ತೊಳಸಿಕೆರೆ ಗ್ರಾಮದ ರೈತರಿಗೆ ಡಿಸಿ ನೀಡಿದ್ದ ಭರವಸೆ ಈಡೇರಿಕೆ

ಹನೂರು: ತಾಲೂಕಿನ ಮಲೆಮಹದೇಶ್ವರ ಬೆಟ್ಟ ತಪ್ಪಲಿನ ತೊಳಸಿಕೆರೆ ಗ್ರಾಮದ ರೈತರಿಗೆ ನೀಡಿದ ಭರವಸೆಯಂತೆ ಮಂಗಳವಾರ ಜಿಲ್ಲಾಡಳಿತ ಜಾನುವಾರುಗಳಿಗೆ ಮೇವನ್ನು ಒದಗಿಸಿದೆ.

ಮೇ 13 ರಂದು ಜಿಲ್ಲಾಧಿಕಾರಿ ಸಿ.ಟಿ ಶಿಲ್ಪಾನಾಗ್ ಅವರು ಇಂಡಿಗನತ್ತ ಗ್ರಾಮಕ್ಕೆ ಆಗಮಿಸಿದ್ದ ವೇಳೆ ತೊಳಸಿಕೆರೆ ಗ್ರಾಮಸ್ಥರು ಮೇವನ್ನು ಒದಗಿಸುವಂತೆ ಮನವಿ ಮಾಡಿದ್ದು, ಜಿಲ್ಲಾಧಿಕಾರಿಗಳು ಅಗತ್ಯ ಭರವಸೆ ನೀಡಿದ್ದರು. ಈ ಹಿನ್ನೆಲೆ 2 ಟನ್ ಮುಸುಕಿನ ಜೋಳದ ಕಡ್ಡಿಯ ಮೇವನ್ನು ಗ್ರಾಮದ ರೈತರಿಗೆ ವಿತರಿಸಲಾಗಿದ್ದು, ರೈತರು ನಿಟ್ಟುಸಿರು ಬಿಟ್ಟಂತಾಗಿದೆ.