ಅಂಗವಿಕಲೆ ಹೋರಾಟಕ್ಕೆ ಕಾನೂನು ಸೇವಾ ಪ್ರಾಧಿಕಾರದ ನೆರವು !

ತುಮಕೂರು: ವ್ಹೀಲ್​ ಚೇರ್​ನಲ್ಲಿ ಲೋಕಾಯುಕ್ತ ವಿಚಾರಣೆ ವೇಳೆ ಹಾಜರಿದ್ದ ಅಂಗವಿಕಲೆ ಪ್ರೇಮಲತಾ ದೂರಿಗೆ ಸ್ಪಂದಿಸಿದ ಉಪಲೋಕಾಯುಕ್ತ ನ್ಯಾ.ಬಿ.ವೀರಪ್ಪ ಆಕೆಯ ಹೋರಾಟಕ್ಕೆ ಕಾನೂನು ಸೇವಾ ಪ್ರಾಧಿಕಾರದ ನೆರವು ನೀಡಲು ಸಲಹೆ ಕೊಟ್ಟ ಪ್ರಸಂಗ ನಡೆಯಿತು.

ಕುಣಿಗಲ್​ ತಾಲೂಕು ಕೊತ್ತಗೆರೆ ಹೋಬಳಿಯ ಚಿಕ್ಕಹೊನ್ನೇಗೌಡನಪಾಳ್ಯದ ಅಂಗವಿಕಲೆ ಪ್ರೇಮಲತಾ ತಮ್ಮ ಹೆಸರಿನ ಪಹಣಿಯನ್ನು ತಹಸೀಲ್ದಾರ್​ ರದ್ದುಪಡಿಸಿರುವ ಬಗ್ಗೆ ಲೋಕಾಯುಕ್ತರಿಗೆ ನೀಡಿರುವ ದೂರಿನ ವಿಚಾರಣೆ ನಡೆಸಿದ ನ್ಯಾ.ವೀರಪ್ಪ ಅವರು ನ್ಯಾಯಾಲಯದ ಆದೇಶದಂತೆ ನಿನ್ನ ಹೆಸರಿಗೆ ಸರ್ವೇ ನಂ 52/4 ಜಮೀನನ್ನು ಮಾಡಿಕೊಟ್ಟಿದ್ದಾರೆ. ಬೇರೆ ಸರ್ವೇನಂ. ವ್ಯಾಜ್ಯಕ್ಕೆ ಸಂಬಂಧಿಸಿದಂತೆ ಸಿವಿಲ್​ ಕೋರ್ಟ್​ನಲ್ಲಿ ದಾವೆ ಹೂಡುವಂತೆ ಸಲಹೆ ನೀಡಿದರಲ್ಲದೆ, ಅಲ್ಲೇ ಇದ್ದ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ನೂರುನ್ನೀಸಾಗೆ ನ್ಯಾಯಾಲಯದಲ್ಲಿ ದಾವೆ ಹೂಡಲು ಎಲ್ಲ ರೀತಿಯ ನೆರವು ನೀಡುವಂತೆ ಸೂಚಿಸಿದರು.