ಗದಗ: ಸಂಗೀತ ಒಂದು ಪ್ರದರ್ಶನ ಕಲೆಯಾಗಿದ್ದು ಸಂಗೀತಗಾರರು ಸಂಗೀತದ ಟೆಕ್ನಿಕ್ ಬಗ್ಗೆ ಗಮನ ಹರಿಸಬೇಕು ಎಂದು ಪುಣೆಯ ಖ್ಯಾತ ಸಿತಾರವಾದಕ ಉಸ್ತಾದ್ ರಯಿಸ್ ಖಾನ್ ಅವರು ಹೇಳಿದರು. ಡಾ ಪಿ ಜಿ ಎ ಎಸ ಸಮಿತಿಯ ಪಂಡಿತ್ ಪಂಚಾಕ್ಷರ ಗವಾಯಿಗಳವರ ಸಂಗೀತ ಮಹಾವಿದ್ಯಾಲಯದಲ್ಲಿ ಆಯೋಜಿಸಿದ್ದ ಸಂಗೀತ ಕಾರ್ಯಕ್ರಮದಲ್ಲಿ ಸನ್ಮಾನಗೊಂಡು ಕಾರ್ಯಕ್ರಮ ಉದ್ದೇಶಿಸಿ ಅವರು ಮಾತನಾಡುತ್ತಾ ಸಂಗೀತಗಾರರು ಎಷ್ಟು ತಾಸು ಹಾಡಬೇಕು ಏನನ್ನು ಕೇಳಬೇಕು ಎಂಬುವುದನ್ನು ಅರಿತು ಗುರುಗಳ ಬಗ್ಗೆ ಅಪಾರ ಪ್ರೀತಿ ಅಭಿಮಾನ ಇಟ್ಟುಕೊಂಡು ಸಂಗೀತ ಕಲಿಯಬೇಕೆಂದು ಅವರು ವಿದ್ಯಾರ್ಥಿಗಳಿಗೆ ಸಲಹೆ ನೀಡಿದರು. ಖ್ಯಾತ ಸಿತಾರವಾದಕ ಪಂಡಿತ ರಾಜು ಹಿರೇಮಠ ಅವರು ಮಾತನಾಡಿ ಉಸ್ತಾದ್ ರಯಿಸ ಖಾನ್ ಅವರು ಸಂಗೀತ ಕುಟುಂಬದಿಂದ ಬಂದವರಾಗಿದ್ದು ಅವರಿಗೆ ಸಂಗೀತ ರಕ್ತಗತವಾಗಿ ಬಂದಿದೆ ಎಂದು ಅವರು ಹೇಳಿದರು.