ತೆಲಸಂಗ: ಓದು, ನಿರಂತರ ಅಧ್ಯಯನದಿಂದ ಹಾಗೂ ಕಠಿಣ ಪರಿಶ್ರಮದಿಂದ ಸಾಧನೆ ಮಾಡಲು ಸಾಧ್ಯ ಎಂದು ಅಥಣಿಯ ಎಸ್ಎಸ್ಎಂಎಸ್ ಪದವಿಪೂರ್ವ ಕಾಲೇಜಿನ ಕನ್ನಡ ಉಪನ್ಯಾಸಕ ಡಾ.ಸಿದ್ದರಾಮ ಜನಗೊಂಡ ಹೇಳಿದರು.
ಗ್ರಾಮದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಈಚೆಗೆ ಹಮ್ಮಿಕೊಂಡಿದ್ದ ಕ್ರೀಡೆ, ಸಾಂಸ್ಕೃತಿಕ, ವಿವಿಧ ಘಟಕಗಳ ಉದ್ಘಾಟನೆ ಹಾಗೂ ಪಿಯು ಪ್ರಥಮ ವರ್ಷದ ವಿದ್ಯಾರ್ಥಿಗಳ ಸ್ವಾಗತ ಸಮಾರಂಭ ಉದ್ಘಾಟಿಸಿ ಮಾತನಾಡಿ, ಪಠ್ಯೇತರ ಚಟುವಟಿಕೆಗಳು ವಿದ್ಯಾರ್ಥಿಗಳ ಸರ್ವಾಂಗೀಣ ಬೆಳವಣಿಗೆಗೆ ಪೂರಕವಾಗಿದೆ ಎಂದರು.
ಪ್ರಾಚಾರ್ಯ ಶಿವಕುಮಾರ ಕೆ. ಮಾತನಾಡಿದರು. ಐಕ್ಯೂಎಸಿ ಸಂಚಾಲಕ ಡಾ.ಬಿ.ಐ.ಮಠಪತಿ, ಎನ್ಎಸ್ಎಸ್ ಅಧಿಕಾರಿ ಜ್ಯೋತಿ ಎಸ್.ಎನ್., ರಮ್ಯಾ ಜೆ., ಸ್ಕೌಟ್ಸ್ ಮತ್ತು ಗೈಡ್ಸ್ ಸಂಚಾಲಕಿ ಹೇಮಾ ತುಂಬರಮಟ್ಟಿ, ಮಹಿಳಾ ಸಬಲೀಕರಣ ಘಟಕದ ಸಂಚಾಲಕಿ ಪ್ರೀತಿ ಆರ್. ವಿ., ಕೇದಾರಿ ಬಿಜ್ಜರಗಿ, ಸುಭಾಷ ಕಾಂಬ್ಳೆ, ವಿಶ್ವನಾಥ ಪಾಟೀಲ, ಪ್ರಫುಲ್ಲಚಂದ್ರ ಇತರರಿದ್ದರು.