ಪರಿಸರ ದಿನಾಚರಣೆ

ವಿಜಯವಾಣಿ ಸುದ್ದಿಜಾಲ ಧಾರವಾಡ
ಇಲ್ಲಿನ ಶ್ರೀಪಾದ ನಗರ ನಿವಾಸಿಗಳ ಸಂಘ, ಶ್ರೀಪಾದನಗರ ಮಹಿಳಾ ಮಂಡಳ ವತಿಯಿಂದ ಶ್ರೀಪಾದನಗರದ ಉದ್ಯಾನದಲ್ಲಿ ಜು. 6ರಂದು ಬೆಳಗ್ಗೆ 10.30ಕ್ಕೆ ವಿಶ್ವ ಪರಿಸರ ದಿನ ಏರ್ಪಡಿಸಲಾಗಿದೆ ಎಂದು ಸಂಘದ ಕಾರ್ಯದರ್ಶಿ ಎಂ.ಎಸ್​. ಮಲ್ಲಾಪುರ ತಿಳಿಸಿದರು.
ನಗರದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಶಾಸಕ ಅರವಿಂದ ಬೆಲ್ಲದ ಸಮಾರಂಭ ಉದ್ಘಾಟಿಸುವರು. ಅತಿಥಿಗಳಾಗಿ ಪಾಲಿಕೆ ಆಯುಕ್ತ ಡಾ. ಈಶ್ವರ ಉಳ್ಳಾಗಡ್ಡಿ, ಬಿ.ಡಿ. ಪಾಟೀಲ, ಪಾಲಿಕೆ ಸದಸ್ಯ ವಿಜಯಾನಂದ ಶೆಟ್ಟಿ, ಪಂಡಿತ್​ ಮುಂಜಿ, ಡಾ. ಸುಭಾಷ ಬಬ್ರುವಾಡ, ಶಾರದಾ ಗೋಪಾಲ, ಜಯಶ್ರೀ ಗೌಳಿ, ಶಿವಶಂಕರ ಐಹೊಳೆ ಆಗಮಿಸಲಿದ್ದಾರೆ. ಎಸ್​.ಎನ್​. ಪುರಾಣಿಕ ಅಧ್ಯಕ್ಷತೆ ವಹಿಸಲಿದ್ದಾರೆ ಎಂದರು.
ಅಧ್ಯಕ್ಷ ಎಸ್​.ಎಸ್​. ಜಂಬಗಿ, ಉಪಾಧ್ಯಕ್ಷ ಎಸ್​.ಎನ್​. ಪುರಾಣಿಕ, ಎಂ.ಕೆ. ನದಾಫ​, ಇತರರು ಇದ್ದರು.