ಹರಪನಹಳ್ಳಿ: ತುಂಗಭದ್ರಾ ನದಿಯಲ್ಲಿ ನೀರಿನ ಪ್ರಮಾಣ ಏರಿಕೆ ಆಗುತ್ತಿದ್ದು, ನದಿಪಾತ್ರದಲ್ಲಿರುವ ಜಮೀನುಗಳತ್ತ ನುಗ್ಗಿ ಬರುತ್ತಿದೆ.
ನೀರಿನ ಹರಿವು ಹೆಚ್ಚಿದ್ದರಿಂದ ಹಲುವಾಗಲು-ಗರ್ಭಗುಡಿ ಗ್ರಾಮದ ನಡುವೆ ಹರಿದಿರುವ ಶಿವನಯ್ಯನ ಹಳ್ಳ ತುಂಬಿ ರಸ್ತೆ ಮುಳುಗಡೆಯಾಗಿದೆ. ಇದರ ನಡುವೆಯೇ ವಾಹನ ಸವಾರರು ಸಂಚರಿಸಬೇಕಾಯಿತು.
ತಾವರಗುಂದಿ, ನಿಟ್ಟೂರು, ನಿಟ್ಟೂರು ಬಸಾಪುರ, ಹಲುವಾಗಲು, ಗರ್ಭಗುಡಿ ವ್ಯಾಪ್ತಿಯಲ್ಲಿ ನದಿಯು ಮೈದುಂಬಿ ಹರಿಯುತ್ತಿದೆ. ನಿಟ್ಟೂರಿನಲ್ಲಿ ರೈತರ ಜಮೀನುಗಳಿಗೆ ನುಗ್ಗಿ ಅವಾಂತರ ಸೃಷ್ಟಿಸಿದೆ.