ಕೊಪ್ಪಳ: ನಗರದ ಶ್ರೀ ರಾವೇಂದ್ರ ಸ್ವಾಮಿ ಮಠದಲ್ಲಿ ಜ.25 ಮತ್ತು 26ರಂದು ಬ್ರಾಹ್ಮಣ ವಧು&ವರರ ಸಮಾವೇಶ ಹಾಗೂ ಶ್ರೀನಿವಾಸ ಕಲ್ಯಾಣೋತ್ಸವ ಹಮ್ಮಿಕೊಳ್ಳಲಾಗಿದೆ ಎಂದು ಸಪ್ತಪದಿ ೌಂಡೇಶನ್ ಟ್ರಸ್ಟ್ ಪ್ರಧಾನ ಕಾರ್ಯದರ್ಶಿ ಶ್ರೀನಿವಾಸ ಭಾರದ್ವಾಜ್ ತಿಳಿಸಿದರು.
ಟ್ರಸ್ಟ್ನಿಂದ ಹಲವು ವರ್ಷಗಳಿಂದ ಸೇವೆ ಮಾಡುತ್ತಿದ್ದೇವೆ. ಈವರೆಗೆ 57 ಸಮಾವೇಶ ಹಮ್ಮಿಕೊಳ್ಳಲಾಗಿದೆ. ಸಾವಿರಾರು ಜೋಡಿಗಳಿಗೆ ಮದುವೆ ಮಾಡಿಸಿದ್ದೇವೆ. ಬ್ರಾಹ್ಮಣ ಮಹಾಸಭಾ, ಸಪ್ತಪದಿ ೌಂಡೇಶನ್ ಹಾಗೂ ಮಂಗಳಸೂತ್ರ ೌಂಡೇಶನ್ ಸಹಯೋಗದಲ್ಲಿ ಆಯೋಜಿಸಲಾಗಿದೆ. ಸ್ಥಳದಲ್ಲೇ ನೋಂದಣಿಗೆ ಅವಕಾಶವಿರಲಿದೆ. ಮೊದಲು ದಿನ ಪೂರ್ತಿ ವಧು&ವರರ ಸಮಾವೇಶ ಇರಲಿದೆ. ಎರಡನೇ ದಿನ ಮಧ್ಯಾಹ್ನ 3 ಗಂಟೆವರೆಗೆ ಸಮಾವೇಶ ಮುಂದುವರೆಯಲಿದೆ. ಬಳಿಕ ಶ್ರೀನಿವಾಸ ಕಲ್ಯಾಣೋತ್ಸವ ಹಾಗೂ ವೇದಿಕೆ ಕಾರ್ಯಕ್ರಮ ಜರುಗುವುದೆಂದು ಬುಧವಾರ ಸುದ್ದಿಗೋಷ್ಠಿಯಲ್ಲಿ ವಿವರಿಸಿದರು.
ನಾವು ಯಾವುದೇ ಶುಲ್ಕ ಪಡೆಯುತ್ತಿಲ್ಲ. ಇದೊಂದು ಸೇವೆಯಾಗಿ ಮಾಡಿಕೊಂಡು ಬಂದಿದ್ದೇವೆ. ನಾವೆಲ್ಲ ಉದ್ಯೋಗಸ್ಥರಾಗಿದ್ದು, ಬಿಡುವಿಣ ವೇಳೆಯಲ್ಲಿ ಈ ಕೆಲಸ ಮಾಡುತ್ತಿದ್ದೇವೆ. ವಧು&ವರ ಕಡೆಯವರಿಗೆ ಸಂಪರ್ಕ ಏರ್ಪಡಿಸುವ ಸೇತುವೆಯಾಗಿ ಕೆಲಸ ಮಾಡುತ್ತಿದ್ದೇವೆ. ಅದರ ಹೊರತಾಗಿ ಹೆಚ್ಚುವರಿ ನಮ್ಮ ಪಾತ್ರ ಇರುವುದಿಲ್ಲ. ಪರಸ್ಪರ ಒಪ್ಪಿಗೆಯಾಗಿ ಮದುವೆ ನಿಶ್ಚಯವಾದಲ್ಲಿ ನಮ್ಮ ಸಮಾವೇಶ ಉದ್ದೇಶ ಈಡೇರಲಿದೆ. ಆಸಕ್ತರು ಶ್ರೀನಿವಾಸ ಭಾರದ್ವಾಜ್ 9449425536, 8217876335 ಸಂಖ್ಯೆ ಸಂಪರ್ಕಿಸಿ ನೋಂದಣಿ ಮಾಡಿಕೊಳ್ಳಬಹುದೆಂದು ಹೇಳಿದರು.
ಪ್ರಮುಖರಾದ ಹನುಮಂತರಾವ್ ದೇಶಪಾಂಡೆ, ವೇಣುಗೋಪಾಲ ಜಹಗೀರದಾರ, ರಾವೇಂದ್ರ ನರಗುಂದ, ಡಿ.ವಿ.ಜೋಶಿ ಇತರರಿದ್ದರು.