ಕೊಪ್ಪಳ : ತಾಲೂಕಿನ ಭಾಗ್ಯನಗರ ಪಟ್ಟಣ ಪಂಚಾಯಿತಿಯಿಂದ ನ.25ರಿಂದ ಡಿ.5ವರೆಗೆ ವಿವಿಧ ವಾರ್ಡ್ಗಳಲ್ಲಿ ಸ್ಥಳದಲ್ಲೇ ಇ ಆಸ್ತಿ ಪ್ರಮಾಣ ಪತ್ರ ವಿತರಣೆ ಶಿಬಿರ ಹಮ್ಮಿಕೊಳ್ಳಲಾಗಿದೆ ಎಂದು ಮುಖ್ಯಾಧಿಕಾರಿ ಸುರೇಶ ಬಬಲಾದ ತಿಳಿಸಿದ್ದಾರೆ.
ನ.25ರಂದು 1ರಿಂದ 3ನೇ ವಾರ್ಡ್ ಕರಡಿ ಮಸೂತಿ ಹತ್ತಿರ, 26ರಂದು 4ರಿಂದ 7ನೇ ವಾರ್ಡ್ ನೀಲಕಂಠೇಶ್ವರ ದೇವಸ್ಥಾನ ಹತ್ತಿರ, 28ರಂದು 8ರಿಂದ 12ನೇ ವಾರ್ಡ್ ಬನಶಂಕರಿ ದೇವಸ್ಥಾನ ಹತ್ತಿರ, 30ರಂದು 13ರಿಂದ 15ನೇ ವಾರ್ಡ್ ಮರಿಯಮ್ಮ ದೇವಸ್ಥಾನ ಹತ್ತಿರ, ಡಿ.3ರಂದು 16,17ನೇ ವಾರ್ಡ್ ಕುವೆಂಪು ವೃತ್ತದ ಹತ್ತಿರ, ಡಿ.5ರಂದು 18,19ನೇ ವಾರ್ಡ್ ಕಿನ್ನಾಳ ಮುಖ್ಯ ರಸ್ತೆ ಹತ್ತಿರ ಬೆಳಗ್ಗೆ 10ರಿಂದ ಸಂಜೆ 5ಗಂಟೆವರೆಗೆ ಶಿಬಿರ ನಡೆಯಲಿದೆ.
ಶಿಬಿರದಲ್ಲಿ ನಮೂನೆ 3 ವಿತರಣೆ, ಆಸ್ತಿ ತೆರಿಗೆ ಬರೆಸಿಕೊಳ್ಳುವಿಕೆ, ನೀರಿನ ಕರ ಭರಿಸುವಿಕೆ, ಅನಧಿಕೃತ ನಗಳಗಳನ್ನು ಅಧಿಕೃತಗೊಳಿಸುವುದು, ಉದ್ಯಮ ಪರವಾನಗಿ ನೀಡಲಾಗುವುದು. ಅಗತ್ಯ ದಾಖಲೆಗಳೊಂದಿಗೆ ಶಿಬಿರಕ್ಕೆ ಹಾಜರಾಗಿ ಸೌಲಭ್ಯ ಪಡೆಯುವಂತೆ ಮನವಿ ಮಾಡಿದ್ದಾರೆ.