ಕೊಪ್ಪಳ: ಅತಿ ಕಡಿಮೆ ದರದಲ್ಲಿ ಎಲ್ಲ ವರ್ಗದ ಜನರಿಗೆ ವೈದ್ಯಕಿಯ ಸೇವೆ ಒದಗಿಸಲು ಲಯನ್ಸ್ ಕ್ಲಬ್, ಚಾರಿಟಬಲ್ ಟ್ರಸ್ಟ್ ಮತ್ತು ಮಲ್ಲಿಕಾರ್ಜುನ ಸೋಮಲಾಪುರ ಸ್ಮಾರಕ ಟ್ರಸ್ಟ್ನಿಂದ ನಗರದ ಲಯನ್ಸ್ ಕಣ್ಣಿನ ಆಸ್ಪತ್ರೆ ಆವರಣದಲ್ಲಿ ಲಯನ್ಸ್ ಡೇ ಕೇರ್ ಕೇಂದ್ರ ಆರಂಭಿಸಿದ್ದು ಡಿ.27 ಕ್ಕೆ ಉದ್ಘಾಟನೆಯಾಗಲಿದೆ ಎಂದು ಕ್ಲಬ್ ಕಾರ್ಯದರ್ಶಿ ಪ್ರದಿಪ ಸೋಮಲಾಪುರ ತಿಳಿಸಿದರು.
ಹೊರ ರೋಗಿಗಳಿಗೆ 10ರೂ. ವೆಚ್ಚದಲ್ಲಿ ಸೌಲಭ್ಯ ಸಿಗಲಿದೆ. ರಕ್ತ ಪರೀೆ, ಡೇ ಕೇರ್ ಸೌಲಭ್ಯ ಜತೆಗೆ ಸಾರ್ವಜನಿಕರಿಗೆ ಅಗತ್ಯ ವೈದ್ಯಕಿಯ ಚಿಕಿತ್ಸಾ ಸಲಹೆಗಳನ್ನು ನೀಡಲು ಉಚಿತ ಸಹಾಯವಾಣಿ ಆರಂಭಿಸಲಾಗುವುದೆಂದು ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.
ಜತೆಗೆ ಆಕ್ಸಿಜನ್ ಕಾನ್ಸ್ಂಟ್ರೇಟರ್, ನೆಬ್ಯುಲೇಜರ್, ವೀಲ್ ಚೇರ್, ರೋಗಿಗಳ ಹಾಸಿಗೆ, ವಾಕಿಂಗ್ ಸಲಕರಣೆಗಳನ್ನು ಕಡಿಮೆ ದರದಲ್ಲಿ ಅವರಿಗೆ ಅಗತ್ಯ ಇರುವಷ್ಟು ದಿನ ಬಾಡಿಗೆ ನೀಡಲಾಗುವುದು. ಜನೌಷಧ ಮಾದರಿಯಲ್ಲಿ ಎಲ್ಲ ಔಷಧಗಳನ್ನು ಮಾರುಕಟ್ಟೆ ಬೆಲೆಗಿಂತ ಕಡಿಮೆ ದರದಲ್ಲಿ ವಿತರಿಸಲಾಗುವುದು. ಇದರೊಂದಿಗೆ ಜನರ ಅಗತ್ಯಕ್ಕೆ ತಕ್ಕಂತೆ ಸೌಲಭ್ಯಗಳನ್ನು ಹೆಚ್ಚಿಸಲಾಗುವುದು. ಲಯನ್ಸ್ ಜಿಲ್ಲಾ ಗವರ್ನರ್ ಮನೋಜ್ ಎಲ್. ಮಾಣಿಕ್, ಆಡಳಿತ ಮಂಡಳಿ ಸದಸ್ಯ ರವಿ ಎಲ್. ನಾಡಿಗೇರ, ವಿಭಾಗೀಯ ಸಲಹೆಗಾರ ಆನಂದ ಫೋಟ್ನಿಸ್ ಹಾಗೂ ರಿಜನಲ್ ಮೆಂಟರ್ ಸುಗ್ಗಲಾ ಯಳಮಲಿ ಭಾಗಿಯಾಗುವುದಾಗಿ ಹೇಳಿದರು.
ಲಯನ್ಸ್ ಕ್ಲಬ್ ಅಧ್ಯಕ್ಷ ಪರಮೇಶ್ವರಪ್ಪ ಕೊಪ್ಪಳ, ಬಸವರಾಜ ಬೊಳ್ಳೊಳ್ಳಿ, ವೆಂಕಟೇಶ ಶಾನಭಾಗ್ ಇತರರಿದ್ದರು.