ವಿಜಯವಾಣಿ ಸುದ್ದಿಜಾಲ ಗದಗ
ಮನೆ ಕಳ್ಳತನ, ಸರಳ ಕಳ್ಳತನ, ಬೈಕ್ ಕಳ್ಳತನ ಮತ್ತು ಹೈವೆ ರಾಬರಿ ಸೇರಿದಂತೆ ವಿವಿಧ ಪ್ರಕರಣದಲ್ಲಿ ರಾಜ್ಯದ ಯದಾರು ಜಿಲ್ಲೆಗೆ ಬೇಕಾಗಿದ್ದ ಇಬ್ಬರು ಪ್ರಮುಖ ಆರೋಪಿಗಳನ್ನು ಬಂಧಿಸಿ, ಚಿನ್ನಾಭರಣ ಒಶಪಡಿಸಿಕೊಳ್ಳಲಾಗಿದೆ. ಇನ್ನೂ ಐವರು ಆರೋಪಿಗಳ ಹುಡಾಕಟಕ್ಕೆ ತನಿಖಾ ತಂಡ ಪ್ರಯತ್ನಿಸುತ್ತಿದೆ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಬಿ. ಎಸ್. ನೇಮಗೌಡ ಹೇಳಿದರು.
ಜಿಲ್ಲಾ ಪೊಲೀಸ್ ಕಚೇರಿಯಲ್ಲಿ ಶನಿವಾರ ಸುದ್ದಿಗೋಷ್ಟಿ ನಡೆಸಿ ಮಾತನಾಡಿದ ಅವರು, ಜಿಲ್ಲೆಯ ಶಿರಹಟ್ಟಿ ತಾಲೂಕಿನ ಬೆಳ್ಳಟ್ಟಿ ಗ್ರಾಮದ ಬಸವರಾಜ ಮೋಡಿಕೇರ(21) ಮತ್ತು ಕೊಂಚಿಗೇರಿಯ ಬಾಂಡೆ ವ್ಯಾಪಾರಸ್ಥ ಚಿರಂಜೀವಿ ಮೋಡಿಕೇರ(22) ಬಂಧಿತ ಆರೋಪಿಳಾಗಿದ್ದಾರೆ. ಇನ್ನೂ 5 ಆರೋಪಿಗಳ ಬಂಧನಕ್ಕೆ ತನಿಖಾ ತಂಡ ನೇಮಿಸಲಾಗಿದೆ ಎಂದರು.
ಕಳೆದ ಡಿಸೆಂಬರ್ ತಿಂಗಳಲ್ಲಿ ಮುಂಡರಗಿ ಠಾಣೆಯಲ್ಲಿ ವ್ಯಾಪ್ತಿಯಲ್ಲಿ ಹೈವೆ ರಾಬರಿ, ಬೈಕ್ ಕಳ್ಳತನ ಪ್ರಕರಣ ದಾಖಲಾಗಿದ್ದವು. ಈ ಪ್ರಕರಣ ಬೆನ್ನು ಹತ್ತಿದಾಗ ಪ್ರಕರಣ ಹಿಂದೆ ರಾಬರಿ ಗ್ಯಾಂಗ್ ಇರುವುದು ಪತ್ತೆ ಆಗಿದೆ. ಮುಂಡರಗಿ ಠಾಣಾ ವ್ಯಾಪ್ತಿಯಲ್ಲಿ ಕಳ್ಳತವಾದ 7 ಲಕ್ಷ ಮೌಲ್ಯದ ಚಿನ್ನಾಭರಣವನ್ನು ಆರೋಪಿಗಳಿಂದ ವಶಪಡಿಸಿಕೊಳ್ಳಲಾಗಿದೆ. ತನಿಖೆ ವೇಳೆ ಸೇರಿದಂತೆ, ತುಮಕೂರು, ಚಿಕ್ಕಬಳ್ಳಾಪುರ ಸೇರಿದಂತೆ ವಿವಿಧ ಜಿಲ್ಲೆಗಳಲ್ಲಿ ಶಿರಾ ಸೇರಿದಂತೆ ವಿವಿಧ ಜಿಲ್ಲೆಗಳಲ್ಲಿ ಇವರ ಮೇಲೆ ಇಂತಹ ರಾಬರಿ ಪ್ರಕರಣಗಳು ದಾಖಲಾಗಿರುವ ಮಾಹಿತಿ ಇದೆ. ಒಟ್ಟು 18 FIR ಆರೋಪಿತರ ಮೇಲೆ ದಾಖಲಾಗಿದ್ದು, ಇತರೆ ಜಿಲ್ಲಾ ಪೊಲೀಸರೊಂದಿಗೆ ಮಾಹಿತಿ ಹಂಚಿಕೊಳ್ಳಲಾಗುವುದು. ಪೊಲೀಸ್ ತನಿಖಾಂ ತಂಡಕ್ಕೆ ಇಲಾಖೆಯಿಂದ ಬಹುಮಾನ ನೀಡಲಾಗುವುದು ಎಂದರು.
