗಳನ್ನು ಸದ್ಬಳಕೆ ಮಾಡಿಕೊಳ್ಳಬೇಕು ಎಂದರು.

ಸಕಲೇಶಪುರ ತಾಲೂಕು ಎಸ್‌ಎಲ್‌ಒ ರಂಜಿತ್ ಕುಮಾರ್ ಕೇಂದ್ರದ ಕಾರ್ಯವೈಖರಿ ಹಾಗೂ ಅದರಿಂದ ಬೆಳೆಗಾರರಿಗೆ ಆಗುವ ಉಪಯೋಗಗಳ ಬಗ್ಗೆ ವಿವರಿಸಿ ಕಾಫಿ ಕಾಂಡ ಕೊರಕ, ಕಾಫಿ ಕಾಯಿ ಕೊರಕ ನಿಯಂತ್ರಣದ ಕುರಿತು ಹಾಗೂ ರೆಕ್ಕೆ ಬೋರರ್, ರೋಗ ನಿಯಂತ್ರಣಗಳ ಬಗ್ಗೆ ವಿವರಿಸಿದರು.

ಕಾಫಿ ಬೆಳೆಗಾರರ ಸಂಘದ ಪದಾಧಿಕಾರಿಗಳು, ಅಧಿಕಾರಿಗಳು ಇದ್ದರು.