ಉತ್ತಮ ಮಳೆ-ಬೆಳಗಾಗಿ ಪ್ರಾರ್ಥಿಸಿ ಪೂಜೆ

ಹನುಮಸಾಗರ: ಸಮೀಪದ ಕೊಡತಗೇರಿ ಗ್ರಾಮದಲ್ಲಿ ಉತ್ತಮ ಮಳೆ-ಬೆಳೆಗಾಗಿ ಪ್ರಾರ್ಥಿಸಿ ಗ್ರಾಮಸ್ಥರು ಗ್ರಾಮದೇವತೆ ಶ್ರೀ ದ್ಯಾಮಾಂಭಿಕ ದೇವಿಗೆ ಮಂಗಳವಾರ ಉಡಿ ತುಂಬಿದರು.

ಗ್ರಾಮದ ಶರಣಪ್ಪ ಪೂಜಾರ, ಅರ್ಜುನಗೌಡ ಗೌಡ್ರ, ನಿಂಗಪ್ಪ ಪೋಲೇಶಿ, ಮಲ್ಲಪ್ಪ ಆಡಿನ್, ಅಂದಾನಗೌಡ ಗೌಡ್ರ ಮನೆಯಿಂದ ಕಳಸದೊಂದಿಗೆ ದೇವಸ್ಥಾನಕ್ಕೆ ಆಗಮಿಸಿ, ನಂತರ ದೇವಿಗೆ ವಿಶೇಷ ಪೂಜೆ ಸಲ್ಲಿಸಲಾಯಿತು. ಐದು ವಾರದ ದಿನ ಗ್ರಾಮದಲ್ಲಿ ಕುಟ್ಟುವುದು, ಬೀಸುವುದು ಸೇರಿ ವಿವಿಧ ಕಾರ್ಯಗಳನ್ನು ಸ್ಥಗಿತಗೊಳಿಸಲಾಗಿತ್ತು. ಶ್ರೀ ದೇವಿಗೆ ಉಡಿ ತುಂಬಿದ ಬಳಿಕ ಕೃಷಿ ಚಟುವಟಿಕೆಗಳಿಗೆ ಚಾಲನೆ ನೀಡುವುದು ಬಹುದಿನಗಳಿಂದ ನಡೆಸಿಕೊಂಡು ಬಂದ ಸಂಪ್ರದಾಯವಾಗಿದೆ.