ವಿಜಯವಾಣಿ ಸುದ್ದಿಜಾಲ ತುಮಕೂರು
ತುಮಕೂರು ದಸರಾ ಉತ್ಸವ ಅಂಗವಾಗಿ ಶುಕ್ರವಾರ ಆಯೋಜಿಸಿದ್ದ ಮಿನಿಮ್ಯಾರಥಾನ್ನಲ್ಲಿ ತುಮಕೂರಿನ ಪೊಲೀಸ್ ಇಲಾಖೆಯ ಗುರುಪ್ರಸಾದ್ ಹಾಗೂ ಬೆಂಗಳೂರಿನ ಭಾರತೀಯ ಕ್ರೀಡಾ ಪ್ರಾಧಿಕಾರದ (ಸಾಯ್) ಡಿ.ಆರ್.ಸ್ಮಿತಾ ಪ್ರಥಮ ಸ್ಥಾನ ಗೆದ್ದುಕೊಂಡರು.
ನಗರದ ಸರ್ಕಾರಿ ಪದವಿ ಪೂರ್ವ ಕಾಲೇಜು ಮೈದಾನದಲ್ಲಿ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ನೇತೃತ್ವದಲ್ಲಿ ಆಯೋಜಿಸಿದ್ದ ಮಿನಿಮ್ಯಾರಥಾನ್ಗೆ ಪುರುಷರ ವಿಭಾಗದ 10 ಕಿ.ಮೀ., ಓಟದ ಸ್ಪರ್ಧೆಯಲ್ಲಿ ಪೊಲೀಸ್ ಇಲಾಖೆಯ ತುಮಕೂರಿನ ಗುರುಪ್ರಸಾದ್ ಪ್ರಥಮ ಸ್ಥಾನದೊಂದಿಗೆ 10 ಸಾವಿರ ರೂ., ನಗದು ಬಹುಮಾನ ಗೆದ್ದುಕೊಂಡರು. ತುಮಕೂರಿನವರೇ ಆದ ಟಿ.ಎಸ್.ಸಂದೀಪ್ ದ್ವೀತಿಯ ಸ್ಥಾನದೊಂದಿಗೆ 8 ಸಾವಿರ ರೂ., ನಗದು, ಪ್ರಶಸ್ತಿ ಪಡೆದರು. ಬೆಂಗಳೂರಿನ ಕೆ.ಕೆ.ವೆಂಕಟೇಶ್ ತೃತೀಯ ಸ್ಥಾನ ಪಡೆದು 6 ಸಾವಿರ ರೂ., ನಗದು ಬಹುಮಾನ, ಮೈಸೂರಿನ ಪಿ.ಮಣಿಕಂಠ ನಾಲ್ಕನೇ ಸ್ಥಾನಗಳಿಸಿ 4 ಸಾವಿರ ರೂ.,ನಗದು, ಬೆಂಗಳೂರಿನ ಸಿ.ಎಸ್.ಲಕ್ಷಿ$್ಮಶ್ ಐದನೇ ಸ್ಥಾನ (2 ಸಾವಿರ ರೂ., ನಗದು) ಹಾಗೂ ತುಮಕೂರಿನ ಅವಧೀಶ್ ನಿಷಾದ್ 6ನೇ ಸ್ಥಾನ ಗಳಿಸಿ 2 ಸಾವಿರ ನಗದು ಗೆದ್ದುಕೊಂಡರು.
ಸಾಯ್ ಪ್ರಾಬಲ್ಯ: ಮಹಿಳಾ ವಿಭಾಗದಲ್ಲಿ ಭಾರತೀಯ ಕ್ರೀಡಾಪ್ರಾಧಿಕಾರದ ಕ್ರೀಡಾಪಟುಗಳು ಪ್ರಾಬಲ್ಯ ಮೆರೆದರು. ಬೆಂಗಳೂರಿನ ಸಾಯ್ನ ಡಿ.ಆರ್. ಸ್ಮಿತಾ 6 ಕಿ.ಮೀ., ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನಗಳಿಸಿ 10 ಸಾವಿರ ರೂ., ನಗದು ಬಹುಮಾನ ಗೆದ್ದರು. ಎಂ.ರಾಶಿ ದ್ವೀತಿಯ ಸ್ಥಾನದೊಂದಿಗೆ 8 ಸಾವಿರ ನಗದು, ಪಾರಿತೋಷಕ ಪಡೆದರು. ಪ್ರಿಯಾಂಕಾ ತೃತೀಯ ಸ್ಥಾನಗಳಿಸಿ 6 ಸಾವಿರ ರೂ., ನಗದು ಗೆದ್ದರು. ಮೊದಲ ಮೂರು ಸ್ಥಾನ ಸಾಯ್ ಕ್ರೀಡಾಪಟುಗಳು ಗೆದ್ದರು. ಮೈಸೂರಿನ ಎಸ್.ಜಯಶ್ರೀ 4ನೇ ಸ್ಥಾನಗೆದ್ದು 4 ಸಾವಿರ ರೂ., ನಗದು ಬಹುಮಾನ ಪಡೆದರು. ತುಮಕೂರಿನ ಎಸ್.ಎಂ.ಸಾನಿಕಾ 5ನೇ ಸ್ಥಾನಗಳಿಸಿ ಹಾಗೂ ಬೆಂಗಳೂರಿನ ಎಂ.ಸೌಮ್ಯ 6ನೇ ಸ್ಥಾನಗಳಿಸಿ ತಲಾ 2 ಸಾವಿರ ರೂ. ನಗದು ಗೆದ್ದುಕೊಂಡರು.
ಮೊದಲ ಬಾರಿ ಯಶಸ್ವಿ: ತುಮಕೂರು ದಸರಾ ಉತ್ಸವದ ಭಾಗವಾಗಿ ಆಯೋಜಿಸಿದ್ದ ಮಿನಿ ಮ್ಯಾರಥಾನ್ಗೆ ಉತ್ತಮ ಜನಸ್ಪಂದನೆ ಸಿಕ್ಕಿತು.
ಮ್ಯಾರಥಾನ್ಗೆ ಚಾಲನೆ ನೀಡಿದ ಜಿಲ್ಲಾ ಉಸ್ತುವಾರಿ ಸಚಿವರೂ ಆದ ಗೃಹ ಸಚಿವ ಡಾ.ಜಿ.ಪರಮೇಶ್ವರ, ಯುವ ಸಮುದಾಯ ಕ್ರೀಡೋತ್ಸಾಹ ಬೆಳೆಸಲೆಂದೇ ಈ ದಸರಾ ಕ್ರೀಡಾಕೂಟವನ್ನು ಆಯೋಜಿಸಲಾಗಿದ್ದು, ಸದ್ಯದಲ್ಲೇ ಅಂತಾರಾಷ್ಟ್ರೀಯ ಅಥ್ಲೆಟಿಕ್ಸ್ ಚಾಂಪಿಯನ್ಷಿಪ್ ಆಯೋಜಿಸಲಾಗುವುದು ಎಂದರು. ಅಂತಾರಾಷ್ಟ್ರೀಯ ಅಥ್ಲೀಟ್ ಯಶಸ್, ಜಿಲ್ಲಾಧಿಕಾರಿ ಶುಭಕಲ್ಯಾಣ್, ಜಿಪಂ ಸಿಇಒ ಜಿ.ಪ್ರಭು, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕೆ.ವಿ.ಅಶೋಕ್, ಪಾಲಿಕೆ ಆಯುಕ್ತೆ ಬಿ.ವಿ.ಅಶ್ವಿಜ, ಜಿಲ್ಲಾ ಅಥ್ಲೆಟಿಕ್ಸ್ ಸಂಸ್ಥೆಯ ಕಾರ್ಯದರ್ಶಿ ಎ.ಎನ್.ಪ್ರಭಾಕರ್, ತುಮುಲ್ ಎಂಡಿ ಶ್ರೀನಿವಾಸ್ ಉಪಸ್ಥಿತರಿದ್ದರು.
ಪುರುಷರ ವಿಭಾಗ
ಮಹಿಳೆಯರ ವಿಭಾಗ