road safety ಹುಬ್ಬಳ್ಳಿಯ ಕೆಎಲ್ಇ ಜೆಜಿಎಂ ಮೆಡಿಕಲ್ ಕಾಲೇಜಿನಲ್ಲಿ ಗುರುವಾರ ಏರ್ಪಡಿಸಿದ್ದ ರಸ್ತೆ ಸುರಕ್ಷತಾ ಉಪನ್ಯಾಸ ಕಾರ್ಯಕ್ರಮದಲ್ಲಿ ಆರ್ಟಿಒ ಶ್ರೀಕಾಂತ ಬಡಿಗೇರ, ಡಾ. ಶಾರದಾ ಮೆಟಗುಡ್ಡ, ಜಿ.ವಿ. ದಿನಮಣಿ, ಎಸ್.ಡಿ. ಬೆಲ್ಲದ, ಡಾ. ಅರುಣಕುಮಾರ ಇತರರು ಇದ್ದರು.
ಹುಬ್ಬಳ್ಳಿ: road safety ಇಲ್ಲಿಯ ಗಬ್ಬೂರ ಕೆಎಲ್ಇ ಜೆ.ಜಿ.ಎಂ ಮೆಡಿಕಲ್ ಕಾಲೇಜು ಸಭಾಂಗಣದಲ್ಲಿ ರಾಷ್ಟ್ರೀಯ ರಸ್ತೆ ಸುರಕ್ಷತಾ ಜಾಗೃತಿ ಮಾಸಾಚರಣೆ ಅಂಗವಾಗಿ ವೈದ್ಯ ವಿದ್ಯಾರ್ಥಿಗಳು, ಬೋಧಕರು, ಸಿಬ್ಬಂದಿ ಹಾಗೂ ಕಾಲೇಜು ಬಸ್ ಚಾಲಕರಿಗೆ ಗುರುವಾರ ಉಪನ್ಯಾಸ ಏರ್ಪಡಿಸಲಾಗಿತ್ತು.
ಸಾರಿಗೆ ಇಲಾಖೆ, ಕೆಎಲ್ಇ ಜೆ.ಜಿ.ಎಂ ಮೆಡಿಕಲ್ ಕಾಲೇಜು, ಇಂಡಿಯನ್ ಮೆಡಿಕಲ್ ಅಸೋಸಿಯೇಶನ್ ಹಾಗೂ ಐ.ಎಂ.ಎ. ಲೇಡೀಸ್ ವಿಂಗ್ ಸಹಯೋಗದಲ್ಲಿ ಆಯೋಜಿಸಿದ್ದ ಸಮಾರಂಭವನ್ನು ಧಾರವಾಡ ಪೂರ್ವ ಪ್ರಾದೇಶಿಕ ಸಾರಿಗೆ ಅಧಿಕಾರಿ ಶ್ರೀಕಾಂತ ಬಡಿಗೇರ ಉದ್ಘಾಟಿಸಿದರು.
ಹಿರಿಯ ಮೋಟಾರು ವಾಹನ ನಿರೀಕ್ಷಕ ಎಸ್.ಡಿ. ಬೆಲ್ಲದ ಮಾತನಾಡಿ, ರಸ್ತೆ ಅಪಘಾತ, ಲೇನ್ ಬದಲಾವಣೆ, ಡಿಸಿಪ್ಲೆನ್, ಟೋಲ್ ಗೇಟ್ ಮುಂತಾದ ವಿಷಯಗಳ ಕುರಿತು ಮಾಹಿತಿ ನೀಡಿದರು. ಸುರಕ್ಷತಾ ಮುಂಜಾಗ್ರತಾ ಕ್ರಮಗಳ ಕುರಿತು ವಿಡಿಯೋ ಪ್ರಾತ್ಯಕ್ಷಿತೆ ನೀಡಿದರು.ರಸ್ತೆ ಸುರಕ್ಷತೆಯ ಭಿತ್ತಿ ಪತ್ರಗಳನ್ನು ಬಿಡುಗಡೆ ಮಾಡಲಾಯಿತು.