ಜಾಮೀನು ರದ್ದತಿಗೆ ಮನವಿ:
ಬಂಧಿತ ಆರೋಪಿಗಳು ಇದಕ್ಕೂ ಮೊದಲು ಹಲವು ಪ್ರಕರಣದಲ್ಲಿ ಬೇರೆ ಜಿಲ್ಲೆಗಳಲ್ಲಿ ಬಂಧಿತರಾಗಿದ್ದರು. ಜಾಮೀನು ಪಡೆದು ಹೊರಗಿದ್ದರು. ಹಾಗಾಗಿ ಆರೋಪಿಗಳ ಜಾಮೀನು ರದ್ದತಿಗೆ ನ್ಯಾಯಾಲಯಕ್ಕೆ ಅಜಿರ್ ಸಲ್ಲಿಸಲಾಗುವುದು ಎಂದು ಎಸ್ಪಿ ಬಿ.ಎಸ್. ನೇಮಗೌಡ ತಿಳಿಸಿದರು.
ಸುದ್ದಿಗೋಷ್ಟಿಯಲ್ಲಿ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಎಸ್.ಬಿ. ಸಂಕದ, ಡಿಎಸ್ಪಿ, ಪ್ರಭುಗೌಡ ಕಿರೇದಳ್ಳಿ, ಪಿ.ಎಸ್. ವಿ.ಜಿ. ಪವಾರ, ಬಿ.ಎನ್. ಯಳವತ್ತಿ, ಎಸ್. ಎಂ. ಹಡಪದ, ಎಸ್.ಡಿ. ನತಿರ್, ಎನ್. ಐ. ಮೌಲ್ವಿ ಜೆ. ಐ. ಬಚ್ಚೇರಿ, ಲಕ್ಷ$್ಮಣ ಲಮಾಣಿ, ಆನಂದ್ ಸಿಂಗ್, ಮಹೇಶ ಗೊಳಗೊಳಕಿ, ಮಲ್ಲಿಕಾರ್ಜುನ ಬನ್ನಿಕೊಪ್ಪ ಇತರರು ಇದ್ದರು.
22 ಲಕ್ಷದ ಮೊಬೈಲ್ ವಶ:
ಜಿಲ್ಲೆಯಲ್ಲಿ 126 ಮೊಬೈಲ್ ಕಳ್ಳತನ ಪ್ರಕರಣ ಬೇಧಿಸಿರುವ ಕುರಿತು ಮಾಹಿತಿ ನೀಡಿದ ಬಿ.ಎಸ್. ನೇಮಗೌಡ ಅವರು, ಒಟ್ಟು 22 ಲಕ್ಷ ಮೌಲ್ಯದ ಮೊಬೈಲ್ ಪತ್ತೆ ಹಚ್ಚಿ ಮಾಲೀಕರಿಗೆ ವಿತರಿಸಲಾಗುತ್ತಿದೆ. ರಾಜ್ಯದಲ್ಲಿ ಮೊಬೈಲ್ ಕಳ್ಳತನ ಪ್ರಕರಣ ಪತ್ತೆ ಹಚ್ಚುವಲ್ಲಿ ಗದಗ ಜಿಲ್ಲೆ ಮೊದಲ ಸ್ಥಾನದಲ್ಲಿ ಇದೆ ಎಂದು ತಿಳಿಸಿದರು