ಸುದ್ದಿಗೋಷ್ಠಿಯಲ್ಲಿ (Star singer)ಕೇಶವ ಗುರಂ ಫೌಂಡೇಷನ್ ಅಧ್ಯಕ್ಷ ಶಿವು ಗುರಂ ಮಾತನಾಡಿದರು. ವಿಶಾಲ ರಾಜೂರ, ಶ್ರೀಪಾದ ಕುಲಕರ್ಣಿ, ಸಂದೀಪ, ಇತರರು ಇದ್ದರು.
ಹುಬ್ಬಳ್ಳಿ: ಸ್ಕೈಲೈಟ್ ಎಕ್ಸೋರಾ (Star singer) ಹಾಗೂ ಕೇಶವ ಗುರಂ ಫೌಂಡೇಷನ್ ಸಂಘಟಿಸಿರುವ ಮೊದಲ ಆವೃತ್ತಿಯ ಹುಬ್ಬಳ್ಳಿ ಸ್ಟಾರ್ ಸಿಂಗರ್ ಕರೋಕೆ ಗಾಯನ ಸ್ಪರ್ಧೆಯ ಫೈನಲ್ ಫೆ. 1 ರಂದು ಸಂಜೆ 4 ಗಂಟೆಗೆ ಗೋಕುಲ ರಸ್ತೆ ಕ್ಯೂಬಿಕ್ಸ್ ಹೊಟೇಲ್ನಲ್ಲಿ ನಡೆಯಲಿದೆ ಎಂದು ಫೌಂಡೇಷನ್ ಅಧ್ಯಕ್ಷ ಶಿವು ಗುರಂ ತಿಳಿಸಿದರು.
ಹುಬ್ಬಳ್ಳಿಯಲ್ಲಿ ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಬೆಳಗ್ಗೆ 10ರಿಂದ ಮಧ್ಯಾಹ್ನ 2 ಗಂಟೆಯವರೆಗೆ ಸೆಮಿಫೈನಲ್ ನಡೆಸಲಾಗುವುದು. ಸೆಮಿಫೈನಲ್ಗೆ 25 ಸ್ಪರ್ಧಿಗಳು ಆಯ್ಕೆಯಾಗಿದ್ದಾರೆ. ಇವರಲ್ಲಿ 15 ಜನ ಸ್ಪರ್ಧಿಗಳು ಫೈನಲ್ಗೆ ಪ್ರವೇಶ ಪಡೆಯಲಿದ್ದಾರೆ. ಫೈನಲ್ ಸ್ಪರ್ಧೆಯನ್ನು ವೀಕ್ಷಿಸಲು ಸಾರ್ವಜನಿಕರಿಗೆ ಅವಕಾಶ ಇರುತ್ತದೆ ಎಂದು ಹೇಳಿದರು.
ಅತಿಥಿಗಳಾಗಿ ಶಾಸಕ ವಿಜಯಾನಂದ ಕಾಶಪ್ಪನವರ, ಎಂಎಲ್ಸಿ ಪ್ರದೀಪ ಶೆಟ್ಟರ್, ಪೊಲೀಸ್ ಆಯುಕ್ತ ಎನ್. ಶಶಿಕುಮಾರ, ಇನ್ನಿತರರು ಭಾಗವಹಿಸಿವರು. ನಿರ್ಣಾಯಕರಾಗಿ ಮೊಹಮ್ಮದ ಶಫಿ, ಜಮೀರ್ ಖಾನ್, ಪ್ರಶಾಂತ ಆರ್.ಕೆ., ಶ್ರೀಧರ ಕುಲಕರ್ಣಿ, ವಿಠ್ಠಲ್ ಕಾರ್ಯನಿರ್ವಹಿಸುವರು. ವಿಜೇತರಿಗೆ 10 ಸಾವಿರ ರೂ. ನಗದು ಹಾಗೂ ಟ್ರೋಫಿ, ರನ್ನರ್ ಅಪ್ ಗೆ 5 ಸಾವಿರ ರೂ. ನಗದು ಮತ್ತು ಟ್ರಫಿ ಹಾಗೂ ಮೂವರಿಗೆ ಸಮಾಧಾನಕರ ಬಹುಮಾನವಾಗಿ ತಲಾ 1500 ರೂ. ನೀಡಲಾಗುವುದು ಎಂದು ಹೇಳಿದರು.
ಸುದ್ದಿಗೋಷ್ಠಿಯಲ್ಲಿ ಸ್ಕೈಲೈಟ್ ಎಕ್ಸೋರಾದ ವಿಶಾಲ ರಾಜೂರ, ಶ್ರೀಪಾದ ಕುಲಕರ್ಣಿ, ಸಂದೀಪ, ಇತರರು ಇದ್ದರು.