ನರಗುಂದ: ಪಟ್ಟಣದ ಸೋಮಾಪೂರ ಅರಿಷಿಣಗೋಡಿ ರಸ್ತೆಗೆ ಹೊಂದಿಕೊಂಡಿರುವ ರಾಯಚೂರ ಪೀರಾ ಅವರ 4ನೇ ವರ್ಷದ ಉರುಸು ಪ್ರಯುಕ್ತ ಜೂ. 29ರಿಂದ ಜು. 1ರವರೆಗೆ ವಿವಿಧ ಧಾರ್ವಿುಕ ಕಾರ್ಯಕ್ರಮಗಳು ನಡೆಯಲಿವೆ.
ಹಜರತ್ ಸೈಯದ್ ಶಾ ಖ್ವಾಜಾ ಸಾದಿಕ್ ಪೀರಹುಸೇನಿ ಚಿಸ್ತಿ ಅಲ್ಖಾದ್ರಿ ಸಜ್ಜಾದೇ ನಶೀನ್, ಹಜರತ್ ಸೈಯದ್ ಶಾ ಖ್ವಾಜಾ ಸಾಬೀರ್ ಪೀರಹುಸೇನಿ ಚಿಸ್ತಿ ಅಲ್ಖಾದ್ರಿ ಬಿರಾದಾರ ಸಜ್ಜೇದಾ ನಶೀನ್, ಹಜರತ್ ಮೌಲಾನಾ ಸೈಯದ್ ಶಾ ಖ್ವಾಜಾ ಅಹ್ಮದ್ ಪೀರಹುಸೇನಿ ಚಿಸ್ತಿ ಅಲ್ಖಾದ್ರಿ ಬಿರಾದಾರ ಸಜ್ಜೇದೇ ನಶೀನ್ ರಾಯಚೂರ ಅವರ ಅಧ್ಯಕ್ಷತೆಯಲ್ಲಿ ಜೂ. 29ರಂದು ಮಧ್ಯಾಹ್ನ 1 ಗಂಟೆಗೆ ಹೊರಕೇರಿ ನೂರಾನಿ ಮಸೀದಿ ಹತ್ತಿರದ ಸಾಹೇಬರ ಖಾನಕಾದಿಂದ ಸಕಲ ವಾದ್ಯ ಮೇಳದೊಂದಿಗೆ ಪಟ್ಟಣದ ಪ್ರಮುಖ ಬೀದಿಗಳ ಮಾರ್ಗವಾಗಿ ಸೋಮಾಪೂರ ಖಬರಸ್ತಾನ ಹತ್ತಿರದ ಶರೀಫ ದರ್ಗಾವರೆಗೆ ಮೆರವಣಿಗೆ ಜರುಗುವುದು.
ಸಂಜೆ 6 ಗಂಟೆಗೆ (ಸಂದಲ್) ಗಂಧ ಸಮರ್ಪಣೆ, 7 ಗಂಟೆಗೆ ರಾಯಚೂರಿನ ಖತೀಬ್ ಅಹಲ್ಲೆ ಸುನ್ನತ್ ಮುಖ್ರರರ್ ಸುಲಾಬಯಾನ್ ಹಜರತ್ ಮೌಲಾನಾಷಾ ಮಹ್ಮದಜಾಫರಖಾನ್ ಖಾದ್ರಿ ಖತೀಬ ವಾ. ಇಮಾಮ್ ಮಸ್ಜೀದ ಬೀಬಿಹಲಿಮಾ ಅವರಿಂದ ಉರ್ದು ಬಯ್ಯಾನ, ರಾತ್ರಿ 9 ಗಂಟೆಗೆ ಅನ್ನಸಂತರ್ಪಣೆ ನಡೆಯಲಿದೆ. ಜೂ. 30ರಂದು ಬೆಳಗ್ಗೆ 11 ಗಂಟೆಗೆ ಮಂಗಳೂರ ಉಪ್ಪಿನ ಅಂಗಡಿಯ ಮೌಲಾನಾ ಮಸೂದ್ ಶಾಫಿ ಅವರಿಂದ ಕನ್ನಡದಲ್ಲಿ ಬಯ್ಯಾನ, ಮಧ್ಯಾಹ್ನ 1 ಗಂಟೆಗೆ ಉರುಸು ಫಾತೇಹಾ, ಸಂಜೆ ಖವ್ವಾಲಿ ಹಾಗೂ ವಿವಿಧ ಮನರಂಜನಾ ಕಾರ್ಯಕ್ರಮ ಜರುಗಲಿವೆ. ಜುಲೈ 1ರಂದು ಸಂಜೆ 6 ಗಂಟೆಗೆ ಜಿಯಾರತ ಫಾತೇಹಾ ನಡೆಯಲಿದೆ ಎಂದು ರಾಯಚೂರ ಪೀರ ದರ್ಗಾ ಕಮಿಟಿ ಹಾಗೂ ಸಕಲ ಸದ್ಭಕ್ತ ಮಂಡಳಿ ವ್ಯವಸ್ಥಾಪಕರಾದ ಕೆ.ಬಿ. ಖಲೀಫ್ ಹಾಗೂ ಬುಡ್ನೇಸಾಬ್ ಮಠಗೇರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.