ವಿದ್ಯಾನಗರ ಪಂಪ್​ ಹೌಸನಲ್ಲೇ ಕಸ ವಿಂಗಡಣೆ ಕೇಂದ್ರ !!

ತುಮಕೂರು: ನಗರದ ವಿವಿಧ ಬಡಾವಣೆಗಳಿಗೆ ಕುಡಿಯುವ ನೀರು ಪೂರೈಸುವ ವಿದ್ಯಾನಗರದ ಪಂಪ್​ಹೌಸ್​ ಇದೀಗ ಕಸ ವಿಂಗಡಣೆ ಕೇಂದ್ರವಾಗಿ ಮಾರ್ಪಟ್ಟಿದೆ. ಇದು ಮಹಾನಗರ ಪಾಲಿಕೆಯ ಬೇಜವಾಬ್ದಾರಿತನಕ್ಕೆ ಕನ್ನಡಿಹಿಡಿದಂತಿದೆ !

ತುಮಕೂರಿನ ಅರ್ಧ ನಗರಕ್ಕೆ ನೀರು ಪೂರೈಸುತ್ತಿದ್ದ ವಿದ್ಯಾನಗರ ಪಂಪ್​ ಹೌಸ್​ ಅತ್ಯಂತ ಹಳೇಯದು. ಈ ಪಂಪ್​ ಹೌಸ್​ ಅನ್ನು ಇತ್ತೀಚಿಗೆ ಆಧುನೀಕರಣಗೊಳಿಸಿದ್ದು 20 ಲಕ್ಷ ಲೀಟರ್​ ಸಾಮರ್ಥ್ಯದ ವಿದ್ಯಾನಗರ ಪಂಪ್​ಹೌಸ್​ನಿಂದ ನಗರದ ವಿವಿಧ ಬಡಾವಣೆಗಳ ಓವರ್​ಹೆಡ್​ ಟ್ಯಾಂಕ್​ಗಳಿಗೆ ನೀರು ಸರಬರಾಜು ಮಾಡಲಾಗುತ್ತಿದೆ. ಆದರೆ, ಈ ಜಾಗದಲ್ಲೇ ಮನೆ, ಮನೆಗಳಿಂದ ತ್ಯಾಜ್ಯ ಸಂಗ್ರಹಿಸಿದ ಆಟೋಗಳಿಂದ ಒಣಕಸ, ಹಸಿಕಸ ಬೇರ್ಪಡಿಸಿ ದೊಡ್ಡ ಲಾರಿಗಳಿಗೆ ತುಂಬಿಸಿ ಅಜ್ಜಗೊಂಡನಹಳ್ಳಿ ಕಸ ವಿಲೇವಾರಿ ಟಕಕ್ಕೆ ಸಾಗಿಸುವ ಕಾರ್ಯ ಸಾಂಗೋಪವಾಗಿ ನಡೆಯುತ್ತಿರುವುದು ಆತಂಕಕಾರಿ ಎನಿಸಿದೆ.

ನೀರು ಕಲುಷಿತಗೊಳ್ಳುವ ಭೀತಿ: ವಿದ್ಯಾನಗರ ಪಂಪ್​ ಹೌಸ್​ ಆವರಣದಲ್ಲೇ ಕಸ ಬೇರ್ಪಡಿಸುವ ಕೇಂದ್ರವನ್ನು ಆರಂಭಿಸಿದ್ದು ಮಳೆಗಾಲದಲ್ಲಿ ಈ ಕಸದ ತ್ಯಾಜ್ಯ ನೀರು ಪಂಪ್​ ಹೌಸ್​ ಶುದ್ಧೀಕರಣ ಸೇರುವ ಸಾಧ್ಯತೆ ಇದೆ. ಈ ತ್ಯಾಜ್ಯ ಬೇರ್ಪಡಿಕೆ ಟಕ ಯೋಜನೆ ಅನಾರೋಗ್ಯಕರವಾಗಿದ್ದು, ಶುದ್ಧ ನೀರಿನ ಘಟಕದಲ್ಲಿ ಕಸದ ವಿಭಜನೆಯಿಂದ ಡೆಂ ಸೇರಿದಂತೆ ನಾನಾ ರೋಗಗಳು ಹರಡುವ ಸ್ಥಾಧ್ಯತೆ ಇದೆ.

ಕಸ ಸಂಗ್ರಹಿಸುವ ಆಟೋಗಳು ಹಾಗೂ ಕಸ ತುಂಬುವ ದೊಡ್ಡ ಲಾರಿಗಳಿಂದ ಕಸ ಚೆಲ್ಲಲ್ಲಿದ್ದು ಮಳೆಗಾಲದಲ್ಲಿ ತ್ಯಾಜ್ಯ ನೀರು ಶುದ್ಧ ನೀರಿನ ಕೇಂದ್ರ ಸೇರಲಿದೆ. ಕಸದ ಲಾರಿ ತ್ಯಾಜ್ಯ ನೀರು ಹರಿದು ಶುದ್ಧ ನೀರಿನಲ್ಲಿ ಮಿಶ್ರಣವಾಗಲಿದೆ. ಅಲ್ಲದೆ, ಕೆಟ್ಟ ವಾಸನೆ ಉಂಟಾಗಿ ವಿದ್ಯಾನಗರ ನಿವಾಸಿಗಳು ಮೂಗುಮುಚ್ಚಿಕೊಂಡು ಓಡಾಡುವ ಆತಂಕ ಎದುರಾಗಲಿದೆ. ಇನ್ನಾದರೂ ಪಾಲಿಕೆ ಪರಿಸರ, ಆರೋಗ್ಯ ಶಾಖೆ ಸಿಬ್ಬಂದಿ ಇಂತಹ ಅವೈಜ್ಞಾನಿಕ ಕಸ ಬೇರ್ಪಡಿಕೆ ಟಕನ್ನು ಬೇರೆಡೆಗೆ ಸ್ಥಳಾಂತರಿಸಬೇಕೆಂಬುದು ಸ್ಥಳಿಯರ ಆಗ್ರಹವಾಗಿದೆ. ಆ ಮೂಲಕ ಶುದ್ಧ ನೀರಿನ ಕೇಂದ್ರದಲ್ಲಿ ಶುದ್ಧತೆ ಮತ್ತು ಆರೋಗ್ಯ ಕಾಪಾಡಬೇಕೆಂಬ ಒತ್ತಾಯ ಸಾರ್ವಜನಿಕರಿಂದ ಕೇಳಿಬಂದಿದೆ.

ಓವರ್​ಹೆಡ್​ ಟ್ಯಾಂಕ್​ಗಳಿಗೆ ನೀರು ಸರಬರಾಜು ವಿದ್ಯಾನಗರ, ಕುವೆಂಪುನಗರ, ಡೆವರ್ಸ್​ ಕಾಲೋನಿ ಹಾಗೂ ಹನುಮಂತಪುರ ಓವರ್​ಹೆಡ್​ ಟ್ಯಾಂಕ್​ಗಳಿಗೆ ಹಾಗೂ ಅಶೋಕ ನಗರ, ಗಂಗೋತ್ರಿ ನಗರ, ದೇವರಾಯಪಟ್ಟಣ ಹಾಗೂ ಶೀನಗರ ಬಡಾವಣೆಯ ಓವರ್​ಹೆಡ್​ ಟ್ಯಾಂಕ್​ಗಳಿಗೆ ಈ ಪಂಪ್​ ಹೌಸ್​ನಿಂದ ನೀರು ಸರಬರಾಜು ಮಾಡಲಾಗುತ್ತಿದೆ.